Рет қаралды 216,857
Xabaringiz bor, joriy yilning 4-may kuni Jizzax viloyati Zomin tumanida kuchli yogʻingarchilik oqibatida “Peshagʻor”, “Achchi”, “Qangʻli”, “Shoʻrcha” kabi qishloqlardan oqib oʻtuvchi soylarda suv koʻpayib, avtomobil yoʻllari ustidan toshib oʻtdi.
Jizzax viloyati Favqulodda vaziyatlar boshqarmasi qutqaruv boʻlinmalari zudlik bilan hodisa joyiga yetib borishdi. Qutqaruvchilar tomonidan ikki nafar fuqaro sel oqimlaridan olib chiqildi. 7 ta xonadonda yashovchi 41 nafar fuqaro vaqtinchalik xavfsiz joyga koʻchirildi. Hodisa oqibatida halok boʻlganlar yoʻq.
Toshqin oqibatida 50 dan ortiq bino va inshootlar turli darajada talafot koʻrgan. Shuningdek, sel oqimlari 1 ta yengil avtomobilni oqizib ketgan, 5 bosh mayda shoxli uy hayvonlari nobud boʻlgan.
Hozirda Peshagʻor qishlogʻida favqulodda vaziyatlarni bartaraf etish shtabi tashkil etilib, talafot koʻrgan aholiga oʻz vaqtida amaliy yordam koʻrsatilmoqda.