ماذا فعل رونالدو بعد خيانة حبيبته ليلة كأس العالم

حلقات مقترحة
فبركة الفيديوهات
• فبركة الفيديوهات.. فنا...
قصة حياة كريستيانو رونالدو
• كريستيانو رونالدو - قص...
حذف تطبيق تيك توك
• حذف تطبيق تيك توك
محمد صلاح والخيانة
• الخيانة كنز لا يفنى
يوم مباراة النهائي فى كأس العالم 98.. صحى روبرتو كارلوس مفزوع على صوت شخير جامد جدا.. مين اللى بيشخر؟.. زميله فى الغرفة.. رونالدو.. حضرتك تقولى طيب وايه المشكلة بنى ادم وبيشخر عادى.. مفيهاش حاجه..
أقولك انت صح.. لكن سيدى المواطن بقول لحضرتك ده مكانش شخير عادى.. صوت شخير رونالدو صحى روبرتو كارلوس مفزوع من النوم.. وفعلا.. بمجرد ما قام يشوف رونالدو بيشخر بالشكل الفظيع ده ليه؟.. خصوصا وانها مش عادته.. اكتشف ان رونالدو بيبلع لسانه.. رونالدو بيموت.. أفضل مهاجم فى تاريخ كرة القدم وقتها.. بيموت.. الشاب اللى الفيفا كرمته بجائزة أحسن لاعب فى العالم وهو لسه يادوب 20 سنه.. بيموت.. والنهاردة مباراة النهائي فى كاس العالم قدام فرنسا.. يعنى حتى لو ربنا أنقذ رونالدو من الموت.. فواضح انه بيعانى من مشكلة صحية ممكن تمنعه من اللعب.. يعنى البرازيل خسرت كأس العالم حتى قبل ما تلعب.. ورونالدو بيموت..
كل دى أفكار اتجمعت بسرعه فى عقل روبرتو كارلوس وهو بيشوف زميله وصاحبه مش قادر يتنفس.. وهو بيشوف زميله وصاحبه بيموت.. روبرتو كارلوس للحظات حس انه اتشل.. اتجمد.. مش قادر يتحرك ولا يتصرف ولا ينقذ صاحبه.. فبدأ يصرخ زى المجنون ويقول رونالدو بيموت.. رونالدو بيموت.. بيحكى زمايله وبيقولو صحينا مفزوعين على صوت روبرتو كارلوس وهو بيصرخ زى المجنون.. دخلنا عليهم الغرفة لقيناه بيصرخ وبيترعش.. ولقينا رونالدو بيتخنق وبينازع الموت.. مش عارف يتنفس.. وبسبب صريخ روبرتو كارلوس مكناش محتاجين ننادى على حد.. لأن كل زمايلنا كانوا سمعوا صريخه وبدءو يوصلوا الغرفة واحد ورا التانى.. لكن أهمهم كان طبيب المنتخب.. اللى لحق رونالدو فى أخر لحظه.. وأنقذه من بلع لسانه.. وأخيرا بدأ يتنفس من جديد..
بسرعه نقلوا رونالدو للمستشفى.. وهناك روبرتو كارلوس قالهم علي كل حاجه.. قالهم ان رونالدو قبل ما ينام اتخانق مع حبيبته سوزانا خناقة كبيرة.. كان عامل زى المجنون لدرجة ان روبرتو كارلوس اللى كان حاضر الخناقة من أولها حس ان رونالدو داخل على نوبة صرع.. لكن الخناقة انتهت بإن رونالدو نام من كتر التعب والمجهود العصبى اللى بذله فى الخناقة دى.. طيب ليه كان بيتخانق؟.. هقولك.. لكن اللى أهم من الخناقة دلوقتى ان الأطباء الفرنسيين علشان يهدوا أعصاب رونالدو.. اضطروا انهم يحقنوه بمخدر شديد جدا.. مخدر بيأثر على التركيز وبيقلل نشاط المخ.. وعلشان تدرك خطورة المهدئ ده.. فهو نفس المخدر اللى انتحرت بيه الممثلة المشهورة مارلين مونرو.. اللى حكينا قصتها فى حلقة منفصلة اسمها ماوراء مارلين مونروا.. تقدر ترجع لها لو حابب تعرف حكايتها بالتفصيل..
حضرتك تقولى طيب ما كويس انهم حقنوه بالمخدر ده علشان يهدا ويرتاح.. أقولك سيدى المواطن انت شكلك نسيت ان الكلام ده كان نفس يوم مباراة النهائى فى كأس العالم سنة 98.. ورونالدو فى الوقت ده كان عامل زى مو صلاح بالنسبة لمنتخب مصر كده.. كان عامل زى ميسي وكريستيانو رونالدو.. بالبلدى كده كان هو أهم واحد فى الفريق.. لدرجة ان الصحف وقتها كانت بتوصف أهميته بجمله واحده.. وصول الكرة لأقدام رونالدو.. يعنى أن 50% من صناعة الهدف قد اكتملت..
طيب هنا سؤال مهم.. ايه السبب فى كل ده؟.. ايه اللى وصل رونالدو للمرحلة دى؟.. ايه سبب خناقته مع حبيبته اللى اتسببت فى كل ده؟.. أقولك بكل أسف.. الخيانة سيدى المواطن.. فى الليلة دى.. ليلة النهائى.. استقبل رونالدو تليفون من واحد صاحبه.. بيقوله فيه خلى بالك يا رونالدو.. سوزانا بتخونك.. انت بتقول ايه؟.. انت اتجننت.. قاله زى ما بقولك.. سوزانا موجودة دلوقتى مع المذيع البرازيلى بيدرو بيال..
رونالدو حاول يكذب صاحبه ويقوله سوزانا نايمه فى غرفتها من بدرى.. أنا مكلمها قبل ما تنام وقالتلى انها لازم تنام بدرى علشان تصحى فايقه للماتش.. وانها لازم تسيبنى أنام أنا كمان علشان أصحى مرتاح للماتش.. انت بتكذب.. صاحبه لما حس ان رونالدو رافض يصدقه.. قاله خلاص.. انت عندك حق.. اعتبرنى مقولتلكش حاجه..
لكن سيدى المواطن.. برغم تكذيب رونالدو لصاحبه.. إلا انه بمجرد ما سمع اسم المذيع بيدرو بيال.. حس ان كلام صاحبه حقيقى.. لأنه فى اللحظة دى افتكر مشهد شافه بعنيه وكان بيحاول يكذبه.. افتكر ماتش من الماتشات كان بيلعبه.. وكانت حبيبته سوزانا فى المدرجات بتشجعه.. بص عليها لقاها بتضحك مع نفس المذيع ده ومش مركزه خالص لا معاه ولا مع الماتش.. وقتها حاول يقنع نفسه بإن علاقتهم سطحيه وانها بتضحك معاه زى ما بتضحك مع أى حد.. لكن للأسف.. واضح كده ان علاقتهم مش سطحيه ولا حاجه..
المهم رونالدو قرر انه يتأكد بنفسه.. قفل التليفون مع صاحبه وكلم سوزانا على تليفون غرفتها.. لكن تليفون الغرفة مش بيرد.. حاول يكلمها على تليفونها.. لكن برده سوزانا مش بترد.. نزل من غرفته بسرعه على الملهى الليلي اللى فى الفندق.. وكانت الصدمه سيدى المواطن.. حبيبته سوزانا فى حضن المذيع البرازيلى.. صدمه كبيرة.. سوزانا مكنتش مجرد حبيبته.. دى حب عمره.. دى تقريبا البنت الوحيدة اللى عرفها فى حياته.. من أيام ما كان فقير لحد ما ربنا كرمه واتشهر وبقى واحد من أغلى لاعبى كرة القدم فى العالم.. على مدار مشواره وهى معاه.. هى حبيبته اللى ميعرفش غيرها.. والسؤال هنا كان ليه؟.. ليه بتخونينى.. ده أنا حلم كل بنت فى المدرجات وبره المدرجات.. ده انا مش حارمك من حاجه.. حتى لما ربنا كرمنى متخليتش عنك وفضلت متمسك بيكى.. ليه تعملى فيا كده؟
من المصادر
bit.ly/3zSCxZX
bit.ly/3bo8Mqh
bit.ly/3zx9JVw
bit.ly/3ORb6nA
#رونالدو #المواطن_سعيد
..

[@Ahmed_Said]

تفتكر ايه السبب وراء الظاهرة دى ؟

[@mostafaelrawy_2001]

غياب الوازع الديني والإهمال الاسري في تربية الأبناء والاكتفاء فقط بالبحث عن لقمة العيش لهم دون تأهيل لهم ليكونوا نافعين لنفسهم ولمجتمعهم

[@mostafaelrawy_2001]

استاذ احمد انا بحبك جدا جدا ومقدر مجهودك الرائع في إخراج حلقات متميزة فياريت تكثف الحلقات بمعدل أربعة بدل اتنين أسبوعيا ❤✌

[@muslim3518]

غياب الوازع الديني بفعل فاعل و كفى

[@ميناعماد-ذ1ظ]

لا يوجد سبب محدد فكل شخص وتفكيره ولكن عدم الوفاق هو السبب الرئيسى

[@رسالةحب-ذ3ض]

الاهمال في الحب الاهمال في المشاعر والاحتواء ,ملوش دعوة بالدين ولا الفكر

[@eslamellilly]

الحلقة دي دخلت قلبي ❤️ مش محتاج اقول ان كل الحلقات رائعة لان دي حقيقة لكن النصائح اللي في اخر الحلقة مش عارف اوصف شعوري بيها حاوت اكتب كذا وصف لكن اعتقد انه مش هعرف اقول غير شكرا لكل العاملين على الحلقة وشكر خاص من القلب ❤️ للسيد "احمد سعيد" ربنا يديم عليك نعمة القبول 💐

[@حسينفولي-د5ي]

كلام راااااائع

[@osamaadeeb1002]

والله انا دخلت التعليقات عشان اكتب الكلام اللي انت كتبته تماما بالفعل كلامه صحيح وواقعي ويلامس المشاعر والشخص اللي جوانا ❤❤

[@elpopdeep4959]

على فكرة انا لو سمعت القصة دي ١٠٠ مرة عمرها ماكانت هتعجبني كدة زي ما سمعتها منك ... ميزة الالقاء عندك رهيبة .... اشكرك بس كتر فديوهاتك بتوحشنا ...

[@Ahmed_Said]

تسلم لذوقك وتقديرك ❤️❤️

[@Faysal-eg1yb2es3t]

صدمات مرت وبمر منها فى حياتى صدمة قلة الادب والبعد والغدر فى علاقات الصداقة والحب _ علاقة الاهل والاقارب _ الهدم الوظيفيى والمالى

[@olivercu1744]

انا كنت محتاج والله حلقه زي دي وجايه في وقتها جداا واقدر اقولك اني الحمدلله بفضل ربنا بحقق نجاحات يوم ورا التاني رغم الظروف اللي حصلتلي... ربنا يكرمك ويكتر من امثالك ❤️❤️❤️

[@ahmadalqorshy]

رونالدو الظاهره افضل مهاجم في تاريخ كره القدم وافضل لاعب في تاريخ اللعبه ،،

[@elyasyaser9366]

لما تكلمت عن الخيانه ووجع رونالدو عندما خانته حبيبته تذكرت نفسي وتذكرت أكثر وجع مالهوش حل ... وجع الخيانه مؤلم جداً والله

[@solimanalsofi3775]

وانت خانتك زوجتك

[@sahab_7]

جاءت هذه القصة في وقتها . لا تسمح للفشل يتمكن منك انت من تستطيع أن تساعد ونفسك

[@ayaloub1298]

الله يسامحك :( رجعتني 27 سنه لورا .. عشقت الفوتبول بسبب الظاهره رونالدو .. ومجرد حضرت الحلقه رجعت بكل ذكرياتي وقت بكيت على اصابته ضد لاتسيو :( وقت فوزه بكأس العالم وقت انتقاله للريال وقت عمل مؤتمره الصحفي وقال جسدي هزمني

[@ahmadmagdyhashad6918]

عاش والله ! نا قلت الكومنت دا من راجل كبير بصيت لقيت بنت !

[@كوكبالتكنولوجيا-ض7ه]

وانا كذالك الأمر قراته ظنيته رجل ربنا يفرح قلبك ويسعدك ديما اختي🧡

[@hamoalgdo4993]

ولهي نفس الاحساس

[@fawzyassren]

فالأول والله ما كآنت أطيق اشوفك علي الشاشه عندي لكن دلوقتي أنا بحترم جدا مشكور يا طيب

[@معرفه-ع8د]

بعيد عن اني بحب الظاهره جدا بس بجد كلامك فالنهايه جي فوقته زي ميكون ربنا خلاني اسمع الكلام ده علشان مستسلمش🌷🌷🌷🌷

[@AhmedKhan-qj7ud]

شكرًا يا استاذ سعيد قصه ملهمه كفاك الله وايانا شر المصاعب والشدائد تحياتي من الولايات المتحدة

[@mariammagdy2234]

"إنت مش محتاج لحد غير لنفسك" "انت اللي هتطبطب على نفسك" "انت مش محتاج حد يحبك غير نفسك" 👌👌👌👌👌 اهم تلت جمل في حياه الواحد والله ❤️👍

[@mahmoudmokhtar4695]

جيت علي الجرح بس من افضل الحلقات. ربنا يوفقك ويزيدك نجاح وتفوق ان شاء الله.❤❤

[@dr.alanoud6858]

يااخي إنت بتقوم بفكر شعب وبتحطه ع الطريق وبتقويه في وقت انهيار قيم ومبادئ واستسلام ،،،تحية ليك ولكل شخص محترم بيحاول ينهض پالناس،

[@راحتعليك-ط6ظ]

أفضل الأعمال الصلاة على محمد وآل محمد الطيبين الطاهرين وعجل الله فرجه ياكريم ١ 🌹🌹🌹

[@shabanelbanhawy]

صل الله عليه وسلم

[@kemo3721]

عليه افضل الصلاه والسلام

[@МахмудНегм-р3ч]

عليه افضل الصلاة والسلام

[@МахмудНегм-р3ч]

عليه افضل الصلاة والسلام

[@МахмудНегм-р3ч]

اللهم امين يارب العالمين

[@habibaziz4636]

شكرا على الكلام الإيجابي والله يحفظك من كل مكروه❤

[@ahmedshalabi229]

كرة القدم بها الكثير من الاساطير امثال مارادونا وبيليه وغيرهم وصولا ل ميسي ... لكن بها ظاهرة واحدة فقط لن تتكرر هو رونالدو لويس نزاريو دي ليما .. الاعظم بالتاريخ والمهاجم رقم 9 الاكثر تكاملاً .... الموهبة التي تمتع بها الفتى صاحب 19 عام عند وصوله برشلونة عام 96 كانت لا تصدق جعلته الاقوى على ارض الملعب بغ النظظر عن منافسيه ايا كانوا .... حقق البالوندور وهو في سن 20 عام كحدث لاول مرة بالتاريخ لم يتكرر حتى اليوم ... كان فتنة كرة القدم وعشق لا ينتهي ❤❤❤❤❤❤❤❤❤❤❤❤❤❤❤❤❤❤❤❤❤❤

[@عابر_سبيل-ج]

تعديل على كلامك اخي ميسي اخذ الكره الذهبية بعمر ١٩ وحسب كلام الظاهرة ميسي أفضل لاعب شافه حتى على حساب بيليه البرازيلي

[@fadikhuffash5831]

رونالدو أصغر لاعب أخذ الكرة الذهبية بعمر ال١٩ ميسي أخذها بعمر ال٢٢​@@عابر_سبيل-ج

[@عابر_سبيل-ج]

@fadikhuffash5831ميسي بعمر ال2صار معه بعمر4 كرات ذهبية 4

[@faizalsaaty5396]

@@عابر_سبيل-ج ليس مهما أن كان ميسي حصل على الكرة الذهبية وهو في سن الـ 19 أو إن رونالدو هو الذي حصل عليها في هذا السن .. المهم هو إن الملك بيليه فاز بكأس العالم في سن الـ 17 عاما ولتذهب الكرة الذهبية الى الجحيم ولا ننسى بأن بيليه حصل على كأس العالم 3 مرات وليس كما هو الحال مع ميسي الذي حصل على هذا الكاس مرة واحدة بعد 5 مشاركات وهو في سن الـ 36 عاما وبعد عناء شديد حيث أنه وصل الى المباراة النهائية في قطر بفضل 5 ضربات جزاء من وحي الخيال منحت له من قبل الحكام جزافا وفي النهاية فاز بالكأس عن طريق ضربات الترجيح البائسة .. هناك سنوات ضوئية بين الأسطورة بيليه وبين ميسي ؟

[@عابر_سبيل-ج]

@faizalsaaty539 مع الاحترام ع ردك تخيل الخمس ضربات جزاء وكان بيخرج من النهائي بضربتين جزاء لفرنسا ليه ما كملو له الطريق وايضا فنيا ميسي أفضل من بيليه وباعتراف الاسطورة رزاريو نفسه وانا اعتبر مارادونا افضل من ميسي نفسه حتى لو معه صفر لقب يعحبني كمتابع اشاهد لاعب واستمتع بفنياته والالقاب م بتدخل جيبي

[@williw1151]

قصة ملهمه لاي شخص يسمعها وزادها روعه اسلوبك الجميل شكرا اخي المواطن سعيد

[@philohassan7629]

الفيديو عظيم وملهم جدا والأهم أنها جت فوقتها ❤️

[@عبداللهالسجينى-غ1ب]

ممتاااااااز يا أستاذ سعسد،،ونعم المواطن،،بنحبك جدااا،،جدااا،،محتواك دائما هااادف

[@antaamr8080]

اقسم بالله العظيم القصة دى جاية ف وقتها قولت الا كانت محتاجو بس انا مكونتش الحمد لله بفكر ف الانتحار بالعكس انا كانت بفكر ازاى ابقى اقوى ومخليش اى حاجة تقصر عليا

[@ismailbounab4737]

انا أتذكر تلك المباراة جيدا . وقرأت مرة في الجرائد ان حبيبته تم اغراقها بالمال لكي تقوم بذالك وبالاتفاق مع المتصل ايضا لكي تفوز فرنسا

[@عقيلمباركي-ط6ج]

أهنيك على اسلوبك الرائع فهو الذي يميزك عن من سواك أرفعلك العقال اخوك المباركي من السعودية

[@khalid735995195]

نعم العزيمه والإصرار والسقوط والصبر نقف من جديد رغم الضرر رغم الالم هدف وأحد طريق واحد النجاح لا تقبل النصائح المسمومه ب الاستسلام لا نقبل نقبل انا نموت واليدينا خاليه من سلاح الصبر والعزم لن نستسلم قادمون عازمون مهما تأخرت النتائج

[@abdelgadirmahmoud5502]

والله اول مره اعرف القصه دي ..فعلا سيدي المواطن سعيد احيييك علي تنوع قصصك استمر يا مبدع

[@مالكالملك.الله]

الحمدلله علي نعمه الاسلام وكفا بها نعمه

[@mo_anwar_66]

ياااه جت في وقتها والله ربنا يكرمك ويذيدك علم وينفع بيك الناس طريقه سردك للموضوع وادائك بجد ممتازه وتحفيزيه من الدرجه الاولي 🤍🤍

[@HANYESSAM1983]

حلقه جميله ياأحمد برافو عليك 👌

[@amna_ab2516]

إنه قهر الرجال!!! الذي علمنا الرسول صل الله عليه وسلم ان نتعوذ منه.

[@Footz-now]

عندما يتعرف الرجل إلي عاهرة و يعطيه قيمة تلك هي النتيجة

[@alaaalqadi5809]

احسنت .. حلقه ايجابيه ترفع المعنويات👏💞

[@bassammo1800]

الحلقة جميلة جدا والله ❤❤ وبصراحة وبكل تأكيد تحفز اي مشاهد علي استعاده ثقته بنفسه وانه يقف علي رجله ويواجه اي صعوبات وعقوبات ف حياته وميصمدش ويستسلم ليها 👌👏❤

[@abdelhadyelsabrout4297]

أجمل ما في الحلقة هو أسلوبك الشيق في الحكي.. دمت متألقا يا عزيزي 💐💐

[@sayedfawzi4739]

حلقه جميله تسلم ي بطل ❤️

[@GhGh-sj4wb]

الفشل الحقيقي مو انك تتعرض للفشل بل الفشل الحقيقي انك تجعل الفشل يتمكن منك وتستسلم له..🤍

[@al-magara]

بالرغم من إنى صانع محتوى ولكن ... أنت بالفعل مميز .. أحييك على إختيارك لمواضيعك وعلى الكاريزما الى بتتمتع بيها وعلى إتقان فريق العمل الى وراك للوصول فى النهاية لمحتوى مميز. من نجاح لنجاح أن شاء الله تعالى

[@MorcosThabet]

الله بجد علي الكلمتين الي في الاخر ♥️جمل في الصميم وشكرا ياستاذ سعيد♥️♥️

[@yoyojoy2692]

اول تعليق، الله يعطيك الصحة.

[@islam.h7-t6u]

والله حلقاتك دي الوحيده اللي بكملها للاخر ويا ريت تكتر حلقات شوية لو سمحت مش لازم سياسه،، عاوزين قصص دي قصة رونالدو كده وكتر حلقات وخلاص... 🤍.

[@ayoubmitre9774]

تحية من المغرب لكل الفراعنة

[@mohamedalsebaee2184]

حبيبي تسلم يغالي واحنا في مصر بنحب كل اشقائنا في المملكة المغربية

[@mohamidm4279]

شخص فوق الممتازوالرقي والاحترام والثقافه.بكون مستمتع جدآلمابسمعك .بالتوفيق دائما

[@arthurfleck4797]

رونالدو لحد دلوقتى هو افضل لاعب وافضل مهاجم في التاريخ ♥♥

[@المستشار-م2ث]

انت يا سعيد انسان راقي مثقف وملهم لمتابعينك.. تحياتي لك

[@lifecraft7270]

انت انسان محترم وكلامك يدخل القلب لانك صادق وتربط أحداث الحلقات بحياتنا لإعطاء الأمل ، فعلا دايما انا في انتظار حلقاتك جدا

[@mohamedshaban3174]

حقيقى شكرا ع الحلقة دى، وربنا يكرمك من نعيمه يارب ❤️❤️

[@_fromthelast-pt8ex]

ان أردت كلاماً يجمع لك الهداية والتذكرة والرحمة والموعظة والشفاء والبيان والنور والبشرى والبصيرة فعليك #بالقرآن فلا تدع يوماً يمضي بلا تلاوة.

[@محمدعثمان-ح7غ6ل]

ربنا يبارك فيك يا استاذ أحمد حلقة رائعة

[@mohamednagyelkordy8019]

جرعة ثقه وتفاؤل ...بارك الله علمك وعملك

[@mohannedselim7878]

ربنا يكرمك ويجازيك خير والله شجعتني واديتني طاقة ايجابية كبيرة… قصة ملهمة وvideo ملهم

[@michaelsaaeed]

الحلقات دايما رائعة لكن دي ولا اروع 😍😍

[@1Zeyad]

اسطورة رونالدو بعد اربع (٤) سنوات من الارهاق والجهد النفسي والاصابات وحتى الخيانة من اعز ما عنده. حقق الجائزة الاعظم بكرة القدم! The Phenomenon ❤️

[@MohamedKhaled-bq4ns]

الله عليك يا استاذ احمد..حلقه عظيمه جايه ف وقتها وكأنك حاسس بيا ..كلامك اثر بشكل إيجابي عليا..لأن كنت متأثر ومضايق بسبب اللي حصل معايا

[@jamalalyakoub6738]

شكرا لك من القلب أنت من يستحق لقب الملهم🌷🌷

[@مرداسمرداس-ذ7ه]

رونالدو نازاريو داليما الظاهره افضل مهاجم في التاريخ لن يتكرررررر 🇧🇷🇧🇷🇧🇷💔👍

[@semdemmohi]

ربنا يبارك لك يا ريت تعمل حلقات اكثر فعلا بنحب نشوفك دائما انت. دائما مميز و بحس بصدق شديد جدا فكل اللي بتقدمه موفق دائما بأذن الله

[@MohamedShabonto]

انا مش بتابعك من فراغ ..... بجد انت من اعظم الناس اللي بتقدم محتوى هادف بجد ... شكرا

[@sassoel-tabey1998]

رجعتنا لزمن الكورة الجميل

[@PopCorn-en4jv]

شكرا لك على هذه الحلقة الجميلة 👍

[@abrahemsaaied5612]

انتا شخص محترم يابو حميد ومن اكتر الشخصيات الكويسه اللي علي السوشيال ميديا

[@كيانالحاج-ج9د]

من سوريا تشجيع خاص ليك ولكل مصري شريف متلك

[@motaha6529]

شگرا ع الحلقة الجميلة دي وع التحفيز بجد واوجه شگر لگل العاملين ع الحلقة دي

[@Yousef507]

من أجمل حلقاتك..فعلاً مؤثرة، الله يبارك في جهودك ❤

[@onlinepharmacist3062]

انا يوميا بفتح اليوتيوب مخصوص عشان اشوفك نزلت حلقه ولا لا بصراحه احسن قناه ومحتوي ع يوتيوب يا استاذ احمد ♥️

[@s_865]

احلى رسالة واحلى قصة . لاتستسلم 🙏♥️

[@AhmedSalahMohamed]

انت جبت السبب الرئيسي للجرائم دي بطريقة غير مباشرة ، الله ينور عليك و الله

[@luayakram7215]

حلقة اكثر من رائعة اخوك متابع من العراق

[@ماذاتعرفعن-ظ5ت]

صلو على النبي محمد خاتم الأنبياء والمرسلين

[@العقلالأخضر]

كلامك الاخير اللي ختمت بيه الحلقه عن الثبات والنهوض اكثر من رائع

[@asmaagaber7898]

الحلقة جميلة جداً مبدع دائما ❤️✨🍁

[@rajabrajabadam2362]

مع انو قصة رونالدو عجبتني شديد و لكن الكلمات الأخيرة ألي تحكي عن الثقة بالنفس كمان أبدعت فيها لانو ثقة النفس الهم شي في الحياة

[@amgadhunter2362]

هوا بجد روبرت كارلوس قال (رونالدو بيموت)😂😂😂😂😂😂

[@AlaaHassan-o6t]

انا اللى هموت 😂😂😂

[@ThaerAyash]

هههههههههههه

[@mohamedempeir4342]

ايوه اكيد بالانجليزي 😂😂

[@خالدالديب-د3ش]

قصص اول مره نسمعها والله بس بجد قصه جميله جدا❤❤ كل الدعم للرجل المحترم ده❤❤

[@ahmedismail428]

شكراً للمجهود والفكر الي بره الصندوق عجبتني اوي فكره الفيديو اتكلمت في المشكله الي عيشنها مع قتل نيره والاتنين الي بعدها بدون ما تذكرهم ووصلت رساله بذكاء شديد بس نتمني الشباب تدرك

[@mostafaelrawy_2001]

والله يا استاذ احمد كنت عايزك تتكلم عن الموضوع دا ..تحياتي لحضرتك ❤✌

[@romanynabil2244]

عظمك كالعاده افضل مقدم محتوى على السوشيال ميديا كلها

[@كرةالقدمالعالمية-ر5ك]

شكرا ع الحلقة الجميلة دى ❤

[@sarahboumous239]

من أجمل الحلقات اللي تابعتها فحياتي حقيقي ربنا يوفقك فمسيرتك أنت من أحسن اليوتيوبر بالوطن العربي

[@gamalmohamed306]

فيديو عظمه من راجل محترم بالتوفيق دايما ♥♥

[@saifzarad457]

انا كل شوية و الله بتعلم من حضرتك حاجه جديده كل فيديو ربنا يجازيك على قد تعبك❤

[@laylaibnouf8462]

شكرا على الكلام الايجابي ده 🥰🥰♥️

[@mmcmmc9635]

فعلا الفشل الحقيقى هو اننا نستسلم للفشل

[@faridstories1718]

حلقة مُلهمة بكافة التفاصيل فعلا جت في وقتها وبسرعة الحمدلله على كل حال

[@abdelazizgamal2586]

الظاهره اعظم لاعب ف التاريخ ❤️❤️❤️

[@sarakhalifa2413]

تحياتي لحضرتك وعلي كلام حضرتك هو درس لكل واحد بيعلق فشله ع الظروف والمواقف احسنت اخي المواطن السعيد مصريه

[@يوسفشران]

بارك الله فيك متابعك من الجزائر

[@samiryahia]

كلمات من ذهب أن دلت دلت على حسن اداء المقدم و صدق المشاعر انا عن نفسي تأثرت جدا من كلامك والحكم التي قلتها ولا يسعني إلا أن أقول جزاك الله خيرا

[@احمدحسن-ح1ج3ز]

انت انسان رائع وبقيت ادمان ليااا مقدرش اقعد من غير ما اسمع فيديوهاتك ومعلوماتك القيمة الجميلة ...كل يوم بالليل بقعد مع نفسي اسمعك قبل ما انام ...فعلا انتا اسلوبك ومعلوماتك وشخصيتك رهيبة ...انتا حقيقي نادر جدا بتفوقك ده ...مقدرش اقول عليك غير انك انسان رائع ...مبدع ...جميل واستمر ...فربنا عطيك موهبة جميلة ....اياك ان تتركهاااا ...ياريت تظهر في التليفزيون ولو تقول معلومات سريعة للناس كا توعية ليهم ...التليفزيون فعلا محتاج شخصية مثلك ...مقدرش اقول غير ...ربنا يديم عليك صحتك سيدي المواطن 🌹😍🤣🤣

[@abdalrhim8681]

شكرا على الجرعة الإيجابية الي بآخر الفيديو ❤️

[@viajero2272]

ياأخي والله إنت أسطوره ربنا يوفقك 💪🦅💪

[@ahmedobaid1749]

كل التقدير والاحترام لك على هذه الحلقة الرائعة والنصائح المتميزة ... تحياتي

[@omarkhaledsalama5165]

من اروع الحلقات ❤🤍

[@ahmedbadawyattia2106]

اجمد تحليل من المواطن سعيد . دائما تبعث الأمل والتقة ودروس مستفادة من كل محتوي تقدمه . فقد تفوقت علي كثيرين واصبحت تنفرد بالقمة بلا منازع بالتوفيق .والنجاح

[@mohamedmetwalli5061]

المواطن سعيد،، ربنا يجعل ايامك كلها سعاده وتوفيق يارب،، حلقه جت في وقتها، جت في وقت عصيب جدا، ادتنا حبه عزيمه و ثقه في النفس... شكرا للمواطن سعيد👌🙂

[@mohamedstudy6891]

والله من اكتر المحتويات المحترمه جدا والمهمه جدا جدا شكرا يا سياده المواطن 🖤

[@gder3562]

تحيا فلسطين وغزه للأبد ❤️❤️❤️❤️❤️❤️

[@adhamalsaleh001]

ما أجمل حلقاتك عندما تتحدث عن موضوع إنساني وليس سياسي .

[@yasserbenhalfa1920]

قسما بالله انك الافضل

[@sayedhussein6986]

حلقة رائعة بامتياز كالعادة

[@mamonxp1123]

لا تقطعنا خلك دايم تنزل استاذ سعيد

[@سموالاميرإسماعيل]

اللهم انصر اخواننا في فلسطين الحره يارب العالمين ❤️