زيادة سرعة المبردة وكمية الهواء عن طريق تغيير قطر البولي ، التحكم بسرعة المبردة بتغيير قطر البولي

[@hasan-qe3vs]

الف تحيه الك اخي المحترم ورحمه على والديك

[@user-qn5lh9lc2z]

ولكم بمثل ما دعوت وزياده ، ربي يوفقك ويعزك اخي الكريم

[@user-ec4nb1km8r]

عاشت ايدك ❤❤

[@user-qn5lh9lc2z]

ولكم بمثل ما دعوت وزياده

[@sayed3222]

خير الكلام ما قل ودل

[@user-qn5lh9lc2z]

أهلاً وسهلاً بك ، بالإمكان اختصار الفيديو بدقيقتين أو ثلاثة دقائق ، لكن حبيت أتطرق لجميع التساؤلات التي قد يتسائلها المشاهد ، إضافة إلى ذلك خطورة تغيير أقطار البولي بدون دراسة علمية لانه قد يؤدي إلى احتراق الماطور وما حبيت أن اكون سبب لخسارة المشاهد بسبب حرق ماطور المبردة مالته لذلك كان الشرح بالتفصيل عن الموضوع

[@abdwall3910]

رحم الله والديك

[@user-qn5lh9lc2z]

ولوالديك الرحمة ، شكرا جزيلا اخي

[@user-uz9ml7kk6v]

واذا عكسنة الحجام

[@user-qn5lh9lc2z]

إذا عكسنا الأحجام يعني البولي الكبير خلينا مكان البولي الصغير راح المبردة تفتر سريع بس هذا الشيء يأثر على الماطور واحتمال كبير يحترق الماطور ، يعني لازم عندك ماطور قوي جدا في سبيل يوفر عزم دوران للتغلب على وزن السربس وتدوير السربس

[@user-um9cz1wf6x]

يعني انت جاي تشرح لطلاب عدهم امتحان فيزياء بكلوريا. اشرح بالعاميه وبطريقه اسهل في كلامك

[@user-qn5lh9lc2z]

العفو اخي لازم انطي حق المعلومة من الناحية العلمية والعملية لذلك كان الشرح بالتفصيل

[@user-be7gp2te1u]

@user-be7gp2te1u قبل 0 ثانية المبرده تشتغل ومابيها شي بس مابيها هوا يعني حتى توزيع الماء جيد بس نحس تسوي بوخه بدلنا الحلفات الى هذني الحديثات هم نفس الشي والصوت عبال حصان بي 🐎

[@user-qn5lh9lc2z]

العفو اخي ، أما المشكلة عندك القايش راخي يحتاج إلى ضب أو المكثفة تحتاج إلى تغيير. بخصوص توزيع الهواء إحتمال الغرفة ما بيها تنفيس والهواء ينحصر ، أما بخصوص البوخة فالسبب هو ماكو تنفيس يعني تحتاج تفتح شباك أو تفتح الباب علمود الهواء ما ينحصر وتصير بوخة.

[@hanzmyzel5954]

رحمه لمك انته كاعد ابجامع ادرس هو العنده مبرده لابد يكون انسان عادي فهمه بغير صيغه كاعد تحجي بقياسات هندسيه على مبرده مو صاروخ خلص الفديو واني مامفتهم منك كاعد تمتحن اتعلم

[@user-qn5lh9lc2z]

حبيبي اني من انزل فيديو لازم تكون المعلومة مبنية على أساس علمي وانطي حق المعلومة للمتلقي سواء كان شخص لا يجيد القراءة والكتابة أو يقرأ ويكتب أو فني مختص أو مهندس وأوضح كل الاحتمالات من الناحية العلمية والعملية وسلبيات وايجابيات الموضوع كون العلم أمانة لازم يوصل بشكل صحيح.

[@jassimmohammed4028]

عندي ماطور يحمة شني السبب

[@user-qn5lh9lc2z]

العفو اخي اذا قصدك ماطور المبردة يحمه فالاسباب كثيره قد يكون السبب القايش مشدود زايد على الماطور أو البوشة تحتاج إلى تزييت أو تغيير أو المكثف مال الماطور يحتاج إلى تغيير أو البولبرنات مال الماطور تحتاج إلى تغيير أو تزييت

[@KAYPLAYR]

حاليا المبرده چانت بطيئه لأن چان پلي الماطور حجم صغير و پلي السربس حجم كبير ف.بدلت حجم پلي الماطور الى الوسط و بدلت پلي السربس الى حجم صغير وحاليا سرعه جدا قويه هل هذا يؤثر سلبا او لا توجد مشكله ارجوا الرد وشكرا لك ❤

[@user-qn5lh9lc2z]

أهلاً وسهلاً بك ، إذا كان الفرق قليل جدا فالتاثير على الماطور يكون قليل يعني الحمل على الماطور يكون قليل وبالتالي يشتغل طبيعي وما يحمة ، فقط راقب الماطور خوما ترتفع درجة الحرارة مالته أكثر من اللازم لانه قد تؤدي إلى حرق الماطور ، من الناحية العلمية لازم البولي المربوط على السربس يكون كبير حتى ينطي عزم قوي لتدوير السربس ، أما إذا بدلناه بحجم صغير فراح تكون سرعته كبيرة وعزم دورانه قليل وبهاي الحالة يسبب مشكلة على الماطور ويحترق فلازم يكون تغيير البولي للماطور والسربس محسوب علمياً والفرق بالتغيير يكون قليل جداً ،مثلا قطر البولي للماطور خمسة سنتيمترات فمن الممكن تغييره إلى ستة سنتمتر أو اربعة سنتمتر ، وبالنسبة للبولي مال السربس كذلك يكون تغيير قطرة بنفس الطريقة ، مختصر الكلام من تغير القطر مال البولي لا تغيره بفرق كبير عن قطر البولي القديم ، آسف على الإطالة

[@Red-ido]

العفو شنو معنى پولي بالعربية بحثت عنها بگوگل ملگيته

[@user-qn5lh9lc2z]

أهلاً وسهلاً بك ، العفو كلمة بولي كلمة انجليزية وتكتب هكذا pulley وتعني بالعربي بكرة.

[@amersabah9044]

طولت الفديو بلا فائد

[@user-qn5lh9lc2z]

العفو أستاذ ، اكدر اختصر الكلام والفيديو بأقل من هذا الوقت لكن حبيت ابين كل الامور الإيجابية والسلبية في هذا الموضوع واطرح جميع التسائلات التي قد يفكر بيها المشاهد