Рет қаралды 159
الحقيقة إني لا اؤمن مُطلقا بمقولة:
"زمن الفن الجميل".
وشايف ان اللي احنا فيه ده ما هو الا امتداد لما يسمونه بالفن الجميل.. وان الفن لو له إيجابيات فاللأسف سلبياته اكتر بمراحل بدايةً من ظهوره حتى يومنا هذا..
أفكار الست النسوية اللي بتعمل راسها براس الراجل واللي برعت في الدور "لبنى عبد العزيز"
والست اللي بتتفجر بالانوثة والدلال وقادرة تغوي أي راجل بضحكتها وخفة دمها واللي برعت في الدور "هند رستم"
لراقصة شهيرة اسمها كان على كل لسان في الالفية الماضية زي "سامية جمال" والكل بيصفق لها رجال ونساء
لاستاذة في أدوار الاغراء والاصوات الانثوية زي
"سهير رمزي"
لشاب عاشق ولهان كان بيسحر عقل كل بنت بتشوف افلامه زي "عبد الحليم حافظ"
لشاب دنجوان وباد بوي زي "أحمد رمزي ورشدي أباظة"
مروا بسيدة زي "نادية الجندي" اللي برعت في أدوار الاغراء وازاي الست تقدر تستخدم جسمها فقط في الحصول على اهدافها.
ومش هننسى اسم فيلم بلفظ غريب وغير مفهوم
"معبودة الجماهير"
وحتى الشعب زمان مكانش حاجة واو يعني ولا هو أحسن من دلوقتي بمراحل.. الحقيقة الصادمة ان زمان غالبية الشعب كانت حياته بتقف حرفيا في حفلات أم كلثوم..
بل وان جنرال اجنبي قال ان الشرق الأوسط كله كانت حركته بتقف وقت ما أم كلثوم بتطلع على خشبة المسرح..
رغم وجود وقتها كمية مشايخ على الساحة زي الآئمة القِدامى وكانوا بيعظوا الناس من الأغاني والافلام والمسرح ومدى خطورتهم..
يمكن افعال الناس زمان فضلت نضيفة عشان مفيش سوشيال ميديا مش اكتر، وان للأسف احنا بندور في دايرة للأسوأ وبناخد مجرد افيون في مصطلحات زي
"زمن الفن الجميل"
البطل يبوس البطلة وزمن فن جميل
خيانة زوجية وزمن الفن الجميل
كل فرح فيه راقصة وزمن فن جميل
علاقات حب ليل نهار في كل فيلم خلت شباب الستينات والسبعينات يحب على نفسه وخلونا نشوف الحب زي الهوا ايا كان حلال او حرام ونقول زمن الفن الجميل
ولو فكرت تسأل سؤالك المتوقع وتقول
"بس افلام زمان احسن من دلوقتي"
هقولك
"يا صديقي العزيز الخطأ بيتقال عليه خطأ قبل أي شيء، اما الكمية فدي مش موضوعنا هنا"
ولو سألت وقلت
"على الأقل كانت اغاني أم كلثوم هادفة وجميلة عن دلوقتي"
هقولك "هي في النهاية كلها اغاني، ولو هتبرر للي بيسمع ام كلثوم فلازم تبرر للي بيسمع لحسن شاكوش طالما خرجنا من حرمانية الأمر وبنتكلم في ذوقيات"
والحقيقة الاسوأ.. ان لولا ظهور زمن الفن الجميل مكنش ظهر الفن الحالي بمحتواه
ولولا ظهور أم كلثوم وعبد الحليم مكنش ظهر حمو بيكا ومجدي شطة
هي دايرة بتسحبنا ناحية الأسفل.. وللأسف ماستبعدش بعد عشرين سنة ولادنا يقولوا على زمانا ده
زمن الفن الجميل..
ويتغنوا بأفلام علا غانم وصافينار واد ايه كانوا محترمين..
www.facebook.c...
#أحمد_محمود_شرقاوي
زمن الفن الجميل,الزمن الجميل,نجوم زمن الفن الجميل,فنانين زمن الفن الجميل,ذكريات زمن الفن الجميل,40 صوره نادره من زمن الفن الجميل,فنانين من الزمن الجميل,برنامج الزمن الجميل,نهاية فنانين الزمن الجميل,اخبار فنانين الزمن الجميل,أفلام الزمن الجميل,نهايات فنانين الزمن الجميل,نجوم الزمن الجميل في مصر,برنامج نجوم الزمن الجميل,اخبار نجوم الزمن الجميل,اغانى الزمن الجميل تونس,لقاء مع نجوم الزمن الجميل,نجوم الزمن الجميل بالالوان,مشاهير الفن الجميل