بلاش توريث يا ريس - ثورة يناير

ليه المخابرات العامة والحربية توقعوا اندلاع ثورة فى مصر؟.. أقولك لسببين.. الأول وهو الفساد اللى كان ناتج عن زواج رأس المال بالسلطة.. يعنى ايه الجملة دى؟.. يعنى هات رجل أعمال وعينه وزير وارفع عنه الرقابة.. هيعمل ايه؟.. هيستغل نفوذه علشان يحقق مكاسب شخصية.. وده اللى زاد خلال الفترة الأخيرة من عهد الرئيس مبارك لما ابنه جمال مبارك بدأ يظهر على الساحة السياسية.. وتولى منصب أمين عام سياسات الحزب الوطنى.. وظهر من بعده أحمد عز وغيره من رجال الأعمال اللى بدأوا فى استغلال نفوذهم لاحتكار السوق لحسابهم..
أما السبب التانى فهو مشروع التوريث.. مشروع التوريث اللى كان رافضه الجيش زى ما الشعب رافضه بالظبط.. الفصيل السياسي الوحيد اللى كان موافق على مشروع التوريث هو جماعة الإخوان.. وده بالمناسبة كلام قيادات الإخوان نفسهم.. وتحديدا القيادى محمد حبيب واللى كان نائب المرشد العام لجماعة الإخوان.. لما كشف ان محمد بديع المرشد العام لجماعة الإخوان اتوافق عليه من النظام كمرشد للجماعة.. بعد ما هو نفسه وافق على مشروع توريث الحكم لجمال مبارك.. ومش بس تصريحات محمد حبيب اللى بتكشف ده.. تزايد أعداد النواب الإخوان فى البرلمان هى كمان كانت بتثبت ان فى صفقات سياسية متبادلة.. كانت بتثبت ان فى تعاون.. فمثلا عدد الإخوان فى مجلس الشعب سنة 2000 كان 14 واحد بس.. فى حين ان سنة 2005 زاد عدد أعضاء جماعة الإخوان فى مجلس الشعب من 14 لـ 88 نائب.. وبما ان النظام كان المسؤول الأول والأخير عن تزوير أى انتخابات.. فده معناه ان أعضاء جماعة الإخوان منجحوش بالصندوق.. معناه انهم نجحوا بموافقة النظام.. وإلا كان النظام زور نتايجهم وسقطهم.. ودى الحقيقة مفارقه عجيبه ان جماعة الإخوان اللى كان أهم مطالبها فى ثورة يناير هو إسقاط مبارك.. تكون هى الفصيل السياسي الوحيد اللى كان موافق على مشروع التوريث..
المهم نرجع للمشير طنطاوى واللواء عبد الفتاح السيسي.. فى نفس القعده دى.. اللواء عبد الفتاح السيسي قال للمشير طنطاوى إن الرئيس مبارك زهد الحكم من يوم وفاة حفيده فى شهر يونيو سنة 2009.. وعندنا معلومات انه قرر يعلن استقالته فى مايو 2011.. حضرتك تقولى طيب لما هو كان هيعلن استقالته من نفسه.. المخابرات الحربية توقعت اندلاع ثورة ليه؟.. هقولك.. سبنى بس أحكيلك ومتقاطعنيش.. زى ما المخابرات الحربية عرفت ان الرئيس مبارك ناوى يستقيل.. عرفت برده انه ناوى يرشح ابنه جمال من بعده.. وبما إنه عارف ان قيادات الجيش مش موافقه على موضوع التوريث ده.. فقرر انه يغير قيادات الجيش.. علشان يختار ناس يضمن موافقتهم على مشروع التوريث..
فرد عليه المشير طنطاوى وقاله طيب وبعدين؟.. فاللواء عبد الفتاح السيسي قاله المشكلة مش في قيادات الجيش.. لكن المشكلة الأكبر فى الشعب.. لأن قيادات الجيش هتعبر عن رفضها للتوريث بالكلام مع الرئيس مبارك بشكل مباشر.. لكن الشعب مفيش قدامه طريقه للتعبير عن رفضه غير النزول للشارع.. وده معناه ثورة شعبيه.. والثورة معناها ان النظام الحاكم هيستخدم الشرطة لفضها.. والشرطة مهما بلغت قوتها.. إلا إنها اتكونت لمواجهة الجريمة مش مواجهة الثورات.. خصوصا وان الثورات بتستمر لأيام طويله وفى أماكن واسعه.. وعدد أفراد الشرطة محدود.. وبالتالى فالثورات عمرها أطول من عمر قوات الشرطة.. فهتنهار الشرطة وهيكون سهل قدام أى قوى خارجية.. انها تعيد توجيه الثورة الشعبية لتنفيذ أجندات معادية للبلد.. وهنا مش بس النظام اللى هينهار.. لكن الدولة كلها هتنهار.. وفعلا تتحقق كل كلمه توقعها اللواء عبد الفتاح السيسي مدير المخابرات الحربية.. وتنهار الشرطة بعد 4 أيام بس من اندلاع ثورة 25 يناير.. وتبدأ قوى داخلية وخارجية فى استخدام الثورة.. فتكون النتيجة هى اقتحام السجون.. وهروب المساجين اللى على رأسهم قيادت جماعة الإخوان.. واستهداف الكماين وأقسام الشرطة.. وسرقة المتاحف.. وحرق وسرقة المنشآت زى المجمع العلمى اللى كان بيضم أكتر من 200 ألف كتاب نادر عن تاريخ مصر.. أغلبهم اتسرق قبل ما المبنى يتحرق علشان محدش يسأل عن الكتب اللى اتسرقت ويبان انها اتحرقت والموضوع خلص..
وكان أول واحد يأكد بدون ما يقصد.. بُعد نظر مدير المخابرات الحربية.. هو الدكتور محمد مرسى.. لما تم تهريبه هو وأكتر من 23 ألف سجين بعد اقتحام 11 سجن.. وأول حاجه عملها هو انه اتصل بقناة الجزيرة يعمل مداخلة تليفونية.. رغم ان النظام الحاكم فى مصر وقتها كان قاطع الاتصالات فى مصر.. علشان يتضح بعد كده انه كان بيتكلم من تليفون الثريا المتصل بالأقمار الصناعية.. ومش عارف الحقيقة مين البلطجى اللى هيقتحم سجن ومعاه تليفون متصل بالأقمار الصناعية ويديه لواحد من قيادات جماعة الإخوان علشان يعمل مداخله فى قناة إخبارية..
المهم.. نرجع لمكتب مدير المخابرات الحربية والمشير طنطاوى.. من أهم الكوارث اللى ساهمت فى سقوط نظام مبارك.. انتخابات البرلمان سنة 2010.. لأن التزوير فى الانتخابات دى تحديدا كان على عينك يا تاجر.. مكنش فى بجاحه أكتر من كده.. ودى الانتخابات اللى كان بيديرها رجال الأعمال أحمد عز.. الصديق المقرب من جمال مبارك.. وبالمناسبة مش احنا اللى بنقول.. ده صفوت الشريف رئيس مجلس الشورى وقتها وواحد من أهم قيادات الحزب الوطنى هو اللى قال.. وده كان فى مكالمة تليفونية بينه وبين الصحفى ياسر رزق رئيس تحرير جريدة الأخبار.. لما قاله بالنص.. ان الحرس الجديد هو اللى كتب نهاية النظام.. الحرس الجديد ده اللى هما مجموعة جمال مبارك.. والحرس القديم اللى هما مجموعة الرئيس مبارك نفسه.. زى صفوت الشريف وفتحى سرور وكمال الشاذلى وغيرهم..
المصادر
كتاب سنوات الخماسين بين يناير الغضب ويونيو الخلاص
#المواطن_سعيد #ثورة_25_يناير

[@Ahmed_Said]

كيف تقيم ثورة يناير الآن فى ٢٠٢٣ ؟

[@user-lg8dj7xi5d]

هل الحلقه معاده

[@Abo_hassan1]

الله يرحم اللى راحوا البلد راحت تانى

[@sonofkemet9969]

يناير عيد الشرطة فقط

[@ABOBAKRELBAGHDADY]

الله يرحمك يامبارك ويهديك ياسيسى

[@Belengham5______9]

@@user-lg8dj7xi5d noo

[@ezz1538]

موضوع الحلقه الجايه ياريت تتكلم عن الناس اللي طلعت تتظاهر في رابعه العدويه و أُبيدوا عن بكرة ابيهم، و اوعى تقولي انهم عشان اخوان، لا دول بني ادمين اولاً و مصريين ثانيًا

[@ahmedsalih300]

ده طبال 🥁 النظام والسيسي

[@ahmad_daoud]

جزاك الله خير.. ولكن لن يتكم كلمة عنهم .. المواطن سعيد رقيب في المخابرات العامة

[@IMMSC0]

@@ahmad_daoud معرّض يعني

[@Dr.mokhalilElhendy]

يا حبيبي ما هم مصريين بس ضمن الإخوان اللي حرقوا المساجد والكنائس وكانوا بيقتلوا اي حد في الشوارع ولا ناسي الكلمه الشهيره ( هنفجر مصر )

[@ezz1538]

@Mohamed Elhendy انت عاوز تفهمني ان كان فيه حوالي ٣ الآف واحد عاوزين يفجروا مصر و موجودين في مكان واحد؟؟ حبيبي اللي ماتوا دول كانوا ناس عاديين زيي و زيك ، الفرق الوحيد انهم مطبلوش و رقصوا للي حرفياً فاشخ الشعب حاليًا

[@yahyakyahya6758]

يا مصريين انا يمني حافظو على جيشكم .. والله انتم الوحيدين اللي معكم جيش وطني يؤدي التحية للشعب. اللهم احفظ مصر واهلها واغنيهم بفضلك يارب الارباب

[@tamerali666]

الحمدالله دائما وابدا ❤

[@AmmarMaraq_-1]

جيش وطنى😂 دا كان ايام المشير طنطاوى رحمه الله الوقتى انتا مش شايف السيسى عمال يمسك الجيش كل حاجه اقتصاد يديله اراضى اي حاجه هو عايزه يدهاله نوع من انواع الرشوه عشان الجيش يدرك ان مصلحته مع السيسى ويكون معاه انا اشك ان الجيش المصرى لسه وطنى دا دخل فى كل حاجه اقتصاد مشاريع وغيره \ #الجيش المفروض وظيفته تكون على الحدود بس #

[@fares..471]

@@AmmarMaraq_-1 الجيش خرج من مجال الاقتصاد اصلا

[@yousef8576]

@@AmmarMaraq_-1 يعني ياشيخ عمال تهين في بلدك اللي عايش فيها وفي جيشك اللي موفرلك حياه فيها أمن ده غير دور الشعب اللي موجود وحاضر ديما لو حصل اي استعمار أو اي حاجه تانيه والتاريخ بيقؤل كده ومازلنا كده

[@user-ps9on7ok2r]

@@AmmarMaraq_-1 رجال الاعمال جعلوا مصر جنه 😂😂

[@moustafaahmed4796]

رحم الله المشير طنطاوي وكل من دعم مصر وشعبها العظيم بامانه و بشرف واخلاص 🇪🇬 وتحياتي ليك استاذ احمد رائع كعهدي بك.. ربنا يوفقك ❤️

[@hossam_elsaeidy8851]

إن شاء الله تكون في مكانته واحنا بين يدي الله

[@dfa7]

من لبنان الله يحمى مصر وشعبها لأن مصر صمام امان الدول العربية.

[@mohamedakl2999]

ربنا يخرجكو من كل كرب وترجعوا احسن من الاول

[@mohamedakl2999]

اتمني نبقي صحاب يdfa

[@dfa7]

@@mohamedakl2999 ان شاءالله. وشكرا لتعاطفك معنا ازمه وتزول.

[@dfa7]

@مروة امين يا رب العالمين وشكرا لتعاطفكم.

[@user-ng2sf8kn9q]

لاتنسى السعودية هي الصمام والقوة السياسية و مصر القوة الاستخبارية واجتماعهم مع بعض يكونو القوة الكبرى العربية ونتمنى ينضم باقي العرب لهم فعلاً لا

[@alaaa4031]

مصر فيها رجال تحبها وتحميها الدولة الوحيدة من الدول الي حصل فيها ثورات، قدروا يحمونها والرئيس السابق حفظوا كرامته وهو جلس ببلده ووسط شعبه انا مو مصرية لكن شايفه ان هذي الاحداث مذهلة، ربي يحفظ مصر ويوفق رئيسها حتى يحقق كل متطلبات الشعب

[@AyaMohamed-ck3go]

ربنا يحفظ جيش مصر خير اجناد الارض

[@hanemhamada8308]

.كل التقدير والاحترام والعرفان بالتضحية للجيش المصري العظيم حفظه الله ورعاه وتسلم الايادي تسلم يا جيش بلادي

[@amanyorabe860]

الحلقه رائعه ،احداث عظيمه غيرت مجري البلد قدرت باسلوب ممتاز وطريقه سرد مميزه تلخص كل حاجه في دقائق ... شكرا جزيلا وعاشت مصر فوق الجميع ورغم حقد الحاقدين

[@user-ex3ic6kx3p]

خلاصة الكلام القوات المسلحة المصرية هي صمام الأمن لمصر وشعبها حفظ الله مصر وشعبها 🇸🇦💚🇪🇬❤️

[@hassaneconst8383]

أخبث من في مصر هم بتوع الجمبري والخيار والقوطه والكباري

[@user-nona1997]

مصدقين نفسكم اوي الكلام دة لو مكنش اتغلغل في البلد زي السوسة لحد موقعها اقتنع بكلامك فاقنعني😒😏😏😏

[@yossifnabil7028]

@@user-nona1997 يسطا اقسم بالله أغلبية الناس بقت فاهمة كدا بس ركز كويس في الشخص الي معلق دا وأغلبية التعليقات الي شبه كلها لجان حرفيا مش حسابات حقيقية خصوصا علي تويتر، يصحبي اخر شعبية السيسي فقدها في اخر سنتين والرأي العام في الشارع كاره وجوده

[@user-nona1997]

@@yossifnabil7028 فعلا معاك حق اخي معرضين برخصة 👍👍

[@Ryxe]

@@yossifnabil7028 تضحكون😂وانتم مغفلين يحركونكم الاخوان بكلمتين في الاعلام🤣🤣شدو حيلكم واخربو البلد وبعد ماتكونون مشردين قولو انضحك علينا😂

[@abdelkarimbouzouaid]

من الجزائر و اتمنى كل الخير و التوفيق لشعب مصر. معكم قلبا و قالبا

[@911GT3RS..]

(اللهم أرزقنا الجنة بدون حساب ولا سابق عذاب فانك انت الرحمن الرحيم واكرم الاكرمين نستغفرك ونتوب إليك يا الله يا عظيم )

[@mohmedabdalla_9005]

اللهم امين يارب العالمين

[@sallam685]

اللهم امين يا رب العالمين وجميع المسلمين ووالدينا اجمعين

[@basemsalah4801]

استغفر الله الذي لا اله الا هو الحي القيوم و اتوب اليه عدد خلقه و رضا نفسه و زنة عرشة و مداد كلماته لا اله الا انت سبحانك اني كنت من الظالمين ♥️

[@user-yi2wt5mw9w]

تحياتي لك أستاذ أحمد شكر الله لك عملك وجهدك المضني الدئم في أظهار الحقيقة وشرفاء مصر البلد الذي حفظه الله برجال مخلصين دائمين على حمايتها من كل شر وغدر نسأل الله لك القبول والتوفيق والثبات على الشفافيه ونصرت الحق تحياتي

[@ahmedselim6274]

حفظ الله مصر والرئيس عبدالفتاح السيسي

[@user-pq8qc7iz6h]

حفظ الله مصر وشعبها من كل سوء يارب 🤲🤲

[@faris4025]

آمين يارب

[@nashaatnabih6928]

بجد ياأستاذ احمد انت اجمد صحفى ومواضيعك هايله انا بحمدربنا على انك وامثالك موجودين فى مصر لانك بتنور لنا عقولنا واستمر اعانك الله وربنا يحفظك ويبارك فيك وأوعى تخون ثقتنا فيك مهما طال الزمن يلى دمك مصرى عمرك ماهتخون ثقتنا فيك تحيا مصر وولادها اللى زيك تسلم وكمل احنا بستنى فيديوهاتك بكل لهفه ربنا يعينك❤❤🎉

[@MOH_29.]

مصر دولة عظيمة جدا بجيشها 🇪🇬♥️

[@Shamlan-11.11]

اهنيك على الإبداع في جميع حلقاتك والتنوير في موضوعاتك والدقة في معلوماتك الشكر والإمتنان لك المواطن سعيد❤

[@medhathussien5097]

برافو عليك قدرت تلخص أحداث جلل من جميع الابعاد وكونت صورة مختصرة وشامله ومنصفه في نفس الوقت انت من افضل المحليلين للتاريخ ألف تحيه ليك وكمل يا محترم 👍

[@tamerali666]

فعلًا شخصية تفوق الاحترام والتقدير ❤

[@user-sw4ej2dd7k]

شخصية معرصه فعلاً

[@abomalekmdboly1423]

أ/المواطن سعيد ربنا يحمي مصر وشعبها وجيشها من كل شر اللهم آمين يارب العالمين من أجمل الحلقات اللي شفتها شكرا لحضرتك

[@adelashry8721]

انا بحترم حضرتك يا استاذ احمد وبحترم محتواك وانا واحد من الناس ال بتتابعك من اول ما بدأت بس حاليا انت منحاز للنظام الحالي ..دا قرارك بس انا واحد من المعجبين بيك وبمحتواك اتمني انك تتكلم كلمة حق ..الناس بتموت وبتموت م الجوع والخوف والترهيب من النظام الحالي الشباب بتهرب من بلدها بسبب ان البلد بتقع ويعز علينا اننا نشوف بلدنا في الوضع دا

[@user-cr3wz6qj3c]

كلمة حق أقولها الجيش المصري وقاداته من أفضل الجيوش في الجمهوريات العربيه . جيش يحافظ على دولته ومواطنيه وقادت الجيش هم أكفاء ويقدمون مصلحة الشعب والدوله عن أي شيء مهما كانت مكانته عاليه . الله يحفظ مصر الحبيبه وشعبها وحكومتها ويرزقهم بالأمن والأمان ويغنيهم من فضله ويرد كيد من يرد بهم بسوء في نحره . 🇸🇦🇸🇦

[@AhmedBadrz]

ثورة يناير افضل ما تم حدوثة في تاريخ مصر الحديث رحم الله الشهداء

[@sonofkemet9969]

شهداء من انهي ناحية 🤣 قال النبي ﷺ : من كره من أميره شيئا فليصبر عليه، فإنه ليس من أحد من الناس يخرج من السلطان شبرا فمات عليه، إلا مات ميتة جاهلية

[@AhmedBadrz]

@@sonofkemet9969 برا عنك يا ابن كيميت يامنبطح ممكن ارد عليك بس مش مقامي اتناقش مع واحد تفكيره اخره كده

[@sonofkemet9969]

@@AhmedBadrz الله يحشرك معاهم وانا شرف ليا ابقي ابن كيميت مش زي الطوابير الخامسه جرابيع ثورة يناير

[@Omer1996E.C]

@@sonofkemet9969 العلماء كلهم نهوا عن الخروج على الحاكم الفاعل للحق، اما الصبر على الظلم، فهو محرم شرعا. بل اذا ضرب ظهرك اخذ مالك، عليك بالصبر ما دام للحق. اما الصبر على الباطل حرام

[@AhmedBadrz]

@@sonofkemet9969 ماشي يا ابن كيميت ربنا يحشرك مع ابوك كيميت

[@monanona832]

انت أجدع ظاااابط إيقاع شوفته في حياتي اقسم بالله

[@Mo-farag-coach]

انت محترم حكيت القصة بمنتهى الحيادية والتوثيق ،،، برافوا عليك

[@hamadazewain6856]

حرفيًا انتا شخص مثقف ماشاء الله عليك بجد ❤

[@mostafahossam7106]

اللهم احفظ مصر وشعب مصر وجيش مصر انت خير الحافظين

[@MustafaAli-wv6ub]

هذه الحلقه من وجهة نظري تعتبر وثائقي مهم جدا و ثمين للأجيال السابقه . شكرا المواطن سعيد على المجهود. تحياتي لك يا اخ

[@MustafaAli-wv6ub]

للأجيال اللاحقه عفوا على الخطأ

[@kawkabhussain8043]

حماكي الله يامصر من مكر الماكرين وتحيا مصر الي يوم الدين وانا جضرت كل ماحصل في مصر خطوه بخطوه ولحظه بلحظه ومشكور وتحياتي لك اتابعك من مسقط

[@mohamadbasharattar6499]

هل يستطيع اي مصري اي يقف في مصر و يهتف يسقط السيسي ؟

[@moonjo8428]

أكيد لا لنه شعب منافق وذليل

[@gad8447]

الجيش ادار الموقف بذكاء شديد... حفظ الله مصر وحفظ جيشنا العظيم

[@user-ow1ub7dr3h]

سيظل جيش مصر هو ملاذها الأمن و حصنها الضامن ، تحيا مصر وشعبها و جيشها و قائدها 🇪🇬🇪🇬🇪🇬 رحم الله المشير طنطاوي و اللواء عمر سليمان ، و الرئيس مبارك.

[@mok3pp.-_]

مبارك لن يعوض .. كان من اقوى زعماء العالم ..كان العالم كله بيكنلنا كل التقدير بسبب دهاء ولباقة وقوة وشجاعة مبارك .. الله يرحمه

[@mohamadslagh3099]

حفظ الله 🇪🇬 مصر بشعبها وجيشها

[@mohmedsaqr5394]

كل الحب والتحية والتقدير للقوات المسلحة ورجال مصر الشرفاء 🥰🥰🥰🥰🥰 تحيا مصر تحيا مصر تحيا مصر وتحيا الامة العربية والاسلامية

[@user-vs9cy7wm7r]

وانا كعربي وافتخر بعروبتي وانا كفلسطيني افتخر بمصر واهل مصر الطيبين وتاريخ مصر العظيم وكاي عربي حر ارفض اي تدخل اجنبي باي بلد عربي حتى لو كان حكمها ظالم عاشت مصر وعاشت العروبه

[@mohamedamar4947]

طنطاولى مين ده اتعين وزير دفاع عشان هفء بيستجرش يرفع عينه قدام مبارك . التاريخ باه عالكيف

[@talaatramadan3716]

سلمت يا أحمد باشا.. كلام حقيقي وواقعي مليون في المائة.. وتحيا مصر.

[@emanyehia1276]

ربنا يحفظ مصر وينصرها بجاشها وشرطتها واهلها يارب العالمين

[@ahmedfayed3504]

الجيش المصرى وطنى من الشعب وللشعب تحيا مصر والله يوفق القياده السياسيه

[@Aref05080]

كل الاحترام لجيش مصر قياده عندها وعي كبير و همها على البلد و اهل البلد.🇪🇬 🇸🇦

[@abdokhamis1064]

حلقه لاتقدر بثمن والله يزيدك رفعه

[@mostafaali1643]

ياخي بحب طرحك للمواضيع بصدق وعقلانيه تسلم يامحترم ومنتظرين دايما فيديوهاتك ❤️❤️

[@hossam_elsaeidy8851]

اسكت اسكت

[@eg9110]

الله ينور ده بالظبط لسان واحساس كل اللي عاش الفتره دي

[@gheyestech2961]

أجمل تلخيص لثورة يناير انت ممتاز و محترم اوي يا سعيد

[@samyaEbrahem7008]

تحيا مصر وربنا يحفظها ويحميها وينصرها ياااااااارب العالمين ويحفظ جيش مصر العظيم

[@polid9940]

لن تحيا أبدا وعساكر الإنقلاب خنقنها

[@Abraham443]

اعمل فيديو عن الوضع الحالي من فضلك

[@Lawbygad]

الخروج عن الحاكم حرام تحت اى ظرف من الظروف الى ماتو لم يستشهدوا بل لقوا سوء الخاتمة رحم الله الرئيس محمد حسنى مبارك بطل من ابطال مصر

[@alijaabir87]

شكرا لتوضيحك للأحداث يا أحمد لم أكن أعلم بجميع هذه التفاصيل إسمي علي جابر من الصومال 🇸🇴 تحيا مصر 🇪🇬❤️🇸🇴💯💯

[@mostafaelrawy_2001]

تحياتي لك استاذ احمد احبك في الله ..أدام الله عليك الصحة والعافية🇪🇬❤

[@yasserelmassryelmassry1236]

طيب هل الرئيس السيسى حاسس بالشعب اللى مش لاقى يأكل دلوقتى ولا هو متاكد أن المصرين مش ممكن يعملوا ثورة ثانية . يارب الرئيس السيسى يخلى عندة دم و يرحل بعد ما غرق البلد فى ديون لن تستطيع مصر تسديدها . أرحل ياريس أرحل يا سيسى خربت البلد و ضيعت النيل .

[@ahmedzaater9170]

@@yasserelmassryelmassry1236 اللي كان ساكن في عشوائيات وربنا رزقة بشقة بعفشها مجانا غلبان اللي كان عاطل واشتغل في مشاريع الدولة غلبان الشعب اللي كان نصه هيموت من كورونا لولا حملات التطعيم لفيرس سي غلبان الشعب اللي معموله تكافل وكرامة وخلافه غلبان الشعب اللي معمولة مبادرة حياة كريمة غلبان الشعب اللي بيتعالج من مرض تمن الحقنة بملايين ببلاش غلبان الشعب اللي مكنش هيلاقي السلع زي دول اوربا وربنا نجاه رغم ارتفاع السعر وده منطقي غلبان .. اللي ماسك ايفون وبيدعي الفقر على التيك توك مش غلبان اللي بيحرض ضد بلده عشان يخربها مش غلبان الغلابة اللي بجد هم عصب وسند مصر مع جيشها بعد ربنا

[@user-xc1ou1pj3s]

حفظ ☝🏾 الله ☝🏾. 👈🏾 مصر 👉🏾 شعبآ وجيشآ وأرضآ

[@emyamer2356]

واوعي تنسي زي ما كان شعب عظيم وجيش ورئيس كمان عظيم والتحيه العسكريه كمان للرئيس الي ما دخلش بلده فحروب وانقاسامات الرئيس ولي مصلحه للشعب والبلد رغم سلبياته الا انه كان شايف الناس وحاسس بيهم ربنا يرحمه شخصية عظيمه عرفنا قيمتها لكن بعد فوات الاوان كل التحيه والتقدير للرئيس الراحل محمد حسني مبارك

[@noursoliman3757]

ثوره بدأت بالمطالبه بسقوط رأس الحكم وانتهت بسقوط مصر بالكامل بحكم الاخوان ولكن ربنا حفظها بفضله ثم جيش مصر اللهم احفظ مصر وجيشها ورئيسها وشرطتها وشعبها تحيا مصر تحيا مصر تحيا مصر

[@kamelsy1161]

ياريت من قضلك تحكي عن سوريا الوضع الاقتصادي والسياسي والعسكري من وضعك كماحيد من فضلك والي شاف تعليقي ياريت يحط لايك من فضلك منشان يشوفها الاستاذ سعيد ♥️

[@midohamdy6615]

استاذ احمد اسلوبك اللبق وطريقه كلامك واختيار للكلام المحفز بيخليك رقم واحد في المتابعه انت استاذ وستظل استاذ ربنا يوفقك ويكرمك في القادم حلقه المره دي تغلبت علي نفسك شكرا انك موجود

[@بارانوياا]

كلامك خطير وبيأكد ان كل حاجة في الدرج والي بيحصلنا حالا كله مخطط ليه ومحسوب , حتي ازماتنا الحالية مخطط ليها !! امال فين حقوقنا الداخلية والخارجية الاسلحة الي اشتراها النظام دي عشان تترفع في وش الشعب مش اعدائنا !!

[@hraslan]

تقسيم الدول خطة موضوعة من سنين السنين. لكن البعض تحضر ليها والبعض استهان بيها وضاع. الشرفاء والحكماء طلبوا من مبارك يرتب البيت ويعدل عن التوريث ويرحل وهو مامن البلد وهو وعيلته والمستفدين رفضوا وده سبب ان في سنوات حكمه الأخيرة هتلاحظ تنحي الناس المحترمة من الحياة السياسية

[@assefosman6191]

الله يبارك لك يا احمد انا من رجال 67 و 73 وكل اصدقائي ماتوا في الحرب للاسف كلهم شهداء ما كنتش موجود انا في الايام دي كان صعبه جامده علي السبب فيها وصراحه الاخوان فسدوا الشعب بالفلوس وبكلام بارك الله لك

[@MrHasni93]

أنت تكذب لان الجيش شريك المخابرات المصرية في خلق الفوضى أيام الإخوان أنت تزيف التاريخ

[@Soaring_..]

اعتقد بل متأكد ان مصر لديها موارد وثروات تضعها في مصاف اغنى وانجح الدول في العالم لكن الفساد يمنع ذالك 🇸🇦 🇪🇬

[@user-qu9bu4db8j]

الانتصار ليس للشعب الانتصارولرجوله للجيش فقط ولمظاهره تمت بأيادي امريكيه بحت الف تحيه لمصر وجيشها من العراق❤

[@geming3690]

قلبي انت انا ٢٨ سنه. لله الحمد عشتها الايام دي ارجل رجاله الجيش

[@mohamedabdalla4419]

الله يباركلك .. حفظ الله مصر و شعبها

[@starlove8080]

استاذ احمد فريق الاعداد بتاع البرنامج بتاع حضرتك معتمد على مصدر واحد فقط اللى هو كتاب للصحفى ياسر رزق فا مش شرط يكون كل كلمة فى الكتاب حقيقيه ١٠٠% اى صحفى فى العالم مهما كان محترف بيحب يحط التاتش بتاعه على اى موضوع بيكتبه

[@egypt6050]

تحيا الأمة المصرية تحيا جمهورية مصر المصرية فقط

[@aa7med849]

حفظ الله مصر ❤

[@engibrahim9620]

بعيد عن التعريض اللي حضرتك بتقوله وماذا استفادت مصر من حكم العسكر !! اعمل مقارنة بين وضع مصر قبل السيسي ووضع مصر الان كله فشل في فشل ، مصر اصبحت مملوكة لدول الخليج انت كمواطن مصري بلا كرامة

[@alymahmoud2496]

الجيش هو من ادار موقعة الجمل حسبنا الله ونعم الوكيل

[@xenasharaf9878]

ستظل مصر دائما رغم انف كل حاقد او حاسد او مستغِل او مستغَل او مدفوع من خصوم الاسلام... هنا او خارج مصر

[@Mr_Modyy]

إنسان محترم جدا واسلوبك تحفه كالعادة ،،،الله يحفظك وكمل معلوماتك وتفصيلك الجميل 👏🏻

[@khaledyaeesh4757]

تحيه من اعماق القلب للجيش المصري فمنه نتعلم معنى ان تكون حارس وطن. مقدم طيار /خالد يعيش القوات الجويه اليمنيه.

[@Red_moon1098]

😍😍😍😍🥰😘

[@user-kd2wn8pi6g]

حلقه جميله بالتوفيق وتحيا مصر

[@starlove8080]

اللهم احفظ مصر وجيشها وولاة امورها وارحم ابطالها الشجعان البطل محمد حسنى مبارك والبطل عمر سليمان والبطل محمد حسين طنطاوى واجعل كيد اعداء مصر فى نحورهم

[@user-cx9ez5ju2e]

سيدي الفاضل سياسة اليوم هي تاريخ الغد، لما تتكلم ف الحاضر على الاقل تحرى الصدق لكي لا يصير تاريخ مزيف، كنت احترمك جدا، كان فيك تتجنب الموضوع لو خايف على نفسك بدل التزييف الحاصل، نصيحة من أخ خليك في التاريخ و القصص بأسلوب السرد، و اترك التاريخ يكتبه الشجعان و ان كان في العمر بقية اروي لنا أنت هذا التاريخ بأسلوبك.

[@hraslan]

كل الي قاله شوفناه وعيشناه واي حد كان في المطبخ او قريب منه عارف انه الحقيقة وربنا يجحم كل شخص استغل البلد دي والتحالف الغير شريف الي حصل مع انصار التوريث والاخوانجية الخونة ويجزي خير كل واحد وواحدة من المخلصين

[@dragon-tb4eu]

🤣🤣🤣 جاهل دا بيكلم مصريين الي عاشوا دا

[@mmcmmc9635]

رحم الله كل شهداء الوطن

[@fuijgvghi7178]

مصر تقود العالم .. تحيا مصر وعزيز مصر 🇪🇬🇪🇬🇪🇬

[@user-dt2ps1vy2i]

انا قلتها قبل كده وبقولها تاني دلوقتي الشعب المصري واعي وعمره في حياته ما هيقفل مع البلد ومصلحه البلد معاشات القياده السياسيه الحكيمه معاش الشعب المصري وتحيا مصر تحيا مصر تحيا مصر

[@alaasaif9742]

سيدي المواطن سعيد ، أحيـيــك على الحلقة الرائعة دي .. عظيمة يا مصر

[@yasserelmassryelmassry1236]

طيب هل الرئيس السيسى حاسس بالشعب اللى مش لاقى يأكل دلوقتى ولا هو متاكد أن المصرين مش ممكن يعملوا ثورة ثانية . يارب الرئيس السيسى يخلى عندة دم و يرحل بعد ما غرق البلد فى ديون لن تستطيع مصر تسديدها . أرحل ياريس أرحل يا سيسى خربت البلد و ضيعت النيل .

[@gehaneldakhakhny65]

ارجو منك ترجمة الحلقه دي بالذات الانجليزيه علشان ولادي يعيشوا بأمريكا ويهمني يعرفوا هذه الحقائق وفهمهم الانجليزيه اسهل من العربيه رغم انهم يتكلمون ايضا العربيه انا باعشق مصر تحياتي

[@ahmedmubarak5015]

kzbin.info/www/bejne/mYK6Y6qDm52Xe6c

[@ahmedmubarak5015]

You can choose relevant subtitles to your language. See above video

[@officerhitham]

Ho2 about you ask them to live in Egypt for only one year or maybe 6 months and you'll be regretting that decision because they'll never forgive you because Egypt is not safe or good for any one and if you going to say any other words then that so you should do anything to make them live in the good Egypt from your vision......... all of you and the rich people and and super stars they traveled to US or Europe to deliver their new born and make sure they get a citizenship and they come on media and say Egypt is good .... such a fucking Is pathetic and Hippocratic people I really feel Big disgusting feeling about having Egyptian citizenship with people like you You guys should be perished for really believe all that b*** that's happening in Egypt right now You should lose your money and be poor so you can feel the poor people and really feel how hard is the life for them then you will know that this government is not for good of The country it's only for their own benefit including the army the Judicial system and the police that's all Along was the people who own real big money and now the people from the Gulf who started buying the country It's only a matter of a couple years and Egypt is not gonna be for Egyptian more it's gonna be for who own the money that's all and that's definitely not the Egypt public And you by support and approving something like this or supporting this government right now the murderers who's harming people every day you are a part of the problem and you will face the same bonishment when the The poor hungry people starts going out and attack everyone no one gonna stop them or will be able to no army no weapons no nothing can you imagine that you fucking stupid can you imagine that day I really wish you see it in your life. I live in the states but I wish I can go live in Egypt but not this armor Egypt I need public runs by voted president not a soldier who doesn't have a bit of clue about anything

[@ahmedfathy3209]

انت انسان محترم وأسلوب جميل جدا فى سرد الأحداث شكرا استاذ سعيد

[@happyfood2174]

الجيش حمى مصر ووقف للتوريث وده عهدنا بالجيش اللي له رصيد من التقدير في قلوب الشعب بخلاف الشرطة

[@nonaa408]

جيش بينرفع فيه الراس الله يهنيكن

[@nahedismail7893]

شكرًا أ/ احمد.. الحقيقة حلقة تاريخية.. توصف بمنتهى الأمانة ماحدث في مصر ايام ٢٥ يناير ٢٠١١ إلى ٣٠ يونيو ٢٠١٣..

[@ibrahimal-masry1411]

معلومة فقط اخى العزيز جماعة اخوان الشياطين لم تنزل إلى الشارع تطالب بإسقاط مبارك الا بعد ما تاكدت أنه بالفعل سقط ولذلك أنهم نزلو اخر ناس

[@ibrahimhelmy1176]

انت فكرتنى بحاجة مهمة جدا تصديقا لكلامك انا كنت ظابط طبيب احتياط فى الجيش ماسك نقطة طبية فى لواء مدفعية فى الهايكستب تقريبا فى شهر ٧ سنة ٢٠١٠ انا فاكر الوقت لانى انتهت خدمتى بعدها فى اكتوبر ٢٠١٠ ، قائد الوحدة طلب من كل الظباط ارتداء لبس ملكى وقال جايلنا تعليمات بالتدريب على حاجة اسمها "الخطة إرادة" وهى اننا فى حالات لو حصل اضطراب فى البلد ننزل الأماكن اللى هنروحها دى نأمنها وفاكر اننا روحنا محطة كهرباء فى حلوان ومطار قديم مش فاكر مكانه بالظبط ، ولما خرجت من الجيش وجت الثورة بعدها افتكرت الخطة ارادة تحياتى ليك جدا ، وربنا يحفظ جيش مصر

[@mostafasulian4563]

رحم الله شهدائنا الأبرار حما الله مصر حما الله الجيش المصري الأبي

[@jb30889]

ياريت تكمل و تعمل حلقة عن سوزان مبارك و جمال مبارك في الفساد داخل الدولة

[@ibrahimalshraby3814]

بلاش تمديد لسنوات الحكم يا ريس

[@meems6392]

فكل شىء بأمر الله تعالى ومشيئته وقدرته- حفظ الله مصر وجعلها امه عظمه بين الامم

[@User-cjbyvmzf]

جيش مصر عظيم. ربنا يحميهم.

[@marcoephraim1553]

و يجب سحب الثقة من الرئيس الحالى او على اقل تقدير انتخاب غيره فى اول انتخابات الشعب جاع

[@user-ou1sb8wj7r]

ايه السبب اللي يخلينا نسحب ثقتنا من الرئيس الحالي

[@hraslan]

مش عاجبك ابقي انزل صوت لمرشح ثاني لما تيجي الانتخابات غير كده هو منتخب في انتخابات رسمية شرعية ولمرتين

[@marcoephraim1553]

السبب هو الصرف علي القصور و البرج الايقوني بدلا من المصانع و الزراعة و التعليم انا شخصيا انتخبته مرتين و لن أكررها ابدا

[@hassaneconst8383]

جميعنا نعرف ان الخسيس ابن اليهودية الخسيسة لن يتنازل عن الكرسي وسيورثه بعده لنجله الجرو المدمن وأما ما يقوله صاحب الفيديو عن الاخوان وكل ذلك الهري فكلام سيجازيه عليه الله بما يستحقه

[@Mostafa-cz7zy]

@@hraslan يبني انت مصدق نفسك انو فيه انتخابات يا عبيط 😂😂 فيه واحد يكسب انتخابات بنسبه ٩٧٪؜

[@mohamadahmadfouad]

هتفضل ثورة وطن عظيم و ثورة طاهرة و عطتنا جميعا امل في بناء مستقبل افضل و بشعر بالم شديد لما بحس ان في محاولة لطمس ذكراها احنا مدركين ان ربنا وحده سترها معانا في وقتها و لولا تدبير الله عز و جل كان زمان الوضع كارثي بس اتمني انها تكون مصدر فخر و عزة لينا جميعا و تكون داافع لينا لبناء الوطن علي قواعد ثابتة و انا شايف ان لولاها مكنش هيحصل اي انجاز من اللي بنشوفه رحم الله شهداء الوطن علي مدي التاريخ

[@meems6392]

بارك الله فيك وربنا يعطيك الصحه والعافيه انت وكل المخلصين وتحيا مصر تحيا مصر تحيا مصر

[@wael6309]

صلوا على من يشفع لنا يوم القيامة ❤ "اللَّهُمَّ صَلِّ وَسَلِّمْ وَبَارِكْ على نَبِيِّنَا مُحمَّد"♡.

[@basemsalah4801]

عليه افضل الصلاة و السلام 😍

[@mohammeddsokee2733]

حلقة ممتازه كالعادة 👍👍👍👍

[@ahmedsker8938]

رحم الله القائد والبطل والزعيم مبارك وحفظ الله مصر ع فكره انا كانت جندي في الجيش وقت الثوره وكانت في السويس كمان ونزلت قدام قسم الاربعين لوكان انا مع الريس مبارك حته اخر العمر

[@hassanelshafei6419]

مع كامل إحترامي لحضرتك الجيش وحكم أفراده هم سبب الكوارث إللي عايشاها مصر من أول ثورة ١٩٥٢ لغاية دلوقتي .. كوارث ورا كوارث و مشاكل و أزمات دايرة مغلقة لا تنتهي .. علشان كده أغلب الشعب المصري المثقف الواعي عايز المنظومة دي تنتهي للأبد لا عايزين رئيس من الجيش ولا من الإخوان عايزين رئيس من الشعب إنجازاته هي إللي تحكم إذا كان يكمل أو لأ لا جماعة تسنده ولا مؤسسة عسكرية تحميه .. ولازم تنتهي القوانين الغبية و الفساد و الرشوة و الواسطة و أبناء العاملين و القضاة و الفنانين و لاعبي الكورة و العاملين في الكهربا و قطاع البترول و أساتذة الجامعات و العائلات إللي بتحكم مصر و حضرتك عارف إنه كلامي صحيح .. ملعون أبوها بلد المنتفعين و الفاسدين ناهبينها .. وساعة الحرب .. الشعب المطحون هو إللي يضحي بأبناؤه .. و البطولات تتعمل أفلام و مسلسلات للظباط و رجال المخابرات بلاش اقرف ملعون أبوها بلد

[@khaledbassiouny3261]

رائع يا أستاذ أحمد يا محترم ، عاش الجيش المصري الوطني و تحيا مصر برجالها الشرفاء 🇪🇬🇪🇬🇪🇬

[@user-pr9po4qt4i]

بالنسبة لموضوع السجون ، فيه قيادات في الداخلية قاموا بفتح السجون لتهريب المجرمين والتصدي للمظاهرات وتخويف الشعب

[@mostafaasr9326]

ومينفعش اننا ننسا ان من اسباب الثوره 25 معامله الشعب بسوء من الشرطه في عهد هاذا النظام الفاسد

[@romaloyoda]

شوف يا احمد هو موقف الجيش وما قام به طوال تلك الفترة هو النقطة المضيئة في احداث بناير ككل ..هي كانت انتفاضة شبابية ولها مطالبها المشروعة ولكنها تحولت إلى مؤامرة متكاملة ما زلنا نعاني آثارها حتى اليوم ..ولكن تظل الدعوة بالرحمة والعفران على من ماتوا في تلك الاحداث واجبة على كل مصري

[@mohamedalimahrous1971]

الف شكر انا بستمتع بجميع حلقاتك وياريت نكمل الاحداث لانها توثيق لواقع عشناه ومش عاوز حد ينسى الاحداث الهامة دى من تاريخ مصرنا الحبيبة خالص تحياتى

[@Labodd]

نتمنى منكم متابعة قناة لابد أن تعلم التي نقدم لكم من خلالها العديد من المواضيع المتنوعة والتثقيفية التي ستنال اعجابكم، شكراً لكم