Рет қаралды 1,334
အမေရိကသို့ရောက်လာသည့် သဘာဝတရားရိပ်သာဘုန်းကြီး ဆန္ဒပြခံရ
ဆန်ဖရန်စစ္စကို - ၂၀၂၃ ဇူလိုင် ၂၆ (မော်ကွန်း)
အမေရိကန်နိုင်ငံ၊ ဆန်ဖရန်စစ္စကိုမြို့ကို ရောက်ရှိနေတဲ့ သဘာဝတရားရိပ်သာဘုန်းကြီး ဦးဥတ္တမသာရကို အလိုမရှိကြောင်းဒီကနေ့မှာ အမေရိကန်နိုင်ငံနေ တော်လှန်ရေးပြည်သူလူထုက သံပုံးတီးပြီး ဆန္ဒပြလိုက်ကြပါတယ်။
ဆန္ဒပြမှုမြင်ကွင်းမှာတော့ ဦးဥတ္တမသာရဟာ ကားထဲကနေအပြင်မထွက်ဘဲ ရှိနေခဲ့ပြီး အပြင်မှာဆန္ဒထုတ်ဖော်နေတဲ့လူထုကတော့ အမျိုးသားဒီမိုကရေစီအဖွဲ့ချုပ်ပါတီ နာယက ဦးတင်ဦးထံကို သွားရောက်တွေ့ဆုံရာမှာ " ဒေါ်အောင်ဆန်းစုကြည်ကို နိုင်ငံရေးမလုပ်ဖို့" ဦးဥတ္တမသာရက ပြောကြားခဲ့တဲ့အပေါ် ကျေနပ်မှုမရှိကြောင်း ပြောဆိုခဲ့ကြပါတယ်။
ဒီလို သွားရောက်ပြောဆိုတာဟာ စစ်အာဏာရှင်တွေရဲ့အလိုကျအတိုင်း လိုက်လံအကျိုးဆောင်တာဆိုပြီး အညာဒေသအပါအဝင် မြန်မာနိုင်ငံအနှံ့မှာ စစ်တပ်ကြောင့် ဒုက္ခရောက်နေကြရတဲ့ ပြည်သူတွေဘက်က မရှိဘူးလို့ ဆန္ဒပြလူထုက ဆိုကြပါတယ်။
ဆန္ဒပြလူထုက အပြင်ဘက်ကို ထွက်လာခဲ့ဖို့ ဖုန်းဆက်ခေါ်ဆိုခဲ့ပေမယ့် ဦးဥတ္တမသာရကတော့ အပြင်ထွက်မလာခဲ့ပါဘူး။
ရုပ်သံမှတ်တမ်း - Free Burma Action Committee- San Francisco