✅АДАМ ӨМҮРҮН АЛГАН ӨРТ КЫРСЫГЫНЫН АЛДЫН АЛ! Балдарды кароосуз калтырбаңыз!

✅АДАМ ӨМҮРҮН АЛГАН ӨРТ КЫРСЫГЫНЫН АЛДЫН АЛ!
Балдарды кароосуз калтырбаңыз!
2024-жылдын январь айынан апрель айына чейин балдардын шалаакы мамилесинен улам республика боюнча 38 өрт кырсыгы катталган. Келтирилген материалдык чыгым 3 394 406 сомду түзгөн.
Өзгөчө кырдаалдар министрлиги ата-энелерди жоопкерчиликтүү мамиле кылуу менен төмөнкү эрежелерди так сактоону эскертет:
- ширеңке, көгүлтүр от тутанткычын (зажигалка) балдар жетпеген жерге сактаңыз;
- электр буюмдары менен ойноого, өз алдынча күйгүзгөнгө, от жагууга жол бербеңиз;
- өрт чыккан учурда дароо коопсуз жерге чыгуу керектигин түшүндүрүңүз;
- "112" - бирдиктүү мамлекеттик нөөмөтчү-диспетчердик кызматын , "101" - өрт өчүрүү кызматынын номерлерине кайрылуу керектигин үйрөтүңүз.
❗Эсиңизде болсун! Балаңыздын кандай буюмдар менен ойноп жатканына көңүл буруңуз. Кооптуу жерлерге баруусуна жол бербеңиз.
КР ӨКМ ПРЕСС-БОРБОР