中六那年突然發病，最嚴重曾出現幻覺幻聽，甚至想放棄自己｜自白聊天室

20歲的Jonas在中六發病後就退學，這三年過得怎樣？
-
《自白聊天室》 - 基於一種信任，一個自白，一場對話，一段紀錄而誕生的節目，探員X化身成為聆聽者及疏導者，與受訪者深度訪談，深入了解活在香港不同人的人生，以聲音 影像記錄 留下人生某一段足跡，讓觀眾用一段影片的時間，經歷別人的人生。
-
期數：0018
受訪者：Jonas
主持：探員X
紀錄：Katie
混音：FYS Studio
地點：解密工作室
-
成為Xhere會員並獲得獎勵：
bit.ly/3dNIJYu

[@hkcrime]

見到有幾個comment話Jonas無病呻吟 有人有情緒係因為經歷咗啲事 有人有情緒係因為受過創傷 有人有情緒因為個腦受過傷 大家要知道 亦可以係冇原因地有情緒或精神病 唔係有好嘅經濟條件或者健康家庭就冇唔會病 近幾年有好多中學生輕生嘅新聞，好多時候大家見到嗰一刻都覺得好惋惜，然後講一句，大家有關注學童學習壓力，精神壓力，再一句RIP。 不如試下真係坐低了解下佢地嘅故事，感受下佢地嘅情緒，可能有人覺得Jonas身在福中不知福，前幾分鐘經歷亦不值一提，工人走左有咩大不了，被人話係人地個細佬有幾大件事，可能對你嚟講，或者對比起你嘅經理嚟講係好細件事，但對受訪者嚟講情就絕對唔去，例如你隻貓死咗，對冇養寵物嘅人嚟講係感受唔到嗰種傷心，但對有養寵物嘅人嚟講係會感受到箇中心痛。 自白聊天室其中一個目的，就係希望觀眾了解吓喺香港呢個城市唔同人嘅故事，佢地嘅經歷、佢地嘅情感，而絕對唔係賣慘同埋鬥慘。

[@chelseachoi302]

睇化左，大部分人都唔會明，我地唔好講抑鬱，應該講自律神經失調，一般人只會覺得有抑鬱既人太得閒，所以有時間唔開心。 每次發病既痛苦就好似死左一個親人咁，個腦同你講唔死唔得。 我地渴望被理解，但唔希望你明白，寧願你地繼續做無知婦孺，都唔想你地有病。唔好講話尼個世界好多人慘過我地，係我唔明點解佢地唔死。 明就明，唔明就黎明。

[@wonderland9169]

錢唔係一切，心靈上既缺失係物質填補唔到，可能大家都好缺錢，以為有錢就唔會有煩惱，有時缺乏愛比缺乏錢更痛苦

[@yukissmeowmeow2877]

將心比心都唔係咁多人做到⋯但都唔好加多腳⋯可以有人聆聽自己，某程度上都係一種幸運

[@finniebear6744]

七百萬人七百萬個故事，肯企出嚟分享嘅受訪者都值得尊重👍🏼 呢個節目好有意義~

[@souko619]

唔明係一種幸福，好彩可以成世都唔明，唔駛太介懷啦

[@yatfunglee9751]

情緒病未必係過得慘，或者經歷過啲咩先會有，希望大家把口善良啲

[@OnOn-qo5eb]

其實唔好怪人把口點。。有時連自己家人把口仲賤。所以網友唔係聖人點解要照顧你感受？呢個世界唔係粉紅色，要自己學習唔好比人影響到。。尤其係香港。

[@sophiaaaaaaaaaaaaaa]

世界都唔善良架 點解唔堅強

[@ningchan4123]

@@OnOn-qo5eb好難唔會比世界影響😢

[@ningchan4123]

@@sophiaaaaaaaaaaaaaa可以唔理解 但點解一定要控訴我哋一定要堅強？ 如果可以堅強我哋都唔會病

[@ningchan4123]

@@OnOn-qo5eb我知個世界唔係粉紅色㗎 但係時間越嚟越長就焦慮不安

[@richieheung]

一開始 follow Boris，然後追家姐，最後認識 Jonas，Jonas 真係好勇敢，最深刻印象係同家姐一齊講自己有病嗰集，好驚訝呢個家庭點解可以遇到咁嘅事情都可以咁正能量，公開剖白，希望幫到遇到同樣問題嘅人。今次探員 X 訪問 Jonas，再深入了解多咗細節，好有意思。另外我都由全民造星開始留意羽橋，睇住佢同 Boris 慢慢成長，聽佢哋講好多少男心事，真係每個人有唔同性格，你哋個個都好勇敢，敢於面對自己，面對觀眾，respect 呀！

[@phoebelam6753]

Jonas多謝你勇敢share成個歷程出嚟，情緒問題唔係咁容易睇得出，而且香港仲有好多人唔了解情緒健康嘅重要，希望你嘅分享令更多人會留意自己情緒，有問題嘅時候會主動求助

[@dena9990]

最後用左2倍速去睇曬成個訪問。本身都冇咩特別想法，只係見到留言令我都想發表少少。有人可能會覺得睇到悶，我嘅感受係Jonas嘅自白似乎係社會比較普遍會患情緒病的年輕人嘅感受。唔係啲咩好戲劇性好有話題嘅經驗但正正代表嘅係好多年輕人感受到壓力而未搵岩方法點減壓。 好多人習慣左用社交平台交流，現實中唔懂得溝通，個風氣係講咩做咩都=無病呻吟，淨係鍾意捧高踩低，最後比較敏感嘅人都將情緒鬱鬱埋埋係心。加上同屋企人溝通少/溝通不良，變相要不斷向外尋求被重視/被愛/甚至係尋求快感，仲有其他社會風氣，令更加少人懂得觀察自己的需要同好好咁表達情緒。 大家唔一定要比善意，但可以盡量唔好講咁盡。當大家反應愈來愈容易偏激、媒體就只會用更多誇大的事去餵大家。睇得愈多就愈潛移墨化，容易令人誤以為過度偏激係正常事。最後會變成覺得做事要出位要夠爆--引起惡性循環。 依家年輕人除左要面對我地從前都感受過嘅長輩同輩工作人際嘅壓力之外，仲要學識處理網上資訊嘅壓力-佢地好細個已經被科技影響到大，要脫離係要時間要心力要見識。個環境大家有份，希望人人都充滿愛🙏🏽(個人意見-打出黎想提醒自己亦想同大家分享)

[@sillysilly8647]

你講得好好❤

[@dena9990]

❤❤❤

[@philomenacheung566]

我本來都覺得自己算係願意了解年輕人，不過你最尾嗰點我都冇留意過。多謝提醒。

[@dena9990]

😊😊

[@oli.ooolivia]

謝謝你的comment 💪🏻✨👍🏻

[@carriecarrie5354]

Jonas我真心好佩服你，你真係好勇敢，對於一個慣咗將自己情緒收埋嘅人嚟講，要上嚟分享需要好大嘅勇氣，相信就算冇情緒病嘅人都好難做到，你已經做得好好，好欣賞你咁正面面對個病，加油

[@melaniecwlee]

Jonas，你已經好叻仔，一開始覺得自己唔妥既時候已經有意識要搵專業人士幫手，而不是否定問題既存在，踏出咗自救最重要既第一步。願你日後能繼續相信愛，重新相信人

[@chelseachoi302]

我當初知道細佬有情緒病都好驚訝，因為間中有睇佢地d片，覺得佢係幸福家庭長大，所以估計係失戀/學業問題所導致。 其實有抑鬱我覺得係因為一段時間都處於好大壓力同唔開心，積積埋埋冇釋放出黎就爆發，好彩你屋企人都好開明會理解你。 如果我地走左，世界上就少左溫馴善良既人，所以為左尼個世界，我地要繼續努力晒太陽🌞

[@carmany5107]

Jonas多謝分享你發病既過程，真心家人同身邊愛你既人會花時間去幫助你，令到你現在珍惜身邊一切，加油❤

[@shukyilo3977]

睇完訪問，反思緊自己作為父母，有冇有時會對仔女罵出難聽既說話，傷害到小朋友既心靈？會唔會有足夠既陪伴給予小朋友，做父母照顧小朋友真係好忙，照顧到佢地既起居飲食，好容易就忽略左小朋友心靈上既需要，有時真係需要靜下來，不停的審視自己，因為日頭忙碌既時候，個心好急，真係冇咁既耐性😢

[@agnes63643]

香港典型父母⋯⋯其實小朋友好純真好好記性，你點對佢，佢將來就係點對你，好公平

[@berniceng27]

小朋友真係會記得好清楚….所以就算係發脾氣講嘢都要三思😢 雖然知佢哋嬲得滯冇心，但係我記到而家😭

[@loszeching810]

多謝你勇敢share, 希望你病情一直穩定好轉！過番健康生活！

[@kitkit-hami8139]

祝福Jonas快啲康復，和家人幸福快樂過好每一日❤❤❤❤⋯⋯

[@connietang5547]

今天好高興認識到Jonas。願你今天起為自己而活。

[@eliiseeeeee6938]

1. 有自尊心同獨立個體意識嘅人都係會在意係比人叫做「吖邊個嘅某某」，講呢句嘅人就係唔記得Jonas 係邊個，唔重要，好似附屬係人地身上先體驗到自己嘅價值咁，加上某程度係被人咁講似係貶義多啲 2. 工人姐姐湊左佢9年，陪左佢咁耐，係佢仲細嘅時候呢個角度諗，其實佢已經係彌補緊嗰陣時冇阿爸阿媽照顧或者被愛，而呢個工人姐姐叫做第一個照顧嘅角色（或者係模仿嘅對象，教佢嘅人），其實就好似係阿媽自己走左，以後唔返嚟嘅感覺，細個個世界好細，佢佔左咁大部份，一定係好痛 3. 唔會外放自己嘅諗法同情緒好易壓抑，同埋會習慣左淨係聽人講，會好驚比人哋壓力，比人知，總之好驚 🥹 其實大家只係睇佢生活嘅一部份， 大家冇可比性，亦都唔洗比，我可能都只係明佢一部份嘅諗法，even 可能錯曬 不過我都想support 下Jonas 🥺 到宜家我都未同屋企人講去咗睇醫生/臨床心理學家，所以好明點解佢唔講 大家都要加油🥹

[@ivyieong5858]

我同意你看法，我都同你差唔多，Jonas比好多人都好叻，意識都要睇醫生，我都覺得呢幾年大家都過得唔開心唔容易，我希望大家比多啲同理心，你可以唔理解唔認同，但可唔可以同其他人講野前可以諗下會唔會hurt到人先講，我覺得可以發表自己意見，前提係唔好傷害到人，我都唔想人咁對待我，你有咩事我都想幫多啲人，同埋分享我自己的少少經驗，因為我都最近病緊，唔係病人唔想好番，係有好多野都係經歷的人先會知道有幾痛苦，你如果想搵人幫手，我都好樂意幫你，當然前提係你覺得舒服和安心，我都唔會強迫人同我講話

[@eliiseeeeee6938]

@@ivyieong5858 啱吖 我當初都唔想去，經歷完啲shit又要拎翻出嚟講，每次講完又唔開心，又會覺得自己係當刻嘅決定係錯嘅先會咁，仲好記得當初同社工講要去睇臨床心理學家果下 其實睇臨床就真係辛苦， 不過我有時候會好驚，唔知驚咩，或都唔知唔開心啲咩， 但係睇左就知點解、個源頭係咩， 可以決定到自己係想解決定係逃避，or 其他。

[@ivyieong5858]

@@eliiseeeeee6938 我當初唔知點解唔舒服都好驚，然後上網睇自己到底係咩事，個人勁焦慮，病痛仲加嚴重，我當初都好幸運，我係初期已經覺得頂唔順，好辛苦，同埋唔知自己咩事，後面朋友和我哥覺得我係病左，最後我哥陪我睇左醫生，食藥先好好多

[@ivyho8072]

衷心感謝分享~在此祈願你慢慢學懂好好愛惜自己！

[@WRE836]

多謝Jonas 既分享，多謝探員X搞一個咁有意思既節目 祝大家都要有內心既平安幸福

[@hahas4258]

加油Jonas🧡🧡其實患上抑鬱並唔由得自己選擇 唔似發燒感冒有原因 所以抑鬱先會咁難醫 如果患上咗出現負面情緒諗法都唔係自己可以控制到 並唔係身在福中不知福呢個講法 就好似發燒一定會頭痛 全身發熱咁 唔由得自己控制😢

[@Kkkk_mcccc]

希望你盡快恢復，同屋企人一齊開開心心生活！

[@jillng9440]

Jonas 加油 多謝你勇敢share成個歷程比大家知 好好感受自己的情绪 繼續加油！

[@sukic5018]

對於Jonas嚟講，我只係一個陌生人，但我在意他的病苦和身心可能有的疲累，為Jonas送上祝福！祝願Jonas身心平安自在！

[@mochasuperb]

Jonas is so delicate inside. I wanna give him a hug to show him my support

[@cocobmoiaofong]

好慶幸(?)Jonas係年紀仲細既時候已經有包容, 照顧佢負面情緒既伴侶同家人 算是不幸中之大幸, 他們都是愛你的人呀~! 你有感到溫暖和愛嗎? 由小到大我都在思考生命存在的意義, 就在最近領悟到了"存在即是合理" 這句話, 是真的. 出生在世上, 並不是要你對世界有什麼貢獻, 而是, "你的存在, 就是一個意義了" 即使你並不是在父母的期待下出生, 也沒有在其他人心中留下印象, 但是, 你就是你, 你的意義就是你自身心之嚮往! 什麼都不做也沒關係, 舒適地做自己就好, 這就是你的意義!

[@Ohohohoh_]

經歷咗咁多事，可幸你依家都好返好多，祝福，欣賞你勇敢面對同分享

[@philomenacheung566]

感覺到你全家人都好愛你，同埋好團結！識到個咁明白你同照顧你男朋友都好幸福。你唔需要內疚，家人將來都可能有困難，有需要你嘅時候，到時報答佢哋都唔遲，況且家人就係唔需要計來計去嘅！

[@yanlovece]

交俾工人姐姐湊，可以令到個仔覺得工人先係呀媽，而講到父母嘅照顧時，只係一句“無想像中咁差”。呢對父母應該好好檢討吓，自己除咗物質滿足外，俾到幾多愛同心靈照料俾個仔

[@1225kwan]

多謝你的分享！你同阿哥同家姐各有特色，三个都有睇。抑鬱症是很难捱的，完全明白。Support!有乜同家人，朋友或網友份享！会舒服D！

[@dingor1992]

面對依賴嘅人離開／面對別離係一件艱難嘅事，成年人如是，孩童更甚。有啲人堅強有啲人脆弱，切勿將人比己，每個人可以承載嘅重量不一，唔瞭解都都好批判同標籤，希望Jonas可以走過呢條唔易行嘅路

[@lcy8746]

希望大家無經歷過人地既人生，唔好俾咁多judgement。 你冇經歷過佢經歷既事，你既性格唔係佢既性格，你無辦法理解佢既同痛苦。 比較痛苦無意義。

[@JS-qd6rp]

Jonas, 多謝您的分享🙏

[@chmalnis]

謝謝Jonas share，謝謝解密室安排

[@patrick.mktang]

原來童年陰影咁大影響😵‍💫 祝早日康復🙏🏻🙏🏻🙏🏻

[@luubuupolala9486]

開心可以透過呢條片更了解jonas你呢個人but not through 細佬呢個身份！睇完今次嘅對談發現其實你有好多野都值得大家欣賞🥰之前淨係可以透過YT/ig片面咁樣了解你～希望可以透過你嘅作品同偶爾家姐boris嘅分享睇到更多唔同嘅你！希望你越來越好and可以同時feel comfortable as jonas and 細佬呢2個身份🥰

[@tenten513]

Jonas, 每個人都有不同的成長經歷，謝謝分享，加油💪💪💪

[@kannancy]

Jonas 你好勇敢，多謝你嘅分享❤❤你要好返，要好好活下去❤❤❤

[@Janny-v-]

恭喜你搵到合適嘅治療方法同適合你嘅藥，克服情緒病係一條慢長嘅路，慶幸你有雨橋、家人嘅陪伴！祝福你！ P.S. 果啲話人幸福脆弱青年期、咩身在福中不知福嘅人，希望你地唔好妄下判斷，冇患過情緒病嘅人係永遠唔會理解果種感受，你地妄下判斷嘅一句說話，係可以成為最後一根稻草，將人打返落深淵，希望你地可以明白

[@Kylie.....L981]

探員x,好勤力, 這幾日連上片, 我忙在聽早一日聽到九成後末來得及評論, 就見有新片, 今天又有了,一次過全看, 多謝X 同被訪者給人知道的故事, 去深思及明白更多,

[@windsinwinter]

Jonas加油 好好感受唔同嘅情緒 再處理得好啲 祝你身心健康💕 希望個世界多啲愛同包容 咩身分年齡背景嘅人都有可能會患上情緒病....試下多啲體諒大家 唔好咁小心眼去比較同衡量人地出身 再去覺得人地有冇資格有情緒病 其實現代人患病好正常.... 多謝你分享自己經歷 唔喺人人可以咁坦白面對自己💗 X探員都好hold得住成個interview😄

[@karenhui5089]

愛係最有效的神丹妙藥 見到你好返 積極生活 真心為你及家人高興 加油 要幸福啊

[@sumsumleung1326]

加油，好欣賞你份善良。 我哋都係人 唔洗對自己要求咁高 為自己 好好生活

[@P.L83]

Jonas 好多謝你嘅分享🫂

[@lucindayang4308]

感恩🙏父母對你的一切 好與壞都要自己走出來的路 還年輕努力💪人生 精彩人生吧！

[@judithcheung2188]

繼續努力💪🏻Jonas, u can overcome it. All your family love 💕 and care about u ❤

[@HauYiWong-sx9oi]

我覺得最重要係細細個係無親生父母係身邊，漸漸無安全感但童年嘅回憶/陰影好難因為之後嘅對待嘅可以忘記/釋懷。 細細個依賴工人姐姐但姐姐就咁離開咗佢 對細個嘅佢嚟講係雙重打擊 個人想法～

[@Driftingawayolo]

Jonas the best 😍 thankyou for being here

[@tsepoyan7543]

其實情緒病人既剖白已經真係好大勇氣，大家講嘢唔好咁，一句說話可能已經係毒藥令人自殺。 或者可能真要發生自己屋企人，朋友身上，講說話先會善良一點？

[@chanc3910]

啱，希望留言嘅人多點同理人，讓說話留在善良的温度上❤

[@yoyoc823]

加油呀Jonas❤

[@eosonline1572]

原来你这么勇敢❤谢谢你的分享啊❤你要加油，你很勇敢！记得要爱自己，好好感受自己的情绪，好好安抚自己，爱自己❤

[@lingling3969]

揾到好醫生，難! 家人不離不棄，更難!! 找到一個肯包容、照顧的伴侶，難上難!!! Jonas 你還年輕，要行的路很長，希望你好好珍惜和雨橋這段情! 祝2024生活更美好!🎉🎉

[@chrisfung8278]

小時候的記憶係會影響日後嘅人生，離別係最大嘅傷痛

[@jasperlhm8311]

Jonas一直好欣賞你，希望愛你的人及你愛的人都會越來越好！！

[@WhiteIsTriColour]

原生家庭對子女嘅成長有不可磨滅嘅烙印。最細又情感敏銳，父母於年幼時嘅缺席，不理解少年人嘅內心，直接影響心理健康。可幸始終一家人同行又有伴侶，年青人得以走出死蔭幽谷。Jonas, fighting!

[@TheKathykei]

有佢地yt片 拍到一家人好close 咁，但睇佢咁形容真係鏡頭後又一個樣😮😮

[@EF-hy6sb]

有好的家人和朋友 心情自然好 成功在望

[@irislien318]

每個不一樣的人，身後都有一個愛你的人❤這句話真的很棒😊

[@KongInfinityEducation]

Jonas 加油🎉❤

[@steplo619]

加油！jonas!!!❤

[@MrPoifull823]

謝謝分享，願你安好！

[@rainsun527]

加油呀Jonas！

[@yettali8129]

Jonas唔好想多了，波仔都無真係好紅，人可以同時做自己，做阿哥細佬，做媽媽爸爸個仔❤

[@aghaholic3434]

omg 聽到哭 加油加油😢

[@melodyng3677]

Good interview! 建議可以考慮換支咪或者audio edit個嘴郁動時口水黏住發出嗰D雜聲

[@BAWL2000]

很勇敢。不論你是誰，經歷了什麼。你沒有別人勇敢上來面對自己分享經歷。沒有人有資格說別人什麼。 那些自以為是的評論很易，打幾個字。因為他們都不懂。 凡事沒有理所當然。別用自己把尺去量度別人。 共勉之。很佩服被訪問的每一位。我自問沒這勇氣。❤

[@KFORKELLY]

Joans 欣賞你嘅坦誠、勇敢！ 以後一定會有更多人認識你， 因為你係世上獨一無二嘅存在❤

[@Fish_HCY]

係人地眼中，保姆走唔係咩大事，但佢地係已經變成屋企人關係，佢當佢係阿媽咁睇，如果有一日你阿媽走左，我相信大家都會好似佢咁，唔開心同埋個心穿左個窿。 佢地嘅相處點樣我地唔知，亦唔知佢地幾重感情，但佢講得出呢件事，證明對佢嘅影響都幾大，所以其實呢啲都係令佢病嘅原因之一。 係人地眼中可能個句你係boris細佬好少事，但你唔知人地點同佢講，或者你地唔知其實身邊有個出名嘅家人，佢要承受幾大壓力，人地嘅比較講嘅嘢，應該唔好聽嘅偏多，因為個段時間我有留意佢地，個個都會話細佬點點點，批評佢，可能有啲人見到佢真人嘅都會係佢面前講佢點點點，呢啲比較會形成一種壓力而去變成抑鬱。 好似我咁，日日都比人話肥，比較人地同自己，亦會因為同性戀，被大眾唔接受，會因為親戚嘅關心問候，成日問幾時結婚，幾時減肥，覺得佢地唔明自己，而形成壓力，再變成抑鬱。 其實抑鬱唔一定要發生好嚴重嘅事，其實好多小事積積埋埋會變大，亦會令人抑鬱。 個個香港人都會有情緒病，呢樣嘢大家都知，香港嘅生活偏快，有時我出街買嘢比錢慢左，都會覺好大壓力，後面嘅人會問「做乜搞咁耐㗎？比錢都比咁慢，唔好阻住其他人比錢啦」 好似個個都好趕時間咁，我愛香港，但唔知點解香港嘅節奏太快啦，有時想慢啲都會比人屌，有時會好想香港人可以慢少少，其實大家都係第一次做人類，點解要下下比較或者下下要快靚正，慢少少，放慢腳步，對其他人包容啲唔好咩❤？ 點都好，2024年，祝大家新年快樂，病發愈來愈少，大家開開心心，唔好比較咁多，唔好再嘈交，唔好再發生啲唔開心嘅事。 學生們，大人們，見到嘅，睇到呢到嘅多謝你地，希望你地唔好比壓力自己❤有時可以放鬆下自己，無人會怪你，因為大家都係第一次做人第一次經歷呢啲事，第一次返工第一次拍拖第一次讀書，點都好，都係有第一次，做唔好就慢慢做，做唔好唔好有壓力，做唔好無人有資格鬧你，你係為自己而活，唔係為他人而活，唔好諗自殺，有咩唔開心，歡迎搵我或其他人，對你重要嘅人，你愛嘅人傾❤ 2024❤要快樂

[@tiktik0909]

其實下面的留言都衰 可以唔理解 但講出嚟既每句說話其實都會傷害到人 特別係有情緒病既人 一係就當人哋原本有缺憾冇你哋生得咁健全(會唔會容易理解啲) 或者請你哋睇多幾集 睇下書了解下情緒病同高敏感 再作判斷 其實香港有好多人都情緒 心理問題 有錢人就一定冇病架咩 冇事既大家就比個叻你👍

[@mikowong2180]

Jonas,唔知你會唔會睇到，不過都好想同你講聲：你好叻呀！一步一步從不受自己控制既低潮，到依家變得穩定，祝福你同你既藝術創作有也多人認識到，加油！

[@dollargiana]

Jonas 我唔能夠話100%理解你‘，但有90%。。。。我同你經歷差唔多，都係好抑壓自己-～然後同你地一樣朋友陪睇醫生～都覺得醫生幫自己唔到～藥副作用勁大～都同你一樣咩都收埋，喺人前好似好開心咁。。。病發真係好辛苦，最嚴重都係會有幻聽。。。但我都係喺屋企無人理解，無人明白，仲會指責！幸運地我有信仰，每次都救咗我。。。我無錢係咁轉醫生，就咁食咗7年幾藥，終於好好多，所以只希望大家都可以康復

[@arielpang5570]

細佬要俾多啲信心自己，自然會有成績和成功感，加油💪🏻

[@Ebonseal]

佢咪話唔鍾意俾人叫細佬😑😑

[@Siudieme]

不過其實係情緒病影響冇得講，我都試過，已經有十幾年時間，斷斷續續會覺得心情好差好黑暗，甚至心跳加速，成日會怕自己跳樓，我控制唔到佢出嚟咁，睇醫生就係話腦部傳遞出左問題，我屋企本身都好好，家庭關係好好，不嬲做人亦都好樂觀，真係唔關堅強不堅強

[@charisse2372]

hello jonas. 不知道你會不會看到這留言，其實我平時看youtube 很少留言，不過看這條片時我其實感受很大。首先，好欣賞你勇敢在一個公眾平台分享你的故事。今日你的分享，其實已經給到人跟多鼓勵，是很有力量的一件事。真心很想多謝你的勇氣做這訪談，相信也不容易。 我也是一個剛中學畢業的普通香港學生。（我偶爾會看你們的影片 haha，我看開外國 youtuber) 雖然我不是超級認識你們，不過我在看影片中，很奇妙地我不是單單看見一個希望好起來的生命，一個很愛家人想為他們好起來的生命。我看到更多，我看到一個非常價值的生命，就像一朵生長在荊棘中的花朵。這個生命是被特地創造放在地球上，是有意義的。這生命是被愛的，很美麗。jonas 會好起來的，而且會有豐盛的人生，充滿祝福的生命。 想告訴看這條片的其他觀眾，人類是真的有靈魂的，經歷的每一個情緒是有原因的。Never judge and dismiss anyone's feelings. 講到底，我們大家都活在這地球上，多一點愛真的無害。這些說話不關這影片事，不過真的覺得香港人真的too quick to judge in general. 無論是在現實中或在網絡中，都不該說出任何傷害別人的說話。Words have power. 讓我們從小小的細節中，例如我們的話語中，多一點鼓勵別人，活出愛。

[@wingszechan4952]

Jonas😘💪🏻💪🏻💪🏻加油！

[@yyyanda9729]

Jonas 明白你疼苦 多謝你分享 加油 😊

[@San_1225]

找到你的夢想 ！！加油:)

[@yuitsoi5297]

細佬加油🫂🫂🫂

[@cheungchristine8884]

No big deal if others don't understand you as long as you get someone else who understands you

[@user-qr9qi8ok8t]

多謝 探員X,很喜歡這樣的節目

[@user-ne7tn7pc9x]

Jonas加油！你好叻呀！😊

[@joan2116]

❤️❤️❤️❤️❤️😢😢😢感動

[@melodyyip6172]

真心好多謝你嘅分享❤ 令我明白到一個人成長嘅經歷係對身心有好大嘅影響 加油啊支持你Jonas!❤

[@annieleung2967]

加油💪💪💪

[@rabbitmuimui]

家長們可以此為鑑 童年只有一次 父母揀以搵錢為先定仔女先 求醫個個都識 但鼓起勇氣去面對唔易 Jonas同家人加油💪🏻

[@angelturtle]

加油❤

[@Garson811]

願意講出黎， 思考真係好勇敢。 要面對到問題， 先可以解決。 其實唔駛太介意咩名人細佬， 得罪講我都唔太清楚邊個係你哥哥。 而且除了小小名氣佢都無幫你什麼。 喜歡藝術就忠於喜好， 慢慢做出成績，你就是你。

[@Lala.8]

加油！好好照顧回受創傷的自己，安撫小時的內在小孩，好好活出自己的人生💪

[@Dam700n]

細佬加油！我又窮又要做自己唔鍾意嘅嘢我都懷疑我有情緒病❤

[@user-do7zf8ce6j]

一聽到開始，我聽到jonas 講，我唔鐘意人地叫佢"Boris 細佬乜都"依附"Boris ,個一刻我都有覺得有d 慚愧😞 其實有一個情緒唔舒服ge身邊人，作為冇專業知識ge 我地，真係唔知可以做D 乜，但我相信有需要ge 朋友，揾相關資料一定可以幫到手！ JOANS 加油🎉🎉

[@cecileung2197]

Jonas加油💪

[@sunnysun8897]

原來你已經好叻 好多人有病 但係唔知點樣可以幫到自己 當然有好嘅屋企人都好重要 大家都要體諒大家

[@bubibubi8611]

父母真係好重要，影響一生

[@fffffffish]

加油啊啊❤

[@hanaka93]

加油Jonas💪🏻💪🏻💪🏻唔需要理啲無謂人！唔中意可以禁走去睇其他片😅

[@qwerszesze]

加油

[@2nono109]

加油!

[@janeloh2952]

加油Jonas!!!

[@choicherry8678]

無病呻吟係冇病喎 依家佢真係有病要食藥果種喎 希望大家可以多d同埋心 事主都講左係自己積埋太多情緒最後爆左煲

[@alicekaceyken2843]

我覺得呢個小朋友有情緒問題，係黎自缺少愛，父母既陪伴～所以真係無時間就唔好生，害死啲小朋友，剩係搵個姐姐陪佢到大，好離譜。希望你大個會得到愛，陪伴！

[@mondaywithrose]

jonas好叻❤❤❤

[@Co.Nor517]

Jonas, 你好叻仔呀！情緒病、精神病係好難對付嘅一樣嘢，多謝你嘅分享😊 最重要嘅你就係你，你唔係邊個嘅邊個，同埋我剩係知你係Jonas, 完全唔識你家姐阿哥係乜水？😂所以唔使覺得自己活在其他人之下⋯⋯世界咁大，每個人都只不過係一個人而已😌

[@lmf722]

Jonas, 身邊咁多人愛鍚你，你要繼續加油！一定會一日比一日好。另外，你講得好好，由頭到尾都好清楚咁表達出來👍🏻👍🏻👍🏻👍🏻👍🏻

[@Howdo342]

其實佢咁講好似係拆穿左佢阿哥一直係片入面型造成家人好有愛個種假象

[@py3336]

同Jonas一樣有差唔多嘅家庭背景同埋由細畀工人姐姐湊大 我完全理解佢失去工人姐姐嗰種心痛 同埋屋企人成日唔喺屋企嘅空洞同孤獨 even if 大個咗同屋企人相處ok 或者大個咗都關心我 "錫"我 但係都係彌補唔到佢哋時常唔喺我童年之間嘅空虛同埋補救唔到佢哋錯誤嘅管教方式