Рет қаралды 7,815
07.09.1994, Градски стадион Скопје
Натпревар во рамките на група 2 квалификации за пласман на ЕП '96.
На ден пред Денот на независноста во 1994 година, репрезентацијата на Македонија го игра првиот официјален меѓународен натпревар, во квалификациската група 2 за пласман на ЕП '96, на домашен терен против актуелниот европски шампион Данска. Симболика, желба, очекувања, емоции на 22.000-та публика на Градски и на цела Македонија пред малите екрани.
Македонија: Трајчев, Бабунски, Ѓуровски, Јовановски, Марковски, Најдоски, Станојковиќ, Стојковски, Т.Мицевски, Бошковски, Панчев (замени: Канатларовски, Серафимовски)
селектор: Андон Дончевски
Данска: Шмајхел, Фрис-Хансен, Олсен, Рипер, Хелвег, Јенсен, Стин Нилсен, Филфорт, М.Лаудруп, Кристенсен, Б.Лаудруп (замени: Поулсен, Ларсен)
Стрелци: Стојковски 4', Поулсен 86'
Делириум уште на самиот старт на мечот, а причина голот на Стојковски во четвртата минута. За жал, овој меч ќе остане запамтен и по непромислениот потег на капитенот Панчев, кој доби црвен картон во 47-мата минута, по удар со лакт врз Јенсен. Со десет играчи, Македонија не успеа да го задржи водството до самиот крај на мечот. Сепак, овој натпревар уште долго ќе се раскажува меѓу љубителите на фудбалот во нашата земја.