Рет қаралды 32,947
6- طرق لاستعادة قوتك وسيطرتك وسحب دفه العلاقه من ايد النرجسي
1- اول طريقه هى انك تتعلمى تتحكمى فى عواطفك وانفعالاتك اتعلمى فن الرد على الاستفزازات ماتبقيش رد فعل ماتبينيش رد فعل ولا تتفاعلى عاطفيا مع النرجسي خليكى دايما فاكرة ان النرجسي بيعيش على رد فعلك على مشاعرك على ايذائك على احباطك وهو دة الوقود اللى بيغذى النرجسي
علشان كدة لازم تتعلمى تظبطى عواطفك بطلى تدخلى دايرة نقاش غير مجديه مستهلكه لطاقتك خليكى باردة بمعنى اصح انا عارفه ان دة صعب مع استفزفز النرجسي لأن النرجسي ملك الاستفزاز وبارع فى انه يخرجك عن شعورك بس لو عرفتى ان دة هو هدفه هتقدرى مرة فى مرة انك تبطلى تتفاعلى وتبطلى اعصابك تفور كدة زى ازازة الحاجه الساقعه من كتر ماهو بيستفزك لو قدرتى تعملى دة النرجسي مش هيلاقى وقود يعيش ويعتمد عليه وطبعا مانتيش محتاجه اقولك ان طول مانتى لما بيستفزك وبيدبلك كلمه تخليكى فى ثوانى من زيرو لوان هاندرد تعلى وتغضبي عمرة ما هيبطل يعمل دة وهيفضل كدة دايما لان ببساطه كل مرة بيكسب بالطريقه دى لكن لو خسر مرة او مرتين او تلاته هيعرف ان استفزازة دة مابقاش بيجيب نتيجه معاكى علشان كدة اتعلمى تبقى هاديه باردة افضلى قولى لنفسك الكلام مش ليا انا مش كدة هو بيعمل دة علشان يستفزنى وانا مش هديله الفرصه دى
2- ماتغذيش غرورة النرجسي معروف عنه دائم البحث عن المدح والمجاملات والثناء على اى حاجه عملها او حتى ماعملهاش على شكله على لبسه على كلامه على كذبه لو تجاهلتى كل دة لو بطلتى تمدحيه لو رفضتى انك تدخلى فى اى شكل من اشكال تلبيه غرورة دة هو كدة هيتحرم من انتباهك من الوقود الخاص اللى بتديهوله وبكدة هيفضل يسأل نفسه هى ليه مابقيتش مهتمه هى ليه اتغيرت دى كانت مبهورة بيا ازاى بقت كدة وبكدة هيفقد سيطرته عليكى الى حد كبير
3- تالت حاجه خليكى واثقه فى نفسك وفى الحقيقه اللى انتى شايفاها بعنيكى والعقيدة اللى انتى مؤمنه بيها ماتستسلميش للجاز لايتينج اللى بيعملهولك النرجسي صدقينى دى اداة قويه جدا لو اتمسكتى بيها هتقدرى فعلا تستعيدى قوتك من النرجسي
النرجسي بيشكك فى قواكى العقليه انك بقيتى تنسي
تسأليه مثلا انت اتأخرت ليه وكنت فين كل دة تلاقيه بيقولك على فكرة انا قولتلك قبل ما انزل قولتلك انى هتأخر وهو مايكونش قالك ولا حاجه انتى بقيتى نسايه انتى مش ممكن انتى ايه يابنتى تقوليله لا انا مش نسايه خالص وانت ماقولتليش
انا متأكدة انت ماقولتش حاجه زى كدة مان كنتى بتشكى فى نفسك وتفضلى تسألى نفسك يالهوى هو ممكن يكون قالى بجد وانا نسيت
خليكى واثقه فى نفسك وفى عقلك ماتخليهوش يعيشك اوهامه ولا خيالاته ويسحلك فيها
ماتتخانقيش معاة ولا تقوليله والله انا متاكدة انك ماقولتليش انك هتتأخر انت على فكرة عايز تجننى انت بتعمل كدة ليه لا لالا انتى كدة بتديله وقود بتحسسيه انه شاطر اوى وقادر يلعب بيكى خليكى هاديه قوليله بمنتهى الثبات انا متاكدة من اللى انا بقولهولك
ملتتجادليش معاة ولا تدخلى معاة فى حوارات لان الجدال مضيعه للوقت مع النرجسي ببساطه شديدة قولى اللى انتى متأكدة منه واخرجى من الاوضه واخرجى من المناقشه وغيري الموضوع كدة هتقلقيه وهتحسسيه انه مش مسيطر
4- لازم تبقالك حدود واضحه وتكونى متمسكه بيها جدا وتكونى حازمه فيها ماتسمحيش باى تهاون فيها
كلمه انا مش هسمحلك بتخوف النرجسي جدا جدا على فكرة يعنى لما تلاقيه مثلا بيحاول انه يكرهك فى شغلك وعايز يقعدك من الشغل او ياخد مرتبك او يحرمك من زيارة اهلك تقوليله انا مش هسمحلك ابدا انك تقعدنى من الشغل شغلى خط احمر اهلى خط احمر مش هسمحلك باهانتى او انك تقول انى ام مش كويسه مش هسمحلك تشكك ولادى فى حبي ليهم قوليها وانتى واثقه وقويه وبحدة مش وانتى خايفه وبتعيطى ومنهارة مفيش حاجه النرجسي يكرهها اد الحدود دة بيزعجه جدا وبيحبطه جدا النرجسي لما بيتعدى حدودة معاكى وبيدمر حدودك وبيمحيها خالص بيحس انه ساحر وقوى وذكى وشويه بشويه بتتفاجئي انك مالكيش حدود مع اى حد ولا مع النرجسي ولا مع ولادك ولاحتى مع بواب عمارتك علشان كدة بقولك ابنى حدودك وحافظى عليها بكل قوتك وافرضيها بالقوة على النرجسي وعلى غيرة
5- اقبلى الامر الواقع انك مش هتغيري النرجسي وبطلى تحاولى وتحاولى وتستزفى طاقتك النرجسي عمرة ما هيتغير ولا انك تحبيه اكتر ولا انك تحتويه اكتر ولا انك حتى تخضعيله اكتر حتى لو حاولتى انك تخاطبي الجانب الجيد فيه وتأثري عليه علشان يعمل حاجات كويسه معاكى او مع اولادك او مع غيرك صدقينى مش هتنجحى فى دة ومش هينوبك غير احباطك واهدار طاقتك وقوتك مش اكتر وهرجع بردو افكرك ان النرجسي عايش على الوقود اللى بياخدة منك وانتى بتتوسلى وبتستعطفى وبتطلبي منه بالود والحب بيستمتع وهو بيشوفك بتكافحى وبتحاربي علشان تنجحى العلاقه عارفه ليه علشان يحرمك من الحاجه الوحيدة اللى نفسك فيها وبتطلبيها انه يكون كويس وبنى ادم معاكى اول بقه ما تعرفى وتتقبلى انه مش هيتغير هتبطلى تعملى كل المحاولات الساذجه دى هتبطلى تجرى ورا الحلم اللى مستحيل يتحقق دة وبكدة هتقدرى تسترجعى جزء كبير من سيطرتك وقوتك
6-بطلى تستنى من النرجسي اعتذار او اسف على فكرة النرجسي بيبقى عارف انك مستنياة يطيب خاطرك ويتأسفلك ويعتذرلك وبيكون مستمتع جدا وهو بيهد كل امالك واحلامك دى وحتى لو اعتذرلك كونى متاكدة انه اعتزار كاذب مش نابع من احساس حقيقى بالاسف والندم ماتستنيش اسف ولا اعتذار لانك هتحبطى وهتصابي بخيبه امل فظيعه وفى نفس الوقت انعدام ثقتك فى نفسك هيزيد هتحسي انك مالكيش قيمه وتحسي ان العيب فيكى انتى مانا لو كنت غاليه عندة ماكانش سابنى كدة مانا لو استاهل انه يعتذرلى كان عمل لزعلى الف حساب حبيبتى العيب فيه هو مش فيكى انتى هو اللى مايعرفش يكون انسان مايعرفش يتحمل مسؤليه مايعرفش يبقى قدوة لاولادة
#نلجية_من_جحيم_نرجسى