1D... 3D... 5D... 7D... 13D ХЭМЖЭЭСҮҮД МОНГОЛ ЦАГААН ДОМ

1D... 3D... 5D... 7D... 13D ХЭМЖЭЭСҮҮД
ОРШИХУЙН БИЛГЭ ЧАНАРЫН / УХАМСРЫН ХӨГЖЛИЙН ТҮВШИНГҮҮД
Бүх оршихуй билгэ/ухамсрын хөгжлийн үндсэн 13 түвшинтэй. Орчин үеийн ойлголтоор үндсэн 13 хэмжээстэй.
13 дахь түвшин (хэмжээс) нь бол Мөнх тэнгэр, Мөнх/Экэ гэдэг мөнх чанарыг олсон болон мөнх чанартай оршихуйн түвшин (хэмжээс) юм.
Бидний мөнх бус оршихуй билгэ/ухамсрын үндсэн 12 түвшинтэй. 12 хэмжээстэй.
Энэ үндсэн түвшин/хэмжээсүүд дотроо маш олон дэд түвшин/хэмжээсүүдтэй.
Оюун ухаант хүн гэдэг төрөлтөн хамгийн багадаа сүнс ухамсрын хөгжлийн 5-р түвшинд, 5D хэмжээстэд байх ёстой. Хамгийн багадаа 5D түвшний сүнс ухамсрын хөгжилтэй бодгалийг л оюун ухаант хүн гэнэ. Тэрнээс хоёр хөл дээрээ гүйдэг, хохимой толгойтой амьтныг биш.
Гэтэл, сүнс ухамсрын хөгжлийн хувьд хамгийн багадаа 5D түвшинд байх ёстой хүн төрөлтний нийтийн ухамсар 4D ч биш, бүр 3D түвшинд байна гэж үзэж байна.
Сүнс ухамсрын хөгжлийн хувьд хамгийн багадаа 5D түвшинд байх ёстой хүн төрөлтөн адгуус, бирдийн төрлийнхний 4D гэсэн асар том хүрээг алгасаад 3D буюу тамын төрөл болон амьдын түвшин рүү нийтээрээ уначихсан байна гэсэн үг.
Уначихсан учраас,
1-рт:
• 3D түвшнээсээ хараад
2-рт:
• оршихуйн билгэ чанар/ухамсрын хөгжлийн үндсэн түвшин/хэмжээсүүдийг мэдэхгүй
• оюун ухаант хүн гэдэг төрөлтний сүнс ухамсрын хөгжлийн суурь болон дээд түвшингүүдийг мэдэхгүй хүмүүс эдгээр түвшингүүдийг болон эдгээр түвшингүүдийг илэрхийлсэн уламжлалт гүн ухаануудын болон орчин үеийн ойлголт, нэр томъёонуудыг харьцуулж судалж нарийн учрыг нь олохгүйгээр 5D түвшинг сүнс ухамсрын хөгжлийн асар өндөр түвшин гэж ойлгоод, яриад байгаа юм.
5D түвшин бол оюун ухаант хүний сүнс ухамсрын хөгжлийн суурь түвшин. Энэ утгаараа үнэ цэнэтэй түвшин мөн. 5D байхгүй бол дараагийн 6D, 7D, 8D... жинхэнэ утгаараа байх боломжгүй.
Өнөөдөр зарим хүмүүсийн ойлгоод, яриад байгаа шиг 5D түвшин оюун ухаант хүний сүнс ухамсрын хөгжлийн үнэмлэхүй өндөр түвшин бол биш. Боловсролоор зүйрлэвэл бүрэн дунд боловсролын түвшин. Бүрэн дунд боловсролтой хүнийг асар өндөр боловсролтой хүн гэж гайхаж шагшдаггүй биз дээ.
Тэнгэрийн язгуурт сүнс ухамсартай, алтайн кижи цус ястай монгол хүмүүс бол сүнс ухамсрын түвшний хувьд хамгийн багадаа 7D түвшинд байх ёстой.
7D бол:
• орчин үеийн нэр томъёо ойлголтоор оддын хүүхдүүд
• уламжлалт ойлголтоор эгэл бус төрөлтнүүд, тэнгэр язгууртнуудын суурь түвшин.
5D, 6D бол эгэл хүмүүн төрөлтний ухамсрын түвшин.
Оюун ухаант хүн гэдэг төрөлтөн хамгийн багадаа сүнс ухамсрын хөгжлийн 5D түвшинд байх ёстой.
4D бол бирд, адгуусны ухамсрын түвшин.
3D бол атамын цөм, атом, молекул... тамын амьтдын ухамсрын түвшин.
2D бол билгэ бэлгэтэй нэгдсэн түвшин. Дотроо хоёр дэд түвшинтэй.
1D бол билгэ бэлгэтэй нэгдээгүй, Билгэ дангаараа байгаа түвшин.
Нийтлэл бичсэн Илээхэн Ээхэн
эх сурвалж:
• Монгол Цагаан Домын галигт ном "ЯТГАЛ" судар
• Монгол Цагаан Домын онол, тайлал, аргазүйн сургалт