1/64 Inno64 R35 Top Secret Gold Tokyo Auto Salon 2024 Kuala Lumpur Exclusive Edition

呢架其實係買錯左, 以為係先前2023 果架再出, 買左先發現車頭蓋係碳纖, 但算, 佢有樣野靚係個車 link, 最鐘意係金 link, 咁算退坑前收埋呢一架, 因為一早想要日本限量版果架, 可惜炒價太貴, 買係唔值, 咁有呢架代替就算, 因為都係同一種金色, 而呢架只覺個金色仲金, 同架 R34 一樣咁金, 比最初果架金 Inno R35 深色左啲。
真係多謝 Carousell 到 Tofukingdom 個老闆比我慢慢揀車, 呢架車既 QC 就緊係唔錯啦。反而架 R34 上次幫襯間叫一二毛絨玩具, 真係要小心呢間野, 其實話就全新未開封, 但睇膠紙痕就知巳經開封, 有 sad 位既車唔要, 但就當全新未開封咁賣比啲客, 大家第時有幾會遇到呢啲賣家要小心。當然最近係 Buyee 買隻 SHF 響鬼十週年又賴左野, 當只係有啲官方圖片時, 無拍個盒既實況, 原來係啡盒同彩盒都開過, 又係揀完有 sad 位既唔要, 當全新未開封咁賣出去, 先前我都會睇下啲盒況既相, 可能未衰過, 一時疏忽大意就算然又賴野, 買開玩具通常賴野次數都唔少, 賴野條 link buyee.jp/merca... 賣家係たけ。
買完呢架可以安心退坑了…