كيف نجحت جاسوسة عرجاء فى هزيمة هتلر

حلقات مقترحة
عملية الفراشة
kzbin.info/www/bejne/ZoSsXnZ6h5usl6c
خطة المشير
kzbin.info/www/bejne/mqS3ZHt6a9x7d5Y
جاسوسة الملابس الداخلية
kzbin.info/www/bejne/qYXJg4xshaeGadU
جاسوس بوتن المفضل
kzbin.info/www/bejne/goe1oZ6Dhambmrc
قطة الحرب العالمية
kzbin.info/www/bejne/m4LJmHSVpZJjeac
جاسوس لـ7 أجهزة مخابرات
kzbin.info/www/bejne/mJW2o6VpdreNd5o
جاسوسة نهر الراين
kzbin.info/www/bejne/jnPFh4qsq5mnlac
بعد ما نجح هتلر فى غزو فرنسا.. بريطانيا حست ان خلاص.. الدور عليها.. يادوب الجيش الألمانى يعدى البحر ويبقى فى لندن.. وهنا مكنش قدام بريطانيا غير حل من اتنين.. إما انها تستنى الجيش الألمانى يعبر بقواته لشواطئها وبعدين تبدأ تواجهه.. أو انها تحارب على الأراضى الفرنسية.. قبل ما الجيش الألمانى يوصلها.. لكن هنا السؤال.. هى كلمة هتحاربه على الأراضى الفرنسية دى معناها انها هتحرك جيشها يروح فرنسا يعنى؟.. قالك لأ.. مش بالضرورة.. أمال هنعمل ايه؟.. قالك احنا نكون شبكات مقاومة فى قلب فرنسا.. وشبكات المقاومة دى ميكونلهاش غير شغلانه واحده.. ألا وهى التخريب..
الشبكات دى لازم تخرب أى حاجه بيستخدمها الجيش الألمانى.. سكك حديد يفجروها.. قوات ألمانية يستهدفوها.. مخازن سلاح ينسفوها.. خطوط إمداد يعطلوها.. اعمل اللى تقدر عليها المهم الجيش الألمانى يحس بالعجز.. يحس انه غرز برجله فى فرنسا ومش قادر يخطى خطوة واحده ناحية بريطانيا.. وبكده نقدر احنا اللى نهاجمه بعد ما نتأكد انه بيتخنق ومش قادر يتنفس..
لكن هنا كان السؤال.. هنأسس شبكات المقاومة دى ازاى؟.. مينفعش نبعت ظباط مخابرات انجليز لأنهم هيتكشفوا بمجرد ما يتكلموا.. اللكنة البريطانية معروفة لأى حد.. وحتى لو قدرنا نوفر ظابط ولا اتنين ولا حتى عشره بيتكلموا لغة فرنسية بشكل كويس.. فالعدد ده مش كفاية أبدا علشان نأسس شبكات مقاومة كامله وجاهزة لمواجهة هذا الجيش الألمانى المرعب..
أيوه يعنى يا فندم هنعمل ايه؟.. المخابرات البريطانية وصلت لحل وهو انهم يكونوا شبكات مقاومة من السيدات.. ويتم اختيارهم من المهاجرين اللى عايشين على الأراضى البريطانية.. حضرتك تقولى اشمعنا يعنى سيدات.. وليه من المهاجرات؟.. أقولك الله ينور عليك.. ده نفس السؤال اللى سأله تشرشل رئيس الوزراء البريطانى لقيادات جهاز المخابرات لما عرضوا عليه الفكرة.. فكان ردهم ان نسبة الشك فى السيدات أقل بكتير من الرجاله.. مين البنوته الرقيقة الجميله اللى هتسيب الحب وسنينه وتروح تشيل سلاح علشان تقاوم بيه الاحتلال الألمانى.. انما الرجاله نسبة الشك فيهم أعلى.. البوليس السرى الألمانى اللى هو الجستابو.. مكنلوش شغلانه غير انه يقبض على الرجاله ليل نهار ويرميهم فى المعتقلات.. صحيح كان بيقبض برده علي السيدات.. لكن نسبتهم كانت أقل بكتير من الرجاله.. وكان تركيز الجيش الألمانى على اليهود أكتر.. أما مسألة اختيار السيدات من المهاجرين اللى عايشين فى بريطانيا.. هو ان أصولهم مش بريطانيه.. وبالتالى حتى لو اتقبض عليهم فى فرنسا.. صعب تربط بينهم وبين بريطانيا بأى حال من الأحوال.. لكن سيدى المواطن ورغم كل التفاصيل دى.. إلا إن تشرشل مقتنعش.. كان رافض لفكرة ان الجيش البريطاني يبعت بنات صغيرين خلف خطوط العدو.. وده مش أى عدو.. ده الجيش الألمانى اللى مفيش فى قلبه ذرة رحمه.. ده الجيش الألمانى اللى مبيعرفش يتكلم غير بالتعذيب والرصاص.. وبالتالى مستحيل نبعت حريمنا هناك.. لكن بعد شوية وقت.. تحصل المفاجأة وهو ان هتلر قدر يغزو بولندا والنمسا والدنمارك والنرويج وتشيكوسلوفاكيا وبلجيكا وهولندا ولوكسمبورج ويوغوسلافيا واليونان.. ده طبعا غير فرنسا.. وهنا حرفيا مكنش فاضله غير بريطانيا.. وخلاص مبيفصلش بينه وبينها غير البحر.. قناة مائيه صغيرة بتربطها بفرنسا.. لو عبرها الجيش الألمانى يبقى وصل انجلترا.. وصل لندن..
وهنا طلع قادة المخابرات البريطانية على تشرشل تانى.. قالوله شوف يا عم تشرشل.. انت بتفهم فى السياسة على عينا وعلى راسنا.. انما شغل الجواسيس وشبكات التجسس ده شغلنا احنا.. ومش هنمشي من هنا غير لما توافق اننا نجند سيدات ونبعتهم للجبهة فى فرنسا.. يا جدعان يعنى انتو يرضيكوا نبعت حريمنا خلف خطوط العدو.. نبعتهم للجيش الألمانى؟!.. قالوله اه يرضينا.. قالهم خلاص.. مادام يرضيكو اتوكلو على الله..
وهنا تم تكليف القطاع فى أو سيكشن فى فى المخابرات البريطانية بتنفيذ المهمة دى.. مهمة تكوين شبكات تجسس وتخريب مكونه بالكامل من سيدات.. علشان يتم نقلهم خلف خطوط الجيش الألمانى فى فرنسا.. وهنا لو حضرتك من الناس اللى بتؤمن بنظرية ان الست مكانها فى المطبخ.. فخلينى أقولك ان مفيش حد وجع هتلر ودوخ الجيش الألمانى فى الحرب العالمية التانية قد الستات.. وخلينى أحكيلك..
من المصادر
bit.ly/3T8qyOE
bit.ly/3CIwAzW
bit.ly/3EsA5vD
n.pr/2GtBunh
#المواطن_سعيد #الجاسوسة_العرجاء

[@Ahmed_Said]

مين حابب نزود حلقات قصص الجواسيس ؟

[@nothing-ud6zq]

انا

[@user-cs8ox5gr2m]

أكيد طبعاً

[@eytharjobair1016]

زود منها🤠

[@ta26_66]

كثر منها، روايتك لقصص الجواسيس بالتفاصيل شيء رائع ما شاء الله

[@user-ij2io9qs2w]

👍

[@sayedbolty9520]

انا ملاحظ ان الناس بتشكر فيك قبل ما يسمعو المحتوى ربنا يحبب فيك خلقه

[@user-be5lq3oo3r]

زود كل الحلقات حرفيا انا استمتع بطريقتك فالالقاء لدرجة انك اذا جلست كم يوم ما نزلت حلقه اروح اتابع الحلقات اللي من سنه واكثر ❤️

[@-mohamed-elkady3338]

والله وانا كمان

[@user-ro1jq7le2g]

وانا والله

[@bouma4427]

🇷🇺😮 كطظوق 😅صغغفط🎉😂😮 12:اغk❤😢ها 10 خدمه ع😮😂ط🎉👍🏿😁🇪🇸 رويترز اعلن دشتي خً😮ه🎉😢لص 😂😅w auyo😢 🎉😢😂k🎉تخدمlaلسد 😢

[@user-vh7pk1vd5z]

نطالب بمزيد من قصص الجواسيس😂✌🤍

[@Khalid7xs]

دائما قبل م انام افك اليوتويب واخذ قصه قبل انام استمتع ب قصصك قبل انام استمر ي استاذ سعيد متابعينك من السعوديه ❤️❤️

[@lolyhany]

والله ياريت بس لو كمان يكونوا مصريين وممكن الإستعانة بكتب الدكتور نبيل فاروق الله يرحمه عنده مجموعات جميلة جداً بس بصراحة سرد وطريقتك في أي قصة أو معلومة لها طابع خاص بصوتك وطريقتك في عرضها بتدخل القلب مباشرةً وتحفظ بالعقل دون نسيان وفقك الله يا أحمد مجتهد وشاطر ❤❤

[@user-qc5qz5jj9q]

وَقُلِ الْحَقُّ مِن رَّبِّكُمْ ۖ فَمَن شَاءَ فَلْيُؤْمِن وَمَن شَاءَ فَلْيَكْفُرْ ۚ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا ۚ وَإِن يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ ۚ بِئْسَ الشَّرَابُ وَسَاءَتْ مُرْتَفَقًا (29)

[@mohammedatifelamer7811]

أجمل ما فى القصه الدرس اللى لازم الكل يتعلم منه ...أحسنـــت

[@tahermessaadi2873]

كلنا نريد زيادة في الحلقات،، لانك مبدع ،الله يعطيك العافية ،🇩🇿👍👏

[@lamourea]

انا بستني حلقات حضرتك كل اسبوع بجد حاجه تشرف و بستمتع جدا بطريقه تقديمك للقصص اتمني انك تزود حلقات الجواسيس زي ما حضرتك سألت ربنا يوفقك باذن الله ❤️

[@user-nf4rj9pm2o]

عندك عمق في الالقاء بعيد عن السطحيه وكلماتك متنقيه بمهاره ودقة وقولت شوية جمل في الاول عن التميز والاختلاف كل جملة صدقني تنفع موضوع لوحدها في حد ذاته تحياتي ليك

[@anouarnafili970]

قصة تتبث قوله تعالى وعسى أن تكرهوا شيئا وهو خير لكم

[@saedmohamed7095]

قصص الجواسيس جميلة بس الاجمل انك تتكلم في الغزوات والمعارك ايام الصحابة وبالمناسبة كنت هايل في حلقة عثمان بن عفان رضي الله عنه

[@FAHAD.ALFADIL]

يا مواطن سعيد الله يسعد قلبك والجميع دائمًا ننتظرك وبالرغم من معرفتي بالجهد الكبير المبذول لإخراج حلقاتك المميزة، إلا أنني من باب العشم أدلف آملًا أن لا تتأخر علينا مع الشكر الجزيل والامتنان الجم لجهودكم ومعكم المسئولين عن الإعداد والمونتاج والإخراج تحياتي وتقديري بلا حدود أخوكم 🇸🇦

[@user-qc5qz5jj9q]

(اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَالْعَجْزِ وَالْكَسَلِ، وَالْبُخْلِ وَالْجُبْنِ، وَضَلَعِ الدَّيْنِ، وَغَلَبَةِ الرِّجَالِ)».

[@user-pj4ll5od4v]

الله يحفظك طرحك جميل وممتاز واكثر من رائع ولكن سورة الضحى كان يخاطب الله فيها النبي عليه افضل الصلاة والسلام ، وكل اللي يصير لنا من نجاحات وتفوق هي اقدار مكتوبة اللهم اعطنّا وازقنا يارب والدعاء هو مفتاح القدر 👍🏻

[@FatmaAhmed-tq3sk]

ياريت يااستاذ سعيد تكثر من برامج التجسس جزاك الله خيرا وكل عام وانتم بخير وبصحة طيبة وعافية يارب العالمين وصل الله على سيدنا محمد وعلى اله وصحبه اجمعين والحمدلله رب العالمين

[@gergiskhairy7358]

اعمل حلقة عن مايكل جاكسون و عن منطقه ٥١ و عن سكان جوف الارض و عن الاهرامات و عن الملك فاروق و عن رافت الهجان و عن حرب فلسطين ١٩٤٨ م و عن مارادونا يلا افكار كتير اهى .. مستنى الحلقات .. بحب طريقتك جدا 👍

[@yasminsamy8542]

حلقات الجواسيس دى الأقرب لقلبي دايما❤️❤️❤️❤️❤️❤️❤️

[@user-fq8tv2ox3k]

والله كنت فرحا لما جالي اشعار والله افضل يتيوبر مقدم محتوا

[@user-jh7jz6nv4s]

كل سنه وانت طيب يا استاذ سعيد بعد اذنك عايزين حلقه عن تاسيس دوله فلسطين الشقيقه💪👍🏼

[@user-fb5kc1ok3t]

السلام عليكم اختيارك للمواضيع ختيار رائع وسرد للقصه سرد رائع الشعب المصري شعب مبدع ف كل شيء حب كبير و شكر ومحبه من الشعب السعودي لكل فرد من الشعب المصري🥰🥰🥰🥰

[@user-sz1cy5bf2n]

تسلمي يا قمر السعوديه ❤🌹

[@marwanelbaroun9939]

الفيديو مليان طاقة إيجابية بجد بشكرك الفديو جالي في وقته

[@ahmedelzafaarani9763]

تسلم بجد انته بتديني الامل والله تسلم ي غالي❤️❤️

[@ahmedselsherif3841]

من افضل المحتوي المفيد.........بالتوفيق...استمر.

[@kerolis4439]

تحيتي لحضرتك جدا جدا والمحتواك الاكثر من الرائع

[@user-uf8zg7he6p]

حلقه اكثر من رائعه بارك الله فيك

[@user-qc5qz5jj9q]

: وَلَوِ ٱتَّبَعَ ٱلْحَقُّ أَهْوَآءَهُمْ لَفَسَدَتِ ٱلسَّمَٰوَٰتُ وَٱلْأَرْضُ وَمَن فِيهِنَّ ۚ بَلْ أَتَيْنَٰهُم بِذِكْرِهِمْ فَهُمْ عَن ذِكْرِهِم مُّعْرِضُونَ

[@heshamsaber801]

الله يوفق خطاك ويبارك لك في حياتك يا استاذ سعيد يعجبني ترتيب افكارك وثقافتك التي تنم على رجاحة تفكيرك وتربيتك الراقية

[@kerolis4439]

وكل سنه وكل مصر طيبه وبخير بمناسبه 6 اكتوبر

[@ABdosaedSaed]

افضل و اكثر شيء إثارة و نتعلق به هو تلك القصص

[@abdallahmohamed9373]

بجد انا مش عارف اقول لحضرتك اي. بس كل اللي اقدر اقولوا دلوقتي هو أن معتقدش أن في حد زي حضرتك كرمك كرمك هنا هو عدم بخلك علينا بالقصص دي او انك ديما تقولنا خليك واثق في نفسك و في ربنا ❤️❤️❤️❤️❤️❤️❤️❤️❤️❤️

[@redafouad4966]

أدب و أخلاق و ذوق و احترام لنفسة و لمتابعية وسهولة رائعة في الاداء شكرا لحضرتك مستنين حلقات جاسوسية اكتر

[@Mr.Ehab.Education]

والله لما انت بتغيب عن اليوتيوب انا بشعر بغربه ثقافيه

[@kerolis4439]

والله قناه مظلومه بص شوف التفاهه اللي بتتقدم عندهم كم متابعه بالملايين وقناه زي دي عندها كم متابعه بالتوفيق ربنا معك ويوفقك

[@yousefawad7869]

ابداع والله يامبدع ❤️❤️👍👍

[@medamineheni6495]

زيدنا يا ابن عمي.. تحية من تونس.. حلقات ممتازة جدا ❤️

[@abanoubmilad4877]

عايزين حلقات عن بطولات حرب اكتوبر و الاستنزاف

[@ahmedabdelmonem2818]

يا ريت يكون فى حلقات عن ابطالنا فى التاريخ الاسلامى من الصحابه وازى الغرب بيستفيد منها زى خطط خالد بن الوليد فى الحروب ... وتحياتى لحضرتك

[@user-oi8jb1se5k]

نشكرك على ادائك الممتاز وعن قصه فرجينيا الغلبانه والجميله فعلا عندها ذكاء كبير غلبت أقوى جيوش المانيا ايام هتلر فرجينيا الجميله عندها ارادة قويه وكبيرة فعلا قصه الجاسوسه فرجينيا يعرف الناس ان العزيمه والارادة هى الأساس لانه الإنسان بيجتاز المصاعب ونشكر ك وربنا يحفظك وربنا يحفظ بلدنا مصر ودايما قويه يامصر وربنا يحفظ جيشنا العظيم وربنا ينصرة رغم أنف الأعداء وربنا يحفظ قائدنا الرئيس السيسى وربنا ينصرة وربنا يحرسه ويكرمه ويحميه يارب العالمين ونشكر الاستاذ الكبير احمد سعيد ونشكر القناة

[@yousefawad7869]

عاوزين 3حلقات فى الأسبوع .متبخلش علينا ❤️👍

[@tiktokjoe2024]

ما معك ✌️✌️

[@kajo2653]

شكرآ للدعم النفسي دا ♥

[@user-lv5wp8em4o]

اي حاجة بصوتك قبل ما انام حلو ❤

[@jessicacross3489]

جزائرية مرت من هنا الف شكر على طريقة التقديم

[@christyrefaat2337]

طريقة حضرتك ف السرد ممتعة جدا جدا استمر واعمل حلقات اكتر ربنا يبارك فيك 🙏

[@kerolis4439]

لو سمحت ممكن تقدم حلقه عن التعليم في مصر

[@Mohamed-elsayed00]

من قبل مشوف اكيد عظمه 🤍🤍🔥 عايزين حلقات عن التاريخ الاسلامي و الفتوحات الاسلاميه يكبير...اتكلم عن خالد بن الوليد وسيدنا علي 🤍🔥

[@mohammedpotin8351]

احلى حاجة عندك قصص الجواسيس بالحربين العالميتين

[@stonecoldsteveaustin6114]

حلقة جميلة وملهمة ❤️❤️

[@karimmuhammadal-fakhrani6582]

حضرتك مبدع وتستاهل كل الخير 👏🏻♥️

[@karimmahfouz5331]

قصصك جميلة وأسلوبك مميز احنا فى انتظار المزيد

[@modealkome8450]

احلي ليك من قبل ما اشوف يا ابو حميد

[@MahmoudMokhtar2023]

اتمني تتكلم عن الجواسيس المؤثرين في التاريخ

[@Atosh.H]

1st view اخرت علينا يا ابو سعيد قاعد مستني الحلقة من بدري ❤😂😂

[@Adool556]

سآ عود 🏃‍♂️ بعد ساعة ⏰ وآرى عدد المسلمين ❤❤.. ❤❤

[@MrMohamedselim10]

السلام عليكم دى اول مرة اعلق فيها على محتوى قناة على اليوتيوب اى نوع من القصص ممتاز لأن طريقة حضرتك فى السرد و الحمى ممتازة جدا و خاصة لما حضرتك بتربطها بطريقة غير مباشرة بموضوع التحفيز الذاتى للإنسان زى حلقة المشير احمد اسماعيل استمر وفقك الله تعالى

[@user-cs8ox5gr2m]

أنت محبوب جدا يا أحمد ربنا يحميك

[@abdelrahmansherif6223]

ايوه كده يا غالى دلعنااااااى😂♥️♥️ وحشنا قصص المخابرات منك جدا جدا 🥺

[@yousriguda8376]

رغم اختلافي معك في كثير من الحلقات ومحاولة اسقاط اشياء على احوال المصريين مع احداث في دول أخرى لكن بحب اسلوبك فلا تفقد حب الناس باشياء أخرى خليك في احداث الخارج دون اسقاط وحلقات المهارات والجواسيس أؤيد زيادتها

[@kaimD99]

ربنا يوفقك اخونا سعيد ومن تقدم لتقدم ان شاءالله

[@kerosobhy10]

ايوة كده يعم اخيرا مواضيع جديدة و ممتعة

[@abdelrahmanali7085]

عايزين حلقة رافت الهجان والمخابرات المصرية يااستاذ احمد

[@lolaaamoura6450]

حلقه عظيمه و فيها كمية جمل تحفيزيه تحفه 🤗

[@hmadadaes7811]

‏سو انه حلقة آخر أخبار روسيا وأوكرانيا ضربوه الجسر تبغى جزيرة القرم

[@mennaalex6583]

ممكن تتكلم عن البي بيحصل بين روسيا واوكرانيا من وقت انف*جار جسر القرم والرد الروسي انا مستنيه الحلقه وياريت تزود حلقات الجوا*سيس برضو

[@abodahab6606]

عاااش 👏 كل حلقه اجمد من الى قبلها ❤️❤️❤️

[@user-qc5qz5jj9q]

اللهم عليك بالصهاينه المخرومين رعاه الفصل العنصري والاجتماعي والثقافي و أنصر إخواننا في فلسطين و رد لهم أرضهم ووطنهم 🇵🇸🇵🇸🇵🇸

[@user-cj3er4vx8c]

شكرا على الحلقة وياريت تزود كتير من حلقات الجواسيس والمخابرات

[@ahmedmoustafa6688]

اهلا وسهلا بيك انا من المعجبين بيك اتمنى تكون updating اكتر فى الاحداث الحاليه بشوف روسيا واكرونيا واللى بيحصل وانت بترجعنى لجواسيس وهتلر وبتاع ارجو انتقاء المواضيع حسب توقيتها من زاويتك الجميله تحياتى

[@wwshwfars2824]

حلقه واعداد ممتازين

[@nadaalaa5479]

مشاء الله بجد عظمه والله🤍🤍🤍🤍

[@diaahadi5504]

شكراً لمجهوده ياورده ياريت تكمل بقصص الجواسيس ولو ان كل اطروحاتك حلوه

[@kassemmohamedkassem3351]

ايوه كده وحشنتا حلقات الجاسوسيه

[@abdoul1]

يا ابو حميد أمانة اعمل كل يوم حلقة طويلة انا بحب اتابعك ما تطولش الغيبة

[@eslamesam254]

السلام عليكم ازيك استاذ احمد انا عارف انك عملت حلقات وعرض قصص كتير عن نصر اكتوبر بس عاوزين حاجه او قصه بطوليه جديده عن حرب اكتوبر

[@naglaamohamed1341]

حضرتك والاستاذ هيثم سليمان بقيتوا إدمان ربنا يجزكم كل خير ويكثر من امثالكم

[@salahbelgassemahmed154]

أنا أصلا حبيت القناة بسبب عملية الفراشة زود قصص الجواسيس وربنا يوفقك

[@AhmedAli-yq2hg]

ياريت كل يومين فيديو بلاش تاخير

[@hamdiahmed5492]

زيدنا قصص جواسيس الحرب 2، يا خويا عندك اسلوب القاء ممتاز جدا، كل الشكر من تونس

[@saadzali792]

رائع كلعاده انا بدعمك

[@malekayad159]

أسلوبك جميل❤️

[@mero14gg2]

كل سنةو انت طيب وديما.تقولنا وتعرفنا كل حاجه مفيده وحلوه قوى مكناش نعرفها استمر.واستمر.ربنا.يديك.الصحة والعافيه ميهمكش.اى.كلام بنحبك فى الله

[@abdullaha2213]

تمنيت حلقة عن الحرب الروسية الاوكرانية ولكن هذه الحلقة كانت ممتعة

[@shaker000]

ايها المواطن احمد سعيد انا بحبك جدا وبستني حلقاتك وبتفرج علي كل الحلقات اللي علي القناه تحياتي ليك ايها المواطن احمد سعيد كل سنه وانت طيب رمضان كريم

[@zyzynet]

أستاذ سعيد الحق يقال ..جميع فيديو هاتك كلها شيقة جدآ ومفيدة للغاية..ربنا يبارك فيك ويعطيك الصحة والعافية وطول العمر

[@Dr_Creative_English]

تعالوا كلنا نصلي علي النبي ونكسب ثواب اللهم صل وسلم على سيدنا محمد وعلى اله وصحبه اجمعين ❤️🌹

[@zeraa_baseta]

محتوى مميز

[@papichulo4576]

اخي العزيز والله خلتني أدمن على هذه المواضع واصل جزاك الله خيرا اخوك مغربي عايش في المنيا❤

[@riok1226]

ياريت والله انا بعشق قصص الجواسيس من حضرتك

[@user-qc5qz5jj9q]

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا (56) اللهم صل وسلم وبارك على سيدنا محمد وعلى اله وصحبه اجمعين

[@mohamedshoman6105]

ارجوك زود حلقات عن الحرب العالميه الاولي والتانيه ،، انت بتخليني متحمس لفيديوهاتك دايماً

[@user-sx1ht5hy4t]

زود حلقات استاذ سعيد حضرتك بتقدم محتوى جميل ومفيد

[@zayedemam2012]

حلقه مميزه جدا ربنا يجازيك خير ويوفقك .. في انتظار المزيد

[@EssamElbenhawymanagment]

ماشااااااااااااااااااااااااااااااااااااااااااااااااااااء الله ،اهلا وسهلا بيك فى كل المجالات وخاصة عن الجواسيس والمخابرات والعملاء

[@jamalhamad9307]

عايزين حلقه عن ضرب جسر شبه جزيره القرم. ورد روسيا اليوم

[@nahedahmed1699]

دائما متميز ربنا يوفقك 🌹🌹🌹

[@KSA-fj8gr]

دائما مبدع👍👏🏻

[@Noody_2030]

كـمواطنة سعودية .. 💚💚مبسوطة أووي ومتكيفة مع فيديوهاتك ألف شكر على المحتوى الراقـي .. استـمر عزيزي #المواطن_سعيد 👍💞💞

[@user-pe2tk1tj7d]

👍

[@dr.heshamfarouk5162]

سرد شيق ورائع لاحداث تاريخية واقعية...

[@user-sk9ny6uk6x]

طريقتك في سرد القصص رائعه ومميره

[@mjlouka]

ياريت لو حضرتك تعمل حلقات ثابتة من الاحد للخميس أو جمعة للاحد