Рет қаралды 10,012
直播靈接觸|梁思浩突破邀鄧兆尊3女友現身 預告女神相隔25年復出現
由 梁思浩 率領 黃紫恩 及 黃耀英 主持TVB Plus皇牌節目《直播靈接觸》,播出以來收視口碑雙豐收,無論節目內容或者嘉賓,都成功引起唔少話題,呢日節目舉行慶功宴,一班台前幕後及曾經上過節目嘅嘉賓,好似鄧兆尊、葉子楣、鄧浩光、胡慧冲等,齊齊現身慶祝。
兆尊早前帶同三房女友Nana喺節目中分享與兆尊相識嘅淵源,爆新馬師曾報夢內容大受觀眾歡迎,思浩有意食住個勢,邀請埋兆尊其餘兩位女友大房Carmen同二房Cherry,令三位女友一齊現身節目,來個大突破,兆尊即點頭批准,不過就笑言呢個情況自己會唔敢出現。至於講到回巢拍劇,佢就話對條件各方面都冇所謂,而葉子楣亦好想有機會拍劇。
節目每集都有不同嘉賓列陣,思浩預告稍後有位25年冇見嘅女神會現身節目,令人期待。同時由於節目廣受歡迎,呢日仲有個好消息分享,思浩衷心感激觀眾及嘉賓支持,令節目收視攀升,宣布加開十集嘅喜訊,不過思浩對成績尚未滿足,盼望再有突破。另外,鄧浩光同胡慧冲(Roger)同樣覺得上次亮相節目分享時間太少,仲有更多精彩故事可以帶畀觀眾,希望有機會再續未了緣同大家分享。另一方面Roger則努力籌備《冲遊泰國10》,稍後會喺TVB Plus播出。
#直播靈接觸 #梁思浩 #鄧兆尊 #葉子楣 #鄧浩光 #胡慧冲 #三房Nana #大房Carmen #二房Cherry #冲遊泰國10 #TVB Plus #新馬師曾 #女神
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0