70 telente të reja nga Bregu i Lumit dhe Kombinati çelin ekspozitë në EUROPE HOUSE në Tiranë

70 krijues të rinj nga Bregu i Lumit dhe Kombinati në një ekspozitë të përbashkët
Ekspozita e arteve pamore “Talentet e reja në periferi” është çelur në mjediset e Europe House të Delegacionit të Bashkimit Evropian në Tiranë. Protagonistë të saj janë 70 talente të reja nga shkollat 9-vjeçare “Kolë Jakova” në Bregun e Lumit si dhe “Betim Muço” në Kombinat, të dyja zona në periferi të kryeqytetit.
Aktiviteti është pjesë e edicionit të tetë të programit kulturor “Qyteti im evropian”, të cilin ABC Tirana Club e ka nisur që në 1 qershor 2021 dhe e ka vijuar veç Tiranës dhe në Korçë, Mat, Tepelenë, Gramsh, Kukës dhe Dibër.
“Ajo që kemi bërë dhe do vijojmë të bëjmë është kombinimi i përfshirjes së talenteve të reja jo vetëm nga zonat urbane, por dhe ato periferike dhe rurale. Në mënyrë që ‘Qyteti im evropian’ të ndalojë në çdo njësi administrative të vendit, tha në fjalën hapëse drejtuesi I ABC Tirana Club, Johan Muka.
“Përfshirja e talenteve nga periferia, është një konfirmim se dhe aty ka energji artistike e talenti, ka të apasionuar pas arteve pamore. Ka nga ata që duan të jenë një zë në komunitet, duke u angazhuar me problematikat qe hasen, me vendimarrjet që merren”.
“Talentet e reja në periferi” është një ndërthurrje mes artit dhe aktivizmit. Autorët e punimeve prezantuan idenë dhe mjetet shprehëse, duke treguar për bashkëmoshatarët, për mësuesit e prindërit etj., konceptin dhe perceptimin për qytetin ideal. Si ata e mendojnë dhe perceptojnë qytetin me mjedise më të jetueshme, me mjedise më të gjelbërta, me hapësira më të bollshme, ku ata mund të luajnë, të argëtohen, pra ta kalojnë sa më mirë kohën e lirë me bashkëmoshtarët e tyre, por dhe me gjeneratat e tjera.
Të pranishmit i përshëndeti dhe Betim Dibrani nga “Europe House”, i cili ftoi të rinjtë që të bëhen pjesë e kalendarit të aktiviteteve të këtij institucioni në promovimin e procesit të integrimit evropian të vendit tonë.
Prof. Dr. Artan Peqini, pedagog prej rreth 3 dekadave në Universitetin e Arteve në Tiranë si dhe artist shumë i njohur brenda dhe jashtë Shqipërisë bëri një “lexim” të punimeve të autorëve, si dhe i nxiti ata të vijojnë në rrugën e bukur dhe të vështirë të artit.
Vlerësime mbi punimet bënë dhe dy mësueset e arteve pamore Anisa Lutaj (nga shkolla “Betim Muço”) dhe Stefanka Poreçi (shkolla “Kolë Jakova”).
Autorët nga Bregu i Lumit që paraqitën punime në këtë ekspozitë ishin: Ada Krasniqi, Ajlin Durrsi, Ajsel Sinani, Anesia Lumi, Anna Ferati, Arlinda Iseidi, Armela Mjetra, Arsa Koçi, Asja Lushnja, Dali Mziu, Eglantina Kengo, Eleano Qahjai, Elena Hoda, Elia Doku, Elisa Hoda, Elisa Kërçyku. Elma Matmuja, Emel Tola, Fabjola Shehu, Florisa Bengu, Gesi Gjoçi. Irsa Bala, Joana Xhixha, Jokida Kaloshi, Kristal Myrtollari, Medea Isufi, Noelja Isufi, Pavlina Dema, Rejsilda Halilaj, Sara Dema, Shanel Shega, Xhesika Ilami dhe Xhesjana Mile.
Kurse nga Kombinati ishin: Abiel Koka; Adora Taku; Ajsi Belba; Alesia Kovaçi; Altea Neli; Alvi Bakalli; Amar Ago; Andrea Karaj; Angjelos Xite; Bora Selamaj; Eldor Pillati; Elgisa Kordha; Eliza Mjeshtri; Ema Sadiku; Eneda Çaushi; Ergona Mjeshtri; Erisjano Jaçe; Erla Lama; Erla Toska; Evi Mamillo; Fiorisa Xhuvani; ⁠Gëzim Imeraj; Giana Xite; Greisa Rroshi; Klarisa Nuredini; Klesilda Çobani; Kristalina Kanushi; Ledjon Loke; Lorena Islami; Lorena Shehu; ⁠Qamil Xeka; Renina Troplini; ⁠Renis Hima; Riseld Rajta; Seljana Kaposhi; Stjuart Hodo dhe Vjosa Harka.
Për të dytin vit rradhazi “Talentet e reja në periferi” u mbështet nga Bashkia e Tiranës.
ABC Tirana Club bashkëpunoi për zbatimin e projektit dhe me Njësitë Administrative nr 6 dhe nr 11 në kryeqytet, si dhe shkollat 9-vjeçare “Betim Muço” dhe “Kolë Jakova”.