2010-2011年香港甲組足球聯賽南華體育會對傑志(11/12/2010)

Рет қаралды 27,412

Күн бұрын

11/12場波,係南華技不如人,球隊表現正常,唔想多講
反而有幾個重點,想羅生認真諗下
1: 3季,Kim帶左南華3季,做左好多好野比南華
第一季完善左訓練系統加強體能,第二季提升速度兼打快攻
今季呢?季初打左幾場小組之後就打回原形....中場又冇組織
我個人係中意Kim既3-4亦唔係一場可恥既敗仗,
不過如果佢已經再無新野可以比到南華
羅生就要諗下,依一刻既Level係咪就係羅生滿意既高度
未夠的話,我地係咪要考慮下再引入一Ｄ新思維比球隊進步上去呢?
2: 教練唔係神,摩連奴都有大敗既時候.我都有教過人,好明白
南華而家打得咁快,好似歐冲,鄭禮騫根本完全跟唔上節奏
當中可以引出一Ｄ問題,羅生既盡可能比本地球員機會政策
是否合適?國援2年一個轉本地,球會係咪真係唔可以係中甲找國貨
一定要找轉好本地的國援呢?李威廉,趙俊傑今季爭取不到受重用
我地仲有冇時間去教本地球員踢快波呢?
3: 既然我地既本地球員仲未得?點解明知我地對傑志冇優勢
人地出四鬼我地可以用兩鬼同人打呢?出本地OK鬼可以傷左架
點解又會出歐冲,鄭禮騫兩個跟唔上節奏既人應戰呢?
唔通卡里祖真係咁黑人僧?打中場打前鋒都及唔上歐冲,鄭禮騫?
疑人不用.用人不疑,我作為卡里祖支持者,好想請羅生
你唔信佢就炒左佢啦,好過咁樣唔上唔落
當年T史低潮都冇咁比人奚落過,想點不如大家講白Ｄ啦
唔好估估下咁.
4: 傷好未Fit既球員做乜要勉強出?
葉鴻輝係6號至操返,5日想100%Fit根本冇可能
張春暉又唔係對晨曦打得差,實在無理由會比葉鴻輝打正選,
失四球波中有兩球傳中波佢都要負上一定責任
再比對下陳七操返大半個月都係打後備,我地用人出場既策略係咪都好奇怪呢?
以上係我對球隊既重大疑問,請羅生您認真諗下La
(12月11日)在香港大球場舉行的bma甲組聯賽，傑志以4:3擊敗最後十人應戰的南華。今天的入場人數為4,522，購票人數為3,843，門券收入港幣$164,870元正。
上半場開賽僅3分鐘，林嘉緯右路一記罰球直射建功迅速替傑志打開1:0的記錄。14分鐘，佐迪接應隊友左路傳中迎頂破網，傑志增添記錄至2:0。22分鐘，徐德帥右路交後，李志豪接應傳中，王振鵬出迎飛身接牢。25分鐘，徐德帥於禁區起腳抽射斜出。27分鐘，徐德帥右路角球開向遠柱，史高斯頭槌攻門斜出。28分鐘，史高斯於左路禁區交向遠柱位的徐德帥近門射入，但可惜越位在先，入球判無效。29分鐘，史高斯接應鄭禮騫一記傳送突破傑志防線單刀來一記笠射被及時回防掩護空門的丹尼解圍。33分鐘，陳文輝左路罰球斬向遠柱，林嘉緯頭槌建功替傑志將拉開記至3:0結束上半場賽事。
下半場南華換入陳肇麒加強攻力。10分鐘，徐德帥右路出擊斬向遠柱，郭建邦窄角位抽射，曾錦濤及時閂出底線。11分鐘，徐德帥左路角球斬中，鄭禮騫跳頂高出。13分鐘，陳肇麒接應史高斯左路底線一記傳中乘王振鵬手槌打出不遠衝前迎頂得手，1:3南華追回一球。其後，南華和傑志先後在17分鐘及18分鐘有後備入替的卡里祖及盧比度均在無人看管下射高。26分鐘，徐德帥侵犯羅沙度累積兩面黃牌被逐離場，南華以10人應戰。28分鐘，林嘉緯左路推進交佐廸於禁區頂射地波被葉鴻輝臥地接牢。30分鐘，陳文輝左路交盧比度斬中，佐廸接應頭槌得手個人梅開二度，傑志再次將記錄拉開至4:1。32分鐘，卡里祖左路禁區起腳抽射遠柱被王振鵬橫身擋出。36分鐘，陳肇麒左路斬中，後上助攻的白鶴撞射斜出。39分鐘，史高斯突破傑志防線快速推至禁區頂起腳勁射破網替南華追成2:4。賽事進入補時階段，陳肇麒右路交近柱位的卡里祖於窄角抽射，王振鵬封位沒收。完場前陳肇麒於遠柱位接應後備入替的黃展鴻左路開出的角球迎頂入網，替南華追至3:4的接近記錄。最後傑志保持勝果直至完場，以4:3擊敗南華，重返聯賽榜首。