Рет қаралды 262,631
Бәріңізге ассалаумағаликум. Қазақстан Жеңіс күніне әскери парад өткізбейміз деп еді, Ресей бұлқан-талқан боп өкпелеп жатыр. Сонда 9 мамыр паратын өткізу-өткізбеуді Кремль нұсқап отыра ма? Депутаттары «парадтың неге өтпейтінін түсіндірсін» деп шүйлігетіндей бізде әкесінің құны қалды ма? Ал Путин Мариуполь қаласын жоқ қылды. Шаһарды қорғауда өліспей-беріспей күресіп жатқан «Азов» батальонының ерлігі жайлы естідіңіз бе? Қадыров болса тағы құтырды. Ол бұл жолы тағы не деп оттады? Мұны сізге сөзссіз білген дұрыс!
Мына Ресей депуттары тура құйрыққа қыстырылған боқ сияқты. Күндерін Қазақстанға қарап атырып, Қазақстанға қарап батыратындай. Біздің ел Жеңіс күніне арнап парад өткізбейміз деп еді, ұлардай шулап қоя берді. Неге өткізбейді,түсіндірсін деп талап етіп отыр. Мәселен Ресей Мемлекеттік Думасының депутаты Николай Новичков: «Ешқандай дау жасаудың қажеті жоқ, тек мәселенің басын ашып алу керек. Қазақстан 9 мамырдағы Жеңіс парадына қатысты шешімін ресми түрде дипломатиялық жолмен түсіндіру керек», - дейді. Оның айтуынша, Қазақстан шешімін өзге елге түсіндіруге міндетті екен. Осыдан соң қалай қаның қайнамайды, әәә?! Ресейдің Владимир Аватков дейтін сарапшысы бар. Ол да түлен түрткендей мәлімдеме жасапты. "Күн сайын посткеңестік кеңістіктерден, атап айтқанда Қазақстаннан таңғаларлық жаңалықтар көбейіп келеді. Енді олар Жеңіс күніне арналған шеруден бас тартты. ОДКБ Қазақстанды күйреу мен анархиядан құтқарғанына қарамастан, олар жаңа әлемді қай жағынан құратынын шешуге асықпай келеді. Украинада қайғылы оқиғалар осындай әрекеттерден басталды: Батысқа бет бұру, өз өткенімен байланысты жою. Қазақстан да дәл осындай жолмен жүруге тәуекел етті. Енді ғана Қазақстан екі «әлемнің» емес, көптің - бұл Ресей, Қытай, Түркия және Батыстың арасында қалуы керек. Бұл әлдеқайда ауыр болады", - деп жазды сарапшы телеграм арнасында. Айтқан сөзін қараңызшы...Бұл тап-таза басыну емей немене? Қасқырдың аузы жесе де қан, жемесе де қан деген осы болса керек. Ресей бізге құл-құтанға теңеп отырса да оларды өліп жақтап отырған қазақтарға кейде таңқаласың.
Шыңғыс Айнабеков деген ұлытжанды бір азамат бар. Со кісіге бір мәңгүрт «Украинаға барып соғыспай, барлығың Америкадан қорықпай Россиядан қорқып қалыпсыңдар ғой». деп кекетіп жазыпты. Сонда Шыңғыс шырылдаған шындықты былайша жеткізді.
Кейде мәңгүрттерге айтылған сөз де зая. Олардың санасының уланғаны соншалық күндіз-түні Ресейдің арналарын аңдып, соғыстың қалай өрбіп жатқанын өздігінше бағамдайды. Ал Ресей арналарының не айтатынын есі дұрыс адамның бәрі біледі. Өздеріне шаң жуытпай, Украинаны сүмелек етіп көрсетеді. Ресейдің жаңалықтарына қарасаңыз, бұл ел үлкен жындыханаға айналған сияқты. Қалай-былай.
Полиция украин композиторының шығармасын ойнаған белгілі пианистің концертін тоқтатты
Көшеде Джордж Оруэллдің «1984» кітабын тегін таратып отырған адам армияның «абыройына нұқсан келтіргені» үшін істі болды
• Толстойдың «Соғыс және бейбітшілік» романын ұстап тұрған адам қамауға алынды
• Путиннің соғыс туралы сөзінен үзінді жазылған қағазды ұстап тұрған адамға айыппұл салынды
• Навальныйдың посттарына лайк қойғаны үшін жүздеген полицей жұмыстан қуылды
• Белгілі журналист Юрий Дудь пен саясаттанушы Екатерина Шульман шетелдің агенті болып танылды
• Әкесі Украинамен соғысты сынаған қызының үстінен полицияға арыз жазды
• Ішіп алған бір орыс Харьковтегі шешесіне звандаған әйеліне жынданып, 5 жасар баласын теуіп өлтірді
• Бір әйел Украинда соғысып жүрген күйеуіне украин әйелдерді зорлауға рұқсат берді. «Зорлай бер, бірақ маған айтпа» деген әңгімесі тарап кетті. Осы ақпараттарды жеткізген Ержан Әбдіраман екенін ерекше атап өткіміз келеді. Ары қарай кеттік. Путин ақыры Мариуполь қаласын жоқ қылды. Орыс күштерінің қоршауында қалған украин әскерлері болса бағынудан бас тартты. Шаһарды бермеу үшін “Азов” батальоны мен теңіз әскерлерінің 36-бригадасының жауынгерлері қала үшін шайқасты. Украина билігінің мәліметіне сәйкес, орыс армиясының әскери шабуылынан қаладағы ғимараттардың 90% астамы талқандалған. Әзірге қаза болғандар жайлы толық мәлімет айтылмай жатыр. Бірақ құрбандар саны мыңдаған болуы мүмкін. Еххх, Қайран қала!
Ал Шешенстан Президенті Рамзан Қадыровта қоймайды екен. Украина президенті Зеленскийге үн қатты. Не деді дейсіздер ғой?
«Мен мұнда Зеленскийдің 10 жыл күресуге дайын екенін жазғанын оқыдым. Ей, ақымақ, сен не істеп жатырсың? Бізде көп уақыт жоқ. Біз келесі күні-ақ бәрін жойып, соғысты аяқтаймыз. Менің ойымша, сізде шизофрения бар. Үлкен ағаңыз Байденге барыңыз...» деп жазды ол телеграм арнасында.
Бұл соғыстың бүгін-ертең аяқталар түрі жоқ. Әділеттілік тұрғысынан бүйрегіміз Украинаға бұрып тұрғаны шын. Бұрмай қайтсын?! Өркендеп, өсіп келе жатқан ел еді. Басқыншының кесірінен күл-талқан болды. Қаншама тағдыр күйіп кетті. Тура мына туындыдағыдай. Көріңіз, ой түйіңіз! Сіз үшін білген дұрыс!