«Зекет қоры» жомарт жандарды сауапты іс-шараларға ат салысуға шақырады

«Зекет» корпоративтік қайырымдылық қоры 2018 жылы республика бойынша 25 мың жанұяға қайырымдылық көмек көрсетті. Сондай-ақ, 5 мыңға жуық әлеуметтік аз қамтылған балаларды мектепке қажетті құрал-жабдықтармен, киім-кешекпен қамтамасыз етті. Мүгедек балалардың ем-домына қаражат бөлді. Өткен жылы «Ел үлесі пәтерге» жобасы аясында баспанаға аса зәру 9 отбасына пәтер берілді. 1 жылда қайырымдылық бағытында жалпы сомасы 288 млн. теңге қаражат жұмсалды. «Зекет» қорының іс-шараларымен, жасаған қайырымдылықтарымен, жұмсалған қаржыларымен www.zeket.online ресми сайтынан немесе Zeket мобильдік қосымшасынан толығырақ танысып біле аласыздар.