Рет қаралды 313
مليون بسم الله عليها
الدانه اللي نقتليها
من كل شاين يعتريها
حجاب من كل النواحي
يافاطمة يهناك يومك
اسعد اقبل في قدومك
مجمله دايم علومك
تيجان والعزة وشاحي
انتي كمثل الغيث سابك
يمطر جواهر فوق بابك
ماشح بالجوده سحابك
تراب ميزانه رجاحي
الطف من النسمه الخفيفه
واشمل من القيم وخريفه
الحسن بك لقاء وصيفه
تاجك على كل الملاحي
ياورد واحات الخمايل
وطباع من خير الخصايل
لي حق لو اضرب مثايل
فالبدر وانوار الصباحي
انوارك الليله مضيه
وانتي على طله بهيه
بنت الصفوح المعتليه
مذرى اذا هب الرياحي
ابوكي لي مرفوع راسه
نبع المكارم الكياسه
الحق هو عمدان ساسه
مرجع صعيبات الذواحي
ابو عزيز ان حل طاري
وأشتد موقف أظطراري
يقبل كما عاصف مداري
ماعد تجابه أو تواحي
حنا أخونك راس مالك
على يمينك او شمالك
خلفك تلاقينا وقبالك
رهن الاشاره بارتياحي
وبن سعيد المجد مجده
وبيارق الحكلي بيده
بين القرا هده ومده
اهل المحازم والسلاحي
ذخرك وعزك أفتخارك
بين القبايل وأشتهارك
فيهم مكانك واعتبارك
بلسم فؤادك والجراحي
امك أصيلة من أكابر
نيشانها غالي ونادر
متصدره كل المنابر
على المبادي والسماحي
في القرب لزالت اميرة
جمال أخلآق وسريرة
بحر الكرم ماتستعيرة
في الكون مفرود الجناحي
وباعوين ونعم خوالك
الي بهم وارف ظلالك
أمان من كل المهالك
نعم النسب وأهل الصلاحي
في الخاتمة أزكى التحية
على النبي خير البرية
يشفع لنا يوم اللقيه
يالله عفوك والنجاحي
كلمات الشاعر سالم حسن محاد بيت سعيد
أبوحسن