Рет қаралды 80,039
中年好聲音2丨吳大強眼濕濕稱係最後一次比賽 支嚳儀叫安雅希做「雞皮女王」
今個星期日嘅《中年好聲音2》將會提早於20:30播出,節目入面一眾中一生將會回歸好聲音舞台,夥拍一位中二生做助唱嘉賓,有師兄師姐傍住大家嘅表現都份外淡定,唔少舞台都相當震撼呀!
吳大強夥拍鄭梓浩出戰,但估唔到感動到眼濕濕嘅竟然係吳大強,佢喺台上表示:「今次可能我係唱歌比賽最後一次,所以心情特別興奮同緊張。」佢仲問返拍檔鄭梓浩自己嘅演出好唔好呀。
聽到大家毛管戙嘅,仲有支嚳儀同安雅希嘅演出,評審張佳添仲讚支嚳儀呢次嘅表現,唔只平反咗佢之前失聲嗰幕,仲話佢呢次係喺好聲音呢個舞台上最正嘅演出。佢哋之後接受訪問時,支嚳儀就話幫安雅希起咗個花名叫「雞皮女王」,因為自己聽對方唱歌會起晒雞皮,成身嘅毛孔都會因為對方而起立。
林若盈就會同上屆冠軍周吉佩合唱,喺比賽入面多次跌入危險區嘅林若盈,就話吉吉分享咗唔少意見畀自己點樣可以再做好啲。
#中年好聲音2 #吳大強 #支嚳儀 #安雅希 #雞皮女王 #鄭梓浩 #林若盈 #周吉佩 #中一生 #中二生
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0