🎗 9-may - Xotira va qadrlash kuni!

🎗 9-may - Xotira va qadrlash kuni!
Bugun, "El-yurt umidi" jamg'armasi jamoasi G'alaba bog'ida bunyod etilgan “Matonat madhiyasi” yodgorligiga tashrif buyurdi.
Davlatimiz rahbari tashabbusi bilan Toshkent shahrida xalqimiz jasoratining yorqin ramzi sifatida bunyod qilingan muhtasham G‘alaba bog‘i yodgorlik majmuasi qisqa vaqt ichida qutlug‘ ziyoratgohga aylandi.
Bugungi kunda G‘alaba bog‘i yurtdoshlarimiz, yoshlar uchun o‘ziga xos vatanparvarlik, tinchliksevarlik maktabi bo‘lib xizmat qilmoqda. Bu yerda “uch avlod uchrashuvlari”, xotira tadbirlari, tarix darslari o‘tkazilmoqda. Shu kungacha majmuaga 2 million 200 ming nafardan ziyod kishi tashrif buyurib, Ikkinchi jahon urushida ko‘pmillatli O‘zbekiston xalqi ko‘rsatgan jasorat va matonat tafsilotlari bilan yaqindan tanishishgan.
Jamg'arma jamoasi ham bog'da tashkil etilgan ajdodlarimizni haqida eksponatlar bilan yaqindan tanishdi va urushning shafqatsizliklarida jasorat ko'rsatgan yurtdoshlarimizni xotirlashdi. Bugungi osuda hayotimizda ularning cheksiz xizmatlarini e'tirof etsak arziydi!
EYUF axborot xizmati.