aflasafe et aflatoxine carlton

ATRIKASA HO FAMPIROBOROBOANA NY FANAFODY AFLASAFE FAMONOANA IREO HOLATRA MPANIMBA NY VOLY VOANJO SY KATSAKA ETO MADAGASIKARA.
✅Ny Ministeran’ny Fambolena sy ny Fiompiana dia mandray anjara mavitrika miaraka amin’ireo mpiara miombon’antoka amin'ny ady atao mahakasika ny "aflatoxine" izay manimba ny vokatra eto Madagasikara toy ny voanjo sy katsaka ary ny maro hafa.
👉Nisy ny atrikasa ho fanaingana tamin’ny fomba ofisialy ny tetikasa ho fampiroboroboana ny fanafody "Aflasafe" izay entina hiadiana amin’ireo holatra antsoina hoe "aflatoxine" ny 05 mai 2024, tao amin'ny Carlton Anosy.
✅Fiaraha-miasan’ny Ministeran’ny Fambolena sy ny Fiompiana amin’ny alalan’ny Tetikasa FSRP na Tetikasa misahana ny fahafaha-miatrika ny Rafitra ara-tsakafo izay vatsian’ny Banky Iraisam-pirenena vola sy ny IITA na Ivon-toerana Iraisam-pirenena ho amin’ny Fambolena aty amin’ny tany mafana, ka tonga nisolon-tena ny Minisitry ny Fambolena sy ny Fiompiana , Andriamatoa RATOHIARIJAONA R. Suzelin nandritra ny atrikasa, Ramatoa RAHARINOMENA Fanja, Sekretera Jeneralin’ny Minisitera izay nanasongadina ny maha zava-dehibe ny fanaraha-maso sy fampiasana ireo fanafody iadiana amin’ny bibikely mpanimba ny voly sy ny vokatra eto amintsika mba tsy hisy fiantraikany amin’ny fahasalaman’ny mponina.
🌿 Ilaina ny fanajana ny fenitra iraisam-pirenena momban' ny fampiasana ny "Aflasafe"
Lien de la version Française : www.minae.gov....
Lien KZbin : we.tl/t-7L3OwW...
#MINAE
#FSRP
#IITA
#CGIAR