Zomin tumanidagi Yoshlar texnoparkida Zolushka saloni ochildi

Zomin tumanidagi "Yoshlar texnoparki" hududida joylashgan "Zolushka" go'zallik salonining tantanali ochilish marosimi bo'lib o'tdi. Ushbu voqea, texnopark doirasidagi innovatsion va zamonaviy tadbirkorlik loyihalaridan biri sifatida ahamiyat kasb etadi. Marosimda tumanimizning ayollari mehmon sifatida ishtirok etishdi.
"Zolushka" go'zallik salonining ochilishi ayollarga o'z go'zalligini yanada ravnaq ettirish uchun yangi imkoniyatlar taqdim etadi. Salon, ayniqsa, kelin liboslari va soch turmaklari bilan ajralib turadi. Bu esa yaqinlashib kelayotgan to'y mavsumi arafasida kelinlarga katta qulayliklar yaratadi.
Salonda kelin liboslarining keng tanlovi, turli uslub va ranglar bilan ta'minlangan bo'lib, har bir kelin o'ziga mos libosni topishi mumkin.
Salonning yana bir muhim xususiyati - unda mavjud barcha qulayliklar va zamonaviy texnologiyalarning joriy etilganidir. Soch turmaklari bo'yicha eng yangi uslublar va texnikalar qo'llaniladi. Ushbu xizmatlar salonda ishlayotgan tajribali mutaxassislar tomonidan amalga oshiriladi, bu esa mijozlarga yuqori sifatli xizmatlar taqdim etish imkonini beradi.
Ochilish marosimida mehmonlar salon faoliyati bilan yaqindan tanishdilar. Ularga salon hodimalari tomonidan turli shirinliklar taqdim etildi, bu esa tadbirga iliq va samimiy muhit bag'ishladi. Ayollar salonning zamonaviyligi va xizmatlarning keng doirasi haqida ijobiy fikr bildirishdi. Tadbirda so'zga chiqqan ayollar, texnopark doirasida bunday go'zallik markazlarining paydo bo'lishi Zomin tumanining ijtimoiy va iqtisodiy hayotiga yangi nafas bag'ishlayotganini ta'kidladilar.
"Zolushka" go'zallik salonining ochilishi Zomin tumanidagi ayollar uchun go'zallik xizmatlariga bo'lgan ehtiyojni yuzaga keltiradi. Texnopark doirasidagi bu kabi loyihalar yosh tadbirkorlar uchun yangi imkoniyatlar yaratadi va tumanning iqtisodiy rivojlanishiga xizmat qiladi. Salon faoliyati kelgusida ham yuksak saviyada davom etib, mijozlar orasida mashhurlik kasb etishiga shubha yo'q.
Dostonbek Bahromov

[@JumagulSapaeva-ib9gy]

Ayollar goʻzallik targʻibotchisi.❤❤❤

[@GulnozaTurdiboyeva-n2m]

Ishlarini omadini bersin ❤❤❤❤❤❤

[@RoxatoyQoʻchqarova]

@@GulnozaTurdiboyeva-n2m omad qadrdonlarim 🥰