3rd July Monday | Our Lady of Good Health Vailankanni | Today Mass Entrance Song | St Thomas feast

3rd July 2023 Monday | Our Lady of Good Health Vailankanni | Today Mass Entrance Song | வருகை பாடல்
இறை மக்கள் குடும்பமாக இல்லங்களில் அமர்ந்து செபிக்க வேண்டிய இன்றைய செபமாலைக் கருத்துக்கள்.
03.07.2023 (திங்கள்)
மகிழ்ச்சி நிறை மறையுண்மைகள்.
1. தேவமாதாவுக்கு கபிரியல் அதிதூதர் காட்சி அளித்து மங்கள வார்த்தை சொன்னதைத் தியானித்து,
இந்திய நாட்டின் திருத்தூதர் என அழைக்கப்படும் தூய தோமாவின் விழாவைக் கொண்டாடும் இந்நாளில், இறைவனிடத்திலும், நம்மோடு வாழும் சக மனிதர்களிடத்திலும் நம்பிக்கை கொண்டு வாழ்கிறோமா? என நாம் சிந்தித்துப் பார்க்கவேண்டி இந்த முதல் 10 மணியை ஒப்புக் கொடுப்போம்.
2. தேவமாதா எலிசபெத்து அம்மாளை சந்தித்ததைத் தியானித்து,
“நாமும் செல்வோம், அவரோடு இறப்போம்”. (யோவான் 11:16). என்று அச்சமின்றி கூறிய தோமாவிடமிருந்து துணிவினை நாம் கற்றுக் கொள்ள இந்த இரண்டாவது 10 மணியை ஒப்புக் கொடுப்போம்.
3. குழந்தை இயேசு பிறந்ததைத் தியானித்து,
இந்தியாவில் திருச்சபை காலூன்றக் காரணமான புனித தோமாவைத் தேர்ந்தெடுத்த நம் இறைவனுக்கு நன்றியாக இந்த மூன்றாவது 10 மணியை ஒப்புக் கொடுப்போம்.
4. குழந்தை இயேசுவை ஆலயத்தில் காணிக்கையாகக் கொடுத்ததைத் தியானித்து,
மணிப்பூர் மாநிலத்தில் அமைதி திரும்பவும், பாதிக்கப்பட்ட மக்கள் அனைவரின் பாதுகாப்பான மறு வாழ்விற்காகவும் இந்த நான்காவது 10 மணியை ஒப்புக் கொடுப்போம்.
5. காணமற் போன குழந்தை இயேசுவை ஆலயத்தில் கண்டு பிடித்ததைத் தியானித்து
தங்கள் குடும்பத்தினரால் மறக்கப்பட்டு பல ஆண்டுகளாக, வேண்டுதல்களுக்காக ஏங்கிக் கொண்டிருக்கும் அனைத்து உத்தரிய ஸ்தலத்தில் இருக்கும் ஆன்மாக்களும், இறைவனின் மோட்ச பாக்கியத்தை விரைவில் அடைய வேண்டி இந்த ஐந்தாவது 10 மணியை ஒப்புக் கொடுப்போம்.
ஆமென்.