Рет қаралды 772,543
Бәріңізге асалаумағаликум. Зеленскийге әлем жұрты тәнтті. Ешқайда қашпады, түк саспады, қақпасын жауға ашпады. Ал Путиннің жүйкесі жұқарды. Төзімі таусылуға таяу. Ол енді ядролық қаруды іске қоса ма? Қолы қызыл кнопкаға тисе адамзаттың жағдайы не болмақ? Украинаның бомыждарына дейін шайқасқа түсті. Ресей бұл жолы жеңілсе ыдырап кетуі мүмкін бе? Ал жеңсе Қазақстанның күні не болмақ? Біз орысқа жалтаң-жалтаң еткен Белоруссияның күйін кешіп қалмаймыз ба? Ал Украина жеңсе біз неден ұтамыз? Ең соңғы маңызды әрі сұмдық ақпараттарды сізге білген дұрыс!
ҚАЙЫРЫМДЫЛЫҚ
Европа Орысқа әуе кеңістігін жапты. Түркия теніз жолын кесті. Фейзвук пен Твиттер Орыс аккаундтарын бұғаттады. Илон Маск та жәрдемге келді. Ресей дым сүйкімі қалмай, сорлы боп әлемде жападан жалғыз қалды. Бірақ ұялып жатқан олар жоқ. Путин Қорғаныс министріне тежеуіш күштерді, яғни ядролық қару мен аса қауіпті зымыран кешендерін алып ұшатын жүйелерді ерекше режимге келтіруді бұйырды. Қызыл кнопкаға қолы жақындай түсті деген сөз. Мүмкін бұл сес көрсетуде болар. Осы жерде бір қызық айта кетейік. Мына суретке қараңызшы. Путин өз көлеңкесінен өзі қорқа бастағандай. Екі генералын он метр алысқа отырғызып қойып тапсырма беріпті.
Соғыс Украинаны бір тудың астына жинады. Басқасын айтпағанда елдің бұрынғы Президенті Прошенконы қараңызшы. «Мені қайта сайламадыңдар» деп өкпелемей, зейнеткермін деп жатып алмай, қолына қару ұстап, пульмет таратып , сарбаздармен бірге жүр. Сотты боп қашып жүргендерде, қоқыс ақтарып күн көрген бомыждарда Отан үшін шайқасқа түсті. Осыған қатысты журналист Серік Әбікенұлы былай деп жазба жариялап жүректі шымырлатты. Бомыждар бөтелке жинап, Молотов коктейлін жасап жатқан тұрғындарға көмектесіп жүр екен. Оларда үй жоқ, қүжат жоқ, бірақ жүрек пен Отан бар екен! Халқының осындай ұлы махаббатын оятқан Зеленский әлемдік лидерлердің аузын ұрды. Онда Байдендікіндей байлық, Макрондыкіндей дос-жаран, Путиндікіндей қызыл кнопка жоқ, есесіне ұлт сүйіспеншілігі бар. Енді ол әлем халқының ықыласына бөленген Ер болды. Жаһан "Украина!!! Зеленский!!!" деп жаңғырып тұр. Соңғы ширек ғасырда жер бетінде мұндай саяси тұлға болмаған! Ол зұлымдық пен аярлықты мысқылдап, сонысы үшін "сайқымазақ" атанып еді, енді шын сайқымазақтардың бетпердесін сыпырды!
Путин бастаған Ресей биілігі тәуелсіз дербес бір елді бомбалап жатыр... Украина жұртына қарап жүрек ауырады. Қаншама бейкүнә халық, бейкүнә бала, бейкүнә сәби қайтыс болды?! Ол елде қазір тек тыныштық, елінің бірлігі, елдігі арман. Білім, ғылым, денсаулық, экономика емес, бастың амандығы - басты арман.
Украина бізге, біз секілді ұсақ елдердің біразына сабақ болуы керек. Ресей секілді агрессор мемлекетпен көрші отырған жұрт қашан да мемлекеттік қорғаныс пен ұлттық идеологиясын мықтамаса ертең не боларын кім білсін?
Соғыс басталғалы Ресейді ашық жақтап, Путин еркек деп отырған талайды көзіміз көрді. Құдай басқа соғыс салмасын. Ертең сатқын, ең алдымен, іштен шықпасына кім кепіл? Сондықтан нақты идеологиялық тұтастық та маңызды.
Бірақ елде қаншама Ресей телеарнасы сайрап тұр, өз идеологиясын тықпалап... Қаншама БАҚ тек орыстардың дереккөзіне сүйеніп ақпарат таратып жатыр... Бұның бәрі ойлантатын дүние... «Біреудің қойын біреу ысқырып жүріп бағады» дегендей, бір елде соғыс боп жатса, басқалар ары кетсе санкция сап отыра беретінін де көрдік. Бұл тек өзіміздің жағдайымызды тек өзіміз ғана шешетініміздің дәлелі. Дәл осындай соғыс болса Ресейдің ішіндегі тәуелсіздік аңсап жүрген ұлттар тәуелсіздікке ұмтылатын шығар десем кейбірі алғы шепте жүр... Өкінішті...
Украинаға жеңіс тілейміз. Дәл қазір біз үшін Ресейдің жеңілгені маңызды. Соғыстың тоқтап Украинаның территориялық тұтастығы маңызды. Аятжан Ахметжанұлының айтқаны бұл. Ойландыратын дүние.
Қазақстанға Украинаның жеңгені керек. Әйтпесе Беларусьтің күйін кешеміз. Иә, солай мұны біз емес саясаттанушылар айтып отыр. Саясаттанушы Дәурен Әбеннің пайымдауынша, Киев Кремльге тізе бүккен болса, бұл Қазақстанға да кері әсерін тигізеді. Ақорда осы соғыста Украинаның мерейі үстем болуына мүдделі. Егер Ресей жеңсе, Қазақстан екінші Беларуське айналады. Мәскеудің айтқанына құлдық ұрып, агрессордың сөзін сөйлеуге мәжбүр болады. “Киевке басып кірген Путиннің тауы шағылып, кері шегінсе күллі посткеңестік кеңістіктегі саяси ахуал күрт өзгереді. Ресейдің күштеуімен құрылған саяси-экономикалық блоктар көпке ұзамай күйрейді. Еуразиялық одақ секілді ұйымдар шетінен шытынап, ыдырай бастайды. Олардың орнына аймақтық жобаларға жан бітіп, Кремльмен тең дәрежеде сөйлесетін құрылымдар пайда болады”, - дейді Саясаттанушы. Иләйм, солай болғай.
Соғыс болар болды ғой, әйткенімен екі елдің шайқасуы болашақта бізге пайдалы екен. Мұны да біле жүріңіз. Ол қандай пайда? Экономист Ербосын Нұрмұхан салмақты сараптама жасап соны тізіп шығыпты. Ал тыңдаңыз.