Рет қаралды 1,615
Су тасқынының зардабын жоюға олигархтар мен ірі компаниялар 200 миллиард теңгеге жуық қаражат бөлмекші. Бұл қаражаттың негізгі бөлігін Форбс тізіміне кірген ірі бизнес өкілдері мен байлығы соларға жуықтайтын кәсіпкерлер аудармақ. Атап айтар болсақ, Машкевич, Ибрагимов және Шодиев иелік ететін ERG компаниясы 40 миллиард теңге бөліп отыр. Байлығы 3 миллиард 600 миллион долларға бағаланатын Владимир Кимге тиесілі компаниялар тобы да 40 миллиард теңге жұмсауға ниетті. Әрқайсысының жеке қаражаты 5 миллиард долларға жететін Тимур Құлыбаев пен Динара Құлыбаева 30 миллиард теңгесін бермек. Каспий банк иелері Вячаслав Ким мен Михаил Ломтадзе 20 миллиард, Болат Өтемұратов 10 миллиард аудармақ. Астана моторс компаниясының қожайыны Нұрлан Смағұловтың бергелі отырған қаржысы 6 миллиардтан асады. Миллиардтан көп аударғандар тізімінде Айдын Рақымбаев пен Тимур Турлов та бар. Атышулы Екібастұздағы жылу электр станциясына иелік ететін Сергей Кан да 1 жарым миллиард жібермекші. Жиналған қаражатты берген азаматтардың өздері қадағалауы керек деп кетті депутаттар.
Редакция нөмірі: 87774717140
Ютуб каналы және 4vlastinfo.kz сайтына тіркеліңіздер