Рет қаралды 48,260
ДЎСТЛИК РИШТАЛАРИ
.
«Биродарингнинг оғзидан ёмон сўз чиқса ҳам, сен уни яхшилик томонга буриб юборишга битта важ топсанг, ўша нарсани ёмонлик деб ўйлама.»
Умар ал Форуқ розияллоҳу анҳу
- Инсон бўлгандан кейин, табиатлар турли хил бўлгандан кейин хато камчилик албатта ҳаммада бўлиб туриши тайин. Замонимиздаги дўстлардан кўрамиз, дўсти сал адашиб ёки хато қилиб ёки бир оғиз нотўғри гапириб қўйса, гапини яхши тарафга буришни ёки унга узр беришни 99 та йўли бўлса ва битта ёмон тарафга важ бўлса ёмон тарафини ушлаб...
- Сени дўст деб юрибман экан...
- Ўзи билардим...
- Индамай юргандим..
- Ана энди билдим сени...
- Ўзи фалончилар бундан дўстлик чиқмайди деб айтганди...
- Тарихда нима яхшиликлар қилингани рўйхати очилади...
Бутун мағзавани дўстини устидан тўкади. Ўртада қайта боғланмайдиган қилиб дўстлик ришталарини узиб ташлашади.
Унутмаслиги керак, инсон айбсиз, ҳеч камчиликга йўл қўймайдиган дўст қидирса дўстсиз қолади. Ваҳоланки унинг ўзи айбу нуқсонлардан холи эмас. Дўстимизни дини ва ахлоқидан розимизми, бўлди унинг баъзан йўл қўядиган хато камчиликдарига кўз юмишимиз, кечиримли бўлишимиз керак.
Мўминлар ўзгалар айбини қидиришдан ва уларни ғийбат қилишдан сақланишлари лозим.
“(Ўзгалар айбини қидириб) жосуслик қилмангиз ва бирингиз бирингизни ғийбат қилмасин! Сизлардан бирор киши ўлган биродарининг гўштини ейишни хоҳлайдими?! Уни ёмон кўрасиз-ку, ахир! Аллоҳдан қўрқингиз! Албатта, Аллоҳ тавбаларни қабул қилувчи ва раҳмли зотдир”
(Ҳужурот сураси, 12-оят).