كيف تابت الراقصة تحيه كاريوكا

حلقات مقترحة
اسماعيل يس الظالم والمظلوم
• اسماعيل ياسين
كيف ماتت مارلين مونرو
• كيف ماتت مارلين مونرو
فاتن حمامه والمخابرات
• Video
مالا تعرفه عن جوتشى
• ما لا تعرفه عن جوتشى
اليتيم أحمد ذكى
• أحمد زكي
فى يوم من الأيام.. وبعد ما الفنانة تحيه كاريوكا كانت عايشه حياة هاديه مع جوزها فايز حلاوة.. تفاجئ انه بيطردها من بيتها بالشبشب والعباية اللى عليها.. بعد ما منعها انها تاخد مجوهراتها وفلوسها.. ولأنها فنانه كبيرة وخايفه على مظهرها قدام الناس.. اضطرت تنزل من سلم الخدم علشان محدش يشوفها.. تخيل معايا كده فنانة بحجم تحيه كاريوكا واللى كانت أهم ضيف فى حفلات الملوك ورؤساء الدول.. تطرد من بيتها بالشبشب والعباية اللى عليها..
المهم.. نزلت تحيه كاريوكا وكلمت بنت أختها.. اللى بقت فنانه بعد كده.. الفنانة رجاء الجداوى.. وحكت لها اللى حصل.. الفنانة رجاء الجداوى اتحايلت عليها تروح تعيش معاها فى شقتها لكن تحيه كاريوكا رفضت.. وراحت أجرت أوضة بحمام على سطوح عماره فى العجوزة.. على أمل ان الأمور تستقر مع جوزها وترجع بيتها.. لكن تفاجئ تحيه كاريوكا ان جوزها اتجوز المذيعة فريال صالح.. شوية وخلف منها بنت.. يقوم مين يتدخل علشان يحل الموضوع؟.. الشيخ متولى الشعراوى.. وبعد ما رفعوا قضية على جوزها علشان تاخد منه شقتها اللى فى الزمالك وبتطل ع النيل.. يفاجئ الشيخ الشعرواى بتحيه كاريوكا بتتصل بيه.. وبتقوله انا هتنازل عن القضية يا مولانا.. ليه يا تحيه هتتنازلى دى شقتك وفلوسك ودهبك؟.. قالتله وهى بتعيط ان جوزها اتجوز واحده غيرها وخلف منها بنت.. ولو خدت منه الشقة مش هيلاقى مكان يعيش فيه لا هو ولا مراته الجديدة ولا بنته الصغيرة.. فيقوم الشيخ متولى الشعراوى هو كمان يعيط ويقولها أنا غيران منك يا تحيه.. ليه يا مولانا؟.. قالها لأن ربنا بنالك قصر فى الجنه..
وهنا أنا سامع السؤال اللى حضرتك عاوز تسأله.. هو ايه اللى جاب الراقصة تحيه كاريوكا للشيخ متولى الشعراوى؟.. هقولك.. وهقولك كمان ازاى تحيه كاريوكا أنقذت الرئيس السادات من ايد الانجليز.. وازاى تحيه كاريوكا كانت أهم فدائية فى المقاومة المصرية ضد الاحتلال الانجليزى وخلال حرب فلسطين.. طول النهار بترقص وطول الليل بتفجر معسكرات الانجليز.. وازاى طردت الملك فاروق من الملهى الليلى اللى بتشتغل فيه.. وازاى عايرت الرئيس السادات قدام الناس.. وازاى وقفت قدام الرئيس مبارك وقالتله ان الناس بتنام من غير عشا.. وازاى هزقت الرئيس التركى كمال أتاتورك فى بلده.. النهاردة بإذن الله هنعرف سوا مين هى تحيه كاريوكا اللى كتير من الأفلام حصرها فى أدوار الإغراء والشر.. أهلا بحضرتكم فى حكاية جديدة من حكايات المواطن سعيد..
اسمها الحقيقى بدوية تحية محمد علي النيداني كريم.. مواليد الاسماعيلية.. اتشهرت باسم تحيه كاريوكا بعد ما رقصت رقصة مشهورة اسمها الكاريوكا.. فسموها تحيه كاريوكا.. المهم.. فى يوم من الأيام وقبل ما تكمل 18 سنه.. اختاروها علشان ترقص فى حفله بيحضرها الملك فاروق بنفسه..
تحيه طارت من الفرحه.. رقصها قدام الملك فاروق كان تقريبا أكبر نقلها فى حياتها الفنية اللى لسه بتبتدى.. هتحتاج ترقص قدام مين تانى بعد ما رقصت قدام ملك مصر والسودان؟..
المهم.. رقصت تحيه وعملت كل اللى تقدر عليه علشان تبهر الملك وضيوفه.. وفعلا ده اللى حصل.. الكل انبهر.. لدرجة ان تانى يوم.. وصلتها دعوة من كبير أمناء الملك شخصيا.. تحيه طلعت تجرى على القصر.. وبمجرد ما وصلت وقعدت قدام كبير أمناء الملك.. سلمها شيك بخمسين جنيه.. وسيدى المواطن 50 جنيه فى زمن القرش والصاغ.. ثروة لا يمتلكها إلا نجيب ساويرس.. كانت ثروة لدرجة ان تحيه كاريوكا البنت اللى يادوب بتكمل 18 سنة.. اتخضت من الرقم اللى مكتوب فى الشيك.. عمرها ما مسكت مبلغ زى ده في ايدها قبل كده.. وطلعت جرى على البنك علشان تفتح أول حساب بنكى فى حياتها..
هنا حضرتك ممكن تتخيل ان تحيه كاريوكا اللى اتوهمت بهدية الملك فاروق.. تمشي تغنى فى الشارع يحيا الملك عاش الملك.. لكن الحقيقة غير كده.. لأن بعدها بفترة.. تفاجئ تحيه كاريوكا وهى بترقص فى ملهى ليلى.. ان الملك فاروق بنفسه قاعد بيتفرج عليها هو وحاشيته.. تقوم تعمل ايه؟.. حضرتك تقولى أكيد هتخلص نمرتها وتنزل ترحب بيه وتقعد جنبه تسليه.. أقولك الإجابة طبعا لأ.. نزلت تحيه كاريوكا وسلمت عليه بكل أدب وقالتله جمله واحده.. المكان اللى حضرتك قاعد فيه ده ميلقش بملك مصر والسودان.. والأكرم لك ان تروح..
طبعا حضرتك مش محتاج منى أحكيلك رد فعل حاشية الملك.. اللى توقعوا انه هيسجنها أو ينفيها أو أقله يقوم يخبطها قلمين.. لكن ولا حاجه من دى حصلت.. عارفين الملك فاروق عمل ايه؟.. فضل يبص لتحيه كاريوكا ثوانى وهو مذهول بدون ما ينطق.. وقام ساحب نفسه وماشى.. بس كده؟.. بس كده..
طبعا ورغم جرأة تحيه اللى ممكن حد من حضراتكم يعتبرها قلة ذوق.. إلا إنك تخرج من اللى حصل ده بنتيجتين.. الأولى انها جريئة لدرجة الجنون.. حد غيرها كان ممكن الملك يسجنه وهى نفسها عارفه كده.. لكن ورغم كده وقفت قدام الملك فاروق وقالت اللى محدش غيرها يقدر يقوله.. أما النتيجة التانيه فهى ان جرءتها دى كانت نابعه من إيمانها بربنا وبالآية الكريمة اللى بتقول.. قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ.. حد من حضراتكم يقولى أبوحميد إيمان بربنا ايه ومؤمنين مين اللى بتتكلم عنهم.. انت بتحكى قصة الراقصة تحيه كاريوكا.. أقولك أيوه سيدى المواطن.. هى فعلا قصة حياة الراقصة تحيه كاريوكا.. واسمع للآخر علشان تعرف اللى واضح انك متعرفوش عن حياتها.. بقولك الشيخ الشعراوى كان بيغير منها سيدى المواطن.. الشيخ الشعراوى.. خلينا نكمل..
المصادر
مذكرات تحيه كاريوكا
#المواطن_سعيد #تحيه_كاريوكا

[@Ahmed_Said]

تفتكر مين أكتر حد ظلم تحيه كاريوكا ؟

[@naif.1010]

زوجها فايز حلاوة

[@mohamedaladham9]

ممكن تعمل حلقة عن خيانة العرب في الحرب العالمية الأولى علشان مش فاهم الموضوع

[@drmagedsleam2529]

تحياتي لحضرتك سيدي المواطن حلقه راااائعه ❤❤❤

[@user-lk8co8od3h]

بعد التحيه طلب استغاثة من حضرتك بنقل رساله الي المسؤولين قوات الأمن باسيوط تم بناء إدارة قوات أمن جديده ممتازه جدا بمعنى الكلمه حتي الارض رصيف لكن بكل أسف لا تصلح لحياة البشر بسبب عدم وجود مياه الشرب وبسبب عدم توفير المياه لا توجد حمامات متاحه بسبب غلق الحمامات وانت اتخيل الباقي احنا ليه بنعمل الحاجة ناقصه ازي معسكر بتكاليف جباره يكون ناقصة اهم حاجه احنا بلد مستهدف لو اتسرب موضوع زي ده لجماعه الاخوان مش ممكن هتكون فضيحه وفي كلام لا أعرف له مصدر عن أخذ رشوه مقابل نقل الإدارة من المسؤولين بوزارة الداخلية في اسيوط تقدر ب 7مليون والله اعلم

[@shymaaadel7025]

زوجها الى مرعاش العشره معها وطردها من بيتها ،وهى ظلمت نفسها انها اتجوزته وادته كل ماتملك

[@Hananesaidstoris]

اول مرة اعرف قصة حياة تحية كاريوكا كانت بطلة و بتخدم فلسطين و مقاومة و مكانش بتخاف من رؤساء و كانت قوية في انها تقول حق ربنا يرحمها وا يسكنها في فسيح جناته

[@osamakamel5998]

لو كنت شاهدت مسلسل كاريوكا لوفاء عامر كنت عرفت قصة حياتها ونضالها ضد الانجليز

[@user-up1jq6qj8e]

اللهم من نام على ضيق فايقظة على فرج ومن نام على مرض فايقظة على شفاء ومن نام على حزن فايقظة على فرح يارب العالمين

[@hayyansamoun4612]

يا ألله

[@user-yi4mw3ez3y]

كيف تابت وفنانه معروفة فلوسها من مصدر حرام تقوم بالصرف عليها وهى قبلت ذلك

[@user-vl7kb4jw3x]

اللهم آمين يارب العالمين

[@saidbelarbi3733]

احسن دعاء

[@Adrien-jx4bg]

أول مرة أسمع قصة بدوية، شيء يسعد ويفرح القلب ❤❤❤❤

[@basmadenhaag]

الله يرحمها ،ولكن أي إنسان ليس من حقه يبشر أحد بالجنة فقط الله، ولا أحد يعلم الغيب غير الله

[@JamilaKumpel]

👏👏👏👏👏👏👍👍👍👍👍👍✌️✌️✌️✌️✌️✌️✌️👌👌👌👌👌👌👌🙏🤲🙏❤️❤️❤️❤️💐💐💐💐💪💪💪💪

[@Hoda_nore]

الشيخ الشعراوي كان بيقدر الفنانين والفنانات اللى بيتوبوا لانه بيعتبر انهم سابوا متع الدنيا اللى كانت تحت ايديهم واختاروا طريق ربنا. فهى تقدير مش غيرة بالمعنى الحرفى منهم. 💙

[@samehnabil5151]

غيرة محمودة مش زي ما فهمتي

[@salahslankli1384]

ياسيدة هدى أي توبة تتحدثين عنها ؟ ! لقد ظلت تتعرى وترقص بعد انفصالها عن زوجها الأول. التوبة تكون بالتزام السلوك القويم.

[@Hoda_nore]

@@salahslankli1384 الله فقط مطلع على القلوب؛ لقد تابت وتحجبت فى اخر حياتها انا شاهدت لقاء تلفزيونى قديم لها. والله وحده يعلم بصدق التوبة وليس نحن.

[@amalhayati6779]

رحمها الله واسكنها فسيح جناته

[@ttcc1332]

الأعمال بخواتيمها مادم انها ماتت تائبة نرجو لها الخير الله كريم عفو سبحانه وتعالى

[@tarekomar3854]

تحية كاريوكا شخصية بنت البلد الاصيلة الجدعة و عشان ربنا يعلم بنقاء روحها ختم لها بخاتمة صالحة تستحقها رحم الله تحية كاريوكا واسكنها فسيح جناته

[@user-fl3eh9zv2p]

امين يارب العالمين الله يرحمها ويجعل مثواها الجنةيااكرم الأكرمين

[@shereefsheree861]

طبعااا ذي امك

[@user-ho6lx5xo5l]

@@user-fl3eh9zv2p ؟

[@mahmoudriad383]

احبسن تقدىر للسيدة تحيه كاريوكا

[@user-er3zg5eq5s]

چ​@@user-fl3eh9zv2p

[@khawlakassab4765]

رحم الله تعالى الست الفاضلة تحية و أسكنها فسيح جناته و غفر لها ذنوبها و خطاياها و نسألع تعالى أن يبدل سيئاتها حسنات و ينعمها بنعيم أعلى جنات النعيم مع كل من تحب

[@lailsaher1366]

هههههه فاضلة ايه ياخوية كيف هي فاضلة

[@wafaahelmy9907]

كانت انسانه وفنانه عظيمه الله يرحمها ويغفر لها ويسكنها فسيح جناته من الفردوس الأعلى

[@nourashams3791]

قد ايه بحب الست وبشوف في قصتها حكمة كبيرة وعظه من الله فرحت جدا من الفيديو .. يمكن ربنا ذكرك بيها تكون سبب في دعوة ليها هي محتاجاها .. ربنا يسخر لينا اللي يدعيلنا بعد وفاتنا يارب

[@askess7647]

Allahomma aameen ya arhama rahimine ya rabbi l3alamine

[@ahmdhsndwes]

اللي زي دي عشان قلبها سليم و نقي و كله خير، التوبة هي اللي بتروحلها عشان تكلل عملها الصالح، ربنا يرحمها ويرحمنا

[@abdlelahmat4463]

جزاك الله خير انك وضحت الحقايق الخاصه ب تحبه كريوكا طلعت إنسانه كريمه و اشرف من كثير من المسؤلين ربنا يرحمها و يغفر لها و يسكنها فسح جناته

[@eng.mohamedragabpts-kkuh96]

جزاك الله خيرا ا. سعيد حسيت بمعني حديث رسول الله صلي الله عليه وسلم ، " اذكروا محاسن موتاكم " لما حضرتك ذكرت محاسن الست تحيه الله يرحمها ، ووضحت اشياء مكناش عرفينها عنها . 👌

[@user-wh5yl8gu9l]

اذكروا محاسن موتاكم لم يصح كحديث عن النبي صلى الله عليه وسلم ولكن لا يمنع ذلك من ذكر محاسن الميت والدعاء له بما لا يخالف الشرع جزيت خيرا ورحم الله تحية كاريوكا

[@chefsherif6961]

فعلا ماحدش يقدر يحكم على حد ..الحكم لله وحده الله يرحمها ويجعل مثواها الجنة

[@fatimaalzahraa100]

الله جعل انبياء ورسل وكتب شهود على الناس لم يخلق الخلق عبث جهاد النفس من افضل الاعمال وقال امير المؤمنين علي عليه السلام اعدا اعدائك نفسك التي بين جنبيك يختم للعبد بخير اذا جاهد نفسه ولم يهلكها بلطرب والعري والرقص والغفله والفساد

[@user-vh3ym5xr7b]

الله يرحمها كانت ست جدعه واحسن من الف راجل وبنت بلد زي منا عايز قول الله يرحمها

[@salonyusra9198]

تحياتنا من العراق الى كل انسان شريف حبه وولاءه الى الوطن وليسى لي من يحكمو البلاد ❤

[@najladaen3377]

حلقة تستحق الكثير من اللايكات.. حلقة رائعة وبأمتياز

[@user-hq4bs2qt7f]

يااارب نلاقي اللي يدعلنا بعد من قابل وجه كريم رحم الله كل من اراد التوبة ولم يدركها ورحم الله كل من اذنب واستغفر ومات ورحم الله كل من بداخله خير ولم يدرك فعله

[@user-tf2lf6kq3l]

من فضلك متتاخرش في فيديوهاتك وخليها بشكل يومي لاني بنتظرك كتير انت فعلا تستحق كل الاحترام والتقدير يا موهوب

[@emadhelmy9471]

كل شويه افتح اليوتيوب ..اشوفه نزل فديو ولا لسه

[@user-kq4om9vj6u]

كلنا نؤيد الزعيم السيسى حفظه الله من خطر الإخوان #الإرهابين ____________

[@user-sw4ej2dd7k]

مش للدرجادي

[@wafaaeltoukhy3419]

سبحان الله فنانه متميزة غير فنانين الزمن دة الله يرحمها ويغفر لها ويجعلها في الفردوس الاعلى

[@ruaaalgareb4327]

حلقة تقشعر لها الأبدان الرحمة و الرضوان لروحها

[@user-ct5sw3fn2r]

الله يرحمها

[@fuututdu5860]

ياه فاجرة ورقاصة عارية متعرية رجعتهانا ام مؤمنين حقير اكثرمنها يالطيف

[@samirmamdouhzaid9263]

واللهي ما كنت اعرف اي شىء عن هذه السيده العظيم غير انها كانت راقصه ربنا يرحمها ويجعل مثواها الجنه

[@haifatm3251]

واللهِ

[@dr.omaimagado10]

فيه مسلسل حلو جدا باسمها كاريوكا شوفه يوتيوب .سيرة ذاتية حلوة

[@emadhamdi3800]

ربنا يرحمها ويسامحها ويسكنها فسيح جناته .. كل الشكر لحضرتك لانك القيت الضوء على الجانب الايجابي وغير المعروف من حياة الفنانة تحية كاريوكا واقسم لك انى اكاد ابكي من شدة الحزن لما حدث لهذه الفنانة

[@H.Saad-ry8cc]

انت رجل محترم..والعبرة بالخواتيم...الله يرحمها

[@H.Saad-ry8cc]

لي سؤال هل انت الفنان عماد حمدي

[@memonemo4542]

المواطن سعيد مصر ام العرب ومصنع الابطال وانت منهم تحيه لك من اخ عراقي

[@user-ur3zd3os7e]

شفت كل مسلسلاتهم وكلهم كانوا يحبون الوطن وخيرهم لغيرهم 😢😢 الف رحمه على قبرهم

[@mmcmmc9635]

استاذ ورئيس قسم كالعاده ست مصريه اصيله ولينا الشرف نقول انها مصريه

[@mohamedshamselden6199]

ورقاصه

[@mmcmmc9635]

@@mohamedshamselden6199 كلا ياخذ ويرد منه الا صاحب هذا المقام وكانت هناك امراءه بغيه دخلت الجنه لانها روت كلب عطشان وارحم من الرحمن لا يوجد

[@sonofkemet9653]

@@mohamedshamselden6199 في الاخر طلعت اشرف منك

[@fawzifalih5019]

تحية كبيرة للست تحية. انا الصراحة أحب تمثيلها أكثر من رقصها. فيفي عبده أيضا فاشلة كراقصة لكن هايلة كممثلة. مافيش في الرقص قدك يانعيمة عاكف!

[@pleasesalm4704]

الكثير حكى عنها فهي كانت لها اخلاق عاليه . ربي يرحمها ويسكنها الجنه ..ربنا عارف اكثر من البشر ..

[@Tymoo]

تحيه خاصه للاستاذ سعيد من قلب الصعيد اسيوط

[@user-kq4om9vj6u]

كلنا نؤيد الزعيم السيسى حفظه الله من خطر الإخوان #الإرهابين ____________

[@rafaatyamani4514]

الاستاذ المحترم بصراحه لقد غيرت كثير من الافكار عن ماضي المغفور لها تحية شكرا لك على توضيح الكثير من جوانب حياة السيدة تحية كاريوكا

[@user-zl6fd4xf4k]

فعلا كلامك صح وحبتهاجداً وده يعلمنا مانحكمش على حد لان ربنا واحده اعلم بعباده

[@Kheder-ef1yw]

انت عرفت ازاي انها مغفور لها ربي يرحمها ويغفر لها

[@saeed5300]

اتفق معك والغلط من الاعلام مانصفها في حياتها ومماتها الله يرحمها ويغفر لها ..تحيه شكر للمحترم المواطن سعيد على هذه الحلقه المميزه ♥️

[@klkl-rn3ow]

المفروض تكتب المغفور لها باذن الله لان المغفره والعقاب بيد الله وحده لا إله إلا هو سبحانه وتعالى

[@alilocoll5455]

@@Kheder-ef1yw چ

[@mayamod9394]

المرأه الحديديه يارب ارحمها واغفر لها ماتقدم وماتأخر من ذنبها وضيفها رحمتك الواسعه ووسع مدخلها واكرم نزلها ونقيها من الذنوب و الخطايا ، واقبل توبها واغسل حوبتها و والدي يارب العالمين وموتانا وموتى المسلمين

[@zohraamry7701]

شكرا لاننا لم نكن نعرف حيلتها نحن في الجرائر نعرفها عن طريق الافلام كراقصة انما الآن نعرفها كامرأة وطنية مؤمنة صالحة اللهم اسكنها فسيح جنانك واكتبها مع أحبابك اللهم آمين

[@Adool556]

ساعود بعد ساعة وأرى عدد محبيين الله 💖🎇

[@firasbenhajla3468]

الله يرحمها و تحية ليك أيها المواطن السعيد من تونس 🤍

[@user-hq8qn5is3u]

انا احب اسم المواطن سعيد عشان وطنى ابن وطنى ومننا واحنا منه وبسيط وجدع وابن بلد ويحب وطنه احسن قناه على اليوتيوب من ساعة لما النت نزل مصر وانت تستاهل لما العرب مش مصر بس تعمل لك احلي لايك وانا اولهم ❤

[@aymanyounis7715]

المواطن سعيد كل التحية و الإحترام و التقدير لشخصكم الكريم و بجد أجمل و أكثر الكلمات معني في نهاية الفيديو في تلخيص معني التوبة و الإيمان و رحمة الله التي وسعت كل شئ فعلا كلام كله معاني جميلة و عميق لكن لمن له قلب ملئ بالإيمان و يدرك معني إنما الأعمال بالنيات ولا يستطيع أحد الإطلاع علي ما في القلوب سوي الله عز وجل.

[@ahmed-slem-aquarim]

فايز حلاوه الله يرحمه زارها وهي في الغيبوبه وكان بيبكي لكن اتفاجى بأنها فاقت وقالتله انت لسه بحبني يا فايز الله يرحمها ويغفر لها ويسكنها فسيح جناته الله يعين كل مذنب علي التوبه 🤲

[@yahyakyahya6758]

الله يرحمها ويغفر لها ويسكنها فسيح جنانه

[@user-kq4om9vj6u]

كلنا نؤيد الزعيم السيسى حفظه الله من خطر الإخوان #الإرهابين ____________

[@khedrabuzeid2100]

أولا غفر الله لها ثانيا بشرها الشيخ بقصر فى الجنة هذه لا يبشر بها إلا رسول الله صلى الله عليه وسلم

[@najwaaljeder2139]

حقيقي أجمل قصة سمعتها ما كنتش اتخيل ان تحية كاريوكة بالجدعنة و الوطنية دي الله يرحمها و العبرة بالخاتمة.

[@Gamalgamil1108]

فعلا

[@bayabjm1988]

تحية وتقدير من متابعة جزائرية حلقة رائعة بكل المقاييس ربنا يرحمها ويرزقنا التوبة النصوح يارب ويغفر لنا

[@user-fk7pb2qr8n]

قصة والله تبكي الحجر 🥺🥺🥺🥺 الله يرحمها ويغفرلها يارب

[@sehamhemdan70]

الله أرحمها وأرحمنا وأهلنا جميعا وكل المسلمين❤

[@user-iv6bn4hh4g]

رحمة الله عليها كانت شخصية عظيمة وقوية

[@mohamednaga26]

مصر جبارة بابناءها في كل المجالات رحم الله أبناء مصر في كل عصر وزمان

[@Dhammar]

يرحم الأمام وشيخنا متولي الشعراوي من بغداااد كل الحب لشيخنا الله يرحمه ❤🙏

[@user-kq4om9vj6u]

كلنا نؤيد الزعيم السيسى حفظه الله من خطر الإخوان #الإرهابين ____________

[@user-eg4ru3le5n]

@@user-kq4om9vj6u ايش دخل الاخوان والارهابيين ! الشيوخ لا علاقه لهم بالاخوان ويا ليت تتركون الربط الغريب هذا

[@user-sw4ej2dd7k]

@@user-eg4ru3le5n هو حافظها كده سيبه مع نفسه

[@user-kz2vf2zb3o]

@@user-kq4om9vj6u يارب يارب يارب الفاتحه .

[@user-gj2ex2sp6o]

هذا هو الرمز الصحيح 🤲🤲🤲🤲

[@cityhills7135]

اقل شيء تقدمه مصر فيلم عن سيرتها كفاحها تكريما لها رحمها الله وغفر لها وأسكنها فسيح جناته بارك الله فيك يا احمد

[@fahadaltaleb2900]

اجمل واروع ماقدمت كأداء وقصة وحكمة بارك الله فيك وفي جهودك

[@user-ko7if6ly7r]

😢😢😢🇱🇾...... والله العظيم وجعتني جدااااا ... سبحان الله ماعندهاش حظ ابداااا مع الناس . الله يرحمها ويرحم جميع المسلمين ...

[@user-xu3zb3vg9r]

انتظر حلقاتك بفارغ الصبر يا استاذ ..سلامي عليك وعلى اهل مصر الحبيبه من سلطنة عمان

[@anwerelmekawel2599]

جهد مشكور وأقدم لك تحياتي لهذا الجهد الكبير

[@aboamaar2547]

يا الف مرحب بيك يا محترم الي يحب ابن بلدي احنا نحبو والمواطن سعيد فعلن من الشباب المحترمه الوطنية كولنا بنحبو يا مرحبا بيك للمره الثنيى من ام الدنيااااااا

[@magedfathy3009]

ربنا يرحم تحيه كاريوكا فعلا انسانه محترمه وفدائيه تستحق كل التقدير

[@stonecoldsteveaustin6114]

الحمدلله انها تابت قبل ان تموت الله يرحمها ويجعل مثواها الجنة ❤️❤️❤️

[@monash4]

اللهم اتنا في الدنيا حسنه وفي الاخره حسنه وقنا عذاب النار

[@MostaVaYT]

انسانه من اعظم ما يمكن و العبرة بالخواتيم ❤️🤲🏻 ربنا يرحمها و يجعل مأواها الجنه

[@user-kz2vf2zb3o]

يارب يارب يارب انسانه مومنه بمعني الكلمه ...الفاتحه..

[@user-hy4oj1ut5k]

من تاب توبة نصوحه تاب الله عليه رحمها الله وغفر لها

[@user-rl3kb8rl4o]

مشاءالله عليك احسن واحد يوضح ويشرح الأحداث انا من متابعين حضرتك

[@user-km3tz9ed7i]

قسمن بالله شعر ايدي وقف من القصة تحياتي لك يلمواطن سعيد ولكل شخص من مشتركينك الاعزاء واحترامي لمصر دولة الشهامة والجدعنة وللمواطن على هذا الإلقاء الرهيب💙💙

[@user-zl6fd4xf4k]

ربنا يرحمها ويسكنها فسيح جناتة كل حكايه بتعلم منك حاجه جديده تحياتى لك

[@sultanzamani8258]

الله يرحمها ويرزقها جنة عرضها السماء والأرض بالفعل لا تحكم على احد بسبب اخطائه لأنك لاتعلم ماذا بينه وبين الله مع أجمل الأعمال الصادقة والخفية

[@sarakhalifa2413]

بنت بلد وجدعه وللاسف مالقتش الراجل ف حياتهاة 🎉🎉 الله يرحمها ويفغر لها ويسكنها فسيح جناته

[@magdaabdelwhab1591]

ربنا يرحمها ويغفر لها ويسكنها الفردوس الأعلى

[@aidousalah8608]

شكرا على القصة و الموعضة فعلا مؤثرة والله يرحم كاريوكا انشاء الله بالرغم أنني المرة الاولى أسمع عنها واسمع اسمها كوني لست من بلد مصر

[@user-qu9zx9ff8q]

ربنا غفور رحيم وما يعلم بلناس الا الله

[@yosha6669]

الف رحمة لارواحهم الطاهرة ونتمنى الكشف عن مثل هذه الاشياء والقصص لانها تعطي فارقا كبيرا ...شكرا مواطن سعيد 🙏💐

[@salmaabdelwahab9285]

انت شخصية فريدة وعندك حضور غريب ربنا يحبب فيك خلقه

[@eslamzaki3762]

يا أخي انت لو إتكلمت عن القلم الرصاص هتطلع من وراة تاريخ و بطولات وحاجات اول مرة نسمع عنها كم انت عظيم أيها السعيد 😍

[@Mohamed-Elhassan]

مهو فعلا وراه تاريخ

[@user-rp1jy8vp4q]

فعلا يستحق المدح. ونقدر مجهوداته. بارك الله فيك

[@islamabdelnasser4740]

شخصيه عظيمه يارب ارحمها واغفر لها واجعلها من اهل جنه الفردوس الاعلي

[@hadeernasr8988]

جملة رحل فاروق وأتى فواريق سمعتها منها في حوار أواخر أيامها مع الإعلامي الكبير الله يرحمه خالد حبيب

[@soso7276]

الله يرحمها ويغفرلها ويسكنها جنات النعيم … جدعه قسم بالله عن مليون رجال وبنت رجال ورب الكعبه ❤️❤️❤️❤️

[@engiali4077]

يعنى كان فى الزمن ده الفنانين عارفين انهم واجهة لثقافتنا فكان كلامهم لبق ولبسهم محتشم وكانوا على دراية بأوضاع المجتمع ودلوقتي كلهم ماتوا وأصبح الوضع العكس تماما وأصبح معندناش ثقافتنا العربية ونقلد الغرب تقليد اعمى و الفضل لواجهة الفن دلوقت

[@Idk-wm6gk]

و ماكنوش بيبوسوا أبدا. بس هما كانو محترمين و كويسين الصراحة

[@user-ts4em3nm4e]

لا كلامك غلط دلوقتي احترمو نفسهم كتير جدا

[@saifct9052]

@@user-ts4em3nm4e هما كده بالنسبالك محترمين

[@nagwanour1689]

الله يرحمها ويغفرلها ويسكنها فسيح جناته مع النبيين والصديقين والشهداء في الفردوس الأعلى

[@haissamelkadi7657]

انت راجل رائع . الحلقه دي ابكتني والله وخلتني افكر في كلامك عن البدايات والنهايات للانسان. ربنا يعزك ويزيدك

[@z-x-]

الله يرحمها من إنني لا أعرف عنها سوى رؤوس أقلام الا إنك اختصرت أشياء كثير الله يرحمها ويغفر لها ويجعل قبرها روضة من رياض الجنة

[@user-gp4ll4kf3k]

كان عندها مبدأ وانسانية ووطنية جدا الله يرحمها ويغفر لها ❤

[@carljonson4769]

💃💃💃💃💃💃💃💃💃 ههههههههههههههههههه أحلي مبدأ طبعا. إدفع لي، تجدني!!!!

[@user-gp4ll4kf3k]

@@carljonson4769 وليش بتحط ف ذمتك ؟ وان كان قد يغفر الله لها ولك إثم الظن

[@carljonson4769]

@@user-gp4ll4kf3k هذا ليس بسوء ظن على العكس تماما. أتمنى أن الله سبحان و تعالي يعاقبها علي أفعالها و أفعال كل الأثمين في دنيتنا و سبب فسادنا

[@user-gp4ll4kf3k]

@@carljonson4769 " ومن يعمل مثقال ذرة خيراً يره "

[@carljonson4769]

@@user-gp4ll4kf3k بسم الله الرحمن الرحيم "ومن يعمل مثقال ذرة شرا يره" صدق الله العظيم

[@user-dj4ts3jl9z]

صلوا على النبي

[@ghadagold1716]

ياالله على السيرة الطيبة بعد الموت نوع من أنواع رضا ربنا ده غير حسن الخاتمة الله يرحمها ويغفر لها ويسكنها فسيح جنانه

[@nonamedo1347]

الله يرحمها ويغفرلها ويتجاوز عن سيئاتها حلقه جميله جدا

[@ahmedibrahim6854]

صدقت يا أخي والله ربنا يجعلنا من التائبين ويختم لنا أعمالنا بما يحبه ويرضاه

[@samaki101]

الله يرحمها و يرزقها الجنة برحمتك يا أرحم الراحمين

[@zahra.mary1]

رحمها الله آناسها الله عوضها الله الجنة. يُقال بأن الكفن ليس له جيوب ، وأنا أقول : بل له جيوب لا يعلمها إلا الله، فاملؤا جيوب أكفانكم بالصدقات وأعمال الخير. تحياتي

[@hodasalman4935]

الله يرحمها و يحسن اليها و يجعل مثواها الجنه

[@user-ur6qb6oe1t]

اللهم اني أسألك العفو والعافية والمعافة في الدنياة والاخره 🌱☘️💙

[@LoloElgendy-hy9ho]

من دلايل اعمالها الطيبة إن ربنا جعل محترم زيك يدافع عنها ويسرد أعمالها الطيبة .. رحم الله تحية ..

[@fatimaabu-roomi8545]

شكرا على البرنامج الرائع. الله يرحم روحك تحية كاريوكا

[@mast7vsaa]

والله انت تستاهل يتبعك 100مليون علشان يسفيدو من معلومات حضرتك حلقه كل يومين قليل علينا حاول كل يوم حلقه احسنت والله ربنا يحفظك ويسعدك ويوفقك يارب

[@abdelfattahelganzory5348]

أبكيتنا يارجل *** نسأل الله لها الرحمة والمغفرة *** اللهم نسألك جسن الخاتمة

[@zozaali9576]

تحيه كاريوكا كانت شخصيه نادره كانت انسانه وربنا احسن خاتمتها ربنا يرحظها ويغفرلها ويسكنها الفردوس الأعلى من الجنه

[@lydiaboulahbel140]

رحمها الله و غفر لنا و لها. مفيش حد معصوم و كلّنا أصحاب ذنوب. اللهم إنّا نسألك العفو والعافية. كل الحب من الجزائر 🇩🇿 ❤ 🇪🇬

[@ahmedwagih9037]

ربنا يرحمها ويغفر لها ويسكنها فسيح جناته يارب العالمين

[@user-ne6wo5uy8d]

الله يرحمها ويغفر لها ويسكنها فسيح جناته اللهم امين يارب العالمين

[@fofaanwr2486]

ربنا يرحمها ويغفر لها ويجعل مثواها الجنه وناعمها يارب اللهم امين

[@habibafriez6497]

انت عالمي و سردك تحفه👍👍👨‍✈️

[@mohsenfarouk3712]

الله يرحمها ويغفر لها ويسكنها الجنه ..اللهم امين...

[@user-hk6ip2ee1y]

شكرا جدا علي الحلقه انا مهتمه بتحيه كاريوكا اصلا وبحبها جدا 😍🔥👌👑❤️

[@user-ym2nv2dm6i]

ربنا يرحمها ويغفر لها ويجعلها من أهل الجنة يارب احسن خاتمتنا جميعا

[@user-tb3hp9nu8l]

قال تعالى : ( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم ) ( ان الله يحب التوابين ويحب المتطهرين )

[@Alberans_Hassan.777]

"وماكان الله معذبهم وهم يستغفرون" ‎ استغفرالله العظيم من كل ذنب اذنبتـــه استغفرالله العظيم من كل فرض تركتـــه استغفرالله العظيم من كل إنسان ظلمته استغفرالله العظيم من كل صالح جفوتـه ‎‎ استغفرالله العظيم من كل ظالم صاحبته استغفرالله العظيم من كل بر أجلتـــــــــه استغفرالله العظيم من كل ناصح اهنتـــه استغفرالله العظيم من كل محمود سئمته استغفرالله العظيم من كل زور نطقت بــه استغفرالله العظيم من كل حق اضعتـــــه استغفرالله العظيم من كل باطل إتبعتــــه استغفرالله العظيم من كل وقت اهدرته استغفرالله العظيم من كل ضمير قتلتــــه استغفرالله العظيم من كل سر افشيتــــــه استغفرالله العظيم من كل أمين خدعتـــه استغفرالله العظيم من كل وعد اخلفتـــه استغفرالله العظيم من كل عهد خنتـــــه استغفرالله العظيم من كل امرئ خذلتــه استغفرالله العظيم من كل صواب كتمته استغفرالله العظيم من كل خطأ تفوهت به استغفرالله العظيم من كل عرض هتكته استغفرالله العظيم من كل سر فضحته استغفرالله العظيم من كل لغو سمعته استغفرالله العظيم من كل حرام نظرت اليه😍😍

[@saeds3573]

كلام جميل عن انسانه أروع وأفضل الله يرحمها الفنانه تحيه كاريكا

[@samyelsharkawy9195]

اللهم اللهم اللهم ارحم الفنانه القديرة...وكل عظماء مصر من الفنانين في العصر الذهبي اللذين كانوا قوة مصر الناعمة ( Soft Power) !!! اشكرك God bless and save great Egypt قيادة وشعب وطن

[@Lovely-1999]

تحية كاريوكا سعودية واصولها سعودية لبست مصرية

[@samirasam6412]

اللهم ارحمها واغفر لها واجعل قبرها روضة من رياض الجنة يا ارحم الراحمين و احلى تحية كاريوكا

[@sosoz9885]

الله يرحمها ويسكنها فسيح جناته ويرحم امواتنا واموات المسلمين