مصر وحرب تايوان

حلقات مقترحة
الحرب العالمية الثالثة
• الحرب العالمية الثالثة
معركة المحيط الهادئ
• معركة المحيط الهادئ - ...
معركة القطب الشمالى
• معركة القطب الشمالى - ...
سد الصين العظيم
• سد الصين العظيم
لو حضرتك كل اللى شاغل بالك اذا كانت الصين هتحارب أمريكا ولا لأ.. فخلينى أقولك ان السؤال الأهم اللى المفروض يشغلك.. هو ايه مصيرك انت كمواطن عربى لو الحرب دى قامت.. وعلشان نجاوب على السؤال ده خلينا الأول نجاوب على سؤال تانى أهم.. هو فعلا الصين وأمريكا هيحاربوا بعض ولا لأ؟..
مبدئيا لو الحرب قامت النهاردة.. فالعالم بكره الصبح.. بما فيه حضرتك فى مصر والسعودية والإمارات وحتى أمريكا وبريطانيا وفرنسا.. هتدفع تمن الحرب دى من جيبك انت.. ليه؟.. لأن الحرب على تايوان معناها ان الصناعة فى العالم كله هتقف.. وسلاسل التوريد هتعطل.. ليه يا أبو حميد كل ده؟.. واحنا مالنا ؟.. أقولك مالنا ونص سيدى المواطن..
أوكرانيا اللى روسيا دخلتها دى بالنسبة للعالم مش مجرد بلد زى أى بلد.. أوكرانيا دى ربنا وهبها نص إنتاج العالم من غاز النيون.. طيب هو ايه النيون ده وايه أهميته؟.. هقولك.. النيون ده بيستخدموه فى صناعة أشباه الموصلات الدقيقة والمتقدمه.. ودى أشباه الموصلات اللى بيتم استخدامها فى صناعة السلاح والسفن والعربيات والموبايلات والكمبيوترات.. والأهم من كل ده.. انها أساس تصنيع أنظمة الأمن السيبرانى.. يعنى اللى امتلكها.. امتلك قدرة التجسس على العالم..
يعنى روسيا اللى احتلت أوكرانيا دى.. مكنتش بتحتل مجرد قطعة أرض على حدودها علشان مضايقة من أوروبا وحلف الناتو.. أبدا سيدى المواطن.. روسيا كانت بتحط ايدها على نص إنتاج العالم من غاز النيون.. يعنى بتسيطر على نص إنتاج السلاح وأنظمة الأمن السيبرانى فى العالم كله.. ودى ضربة لو تعلمون عظيمة وخطيرة فى نفس الوقت..
والحقيقة سيدى المواطن دى معلومة كفيله بإنها تخليك تعيط.. ليه؟.. لأن فى الوقت اللى العالم كله كان بيبص فيه على أوكرانيا باعتبارها كنز مواد تصنيع السلاح وأنظمة الأمن السيبرانى.. وصناعة السفن وصناعة السيارات وتكنولوجيا صناعة الموبايلات والكمبيوترات.. كانت الدول العربية كل اللى شاغلها شوية القمح اللى هيجولنا من أوكرانيا.. لذلك نرجع ونقول ان مشاريع التصنيع اللى مصر شغاله عليها دلوقتى هى أهم إنجاز اتحقق للبلد دى من 100 سنه فاتت.. اللى هينتج لنفسه النهاردة هو بس اللى هيضمن قوت يومه بكره..
حضرتك تقولى استنى بس.. احنا كنا بنتكلم عن تايوان.. ايه اللى ودانا أوكرانيا.. أقولك إن أوكرانيا لو بتستحوذ على نص إنتاج العالم من المواد اللازمة لإنتاج أشباه الموصلات.. فتايوان اللى الخناقة دايرها عليها دلوقتى.. بتستحوذ لوحدها على 90% من تكنولوجيا إنتاج العالم لأشباه الموصلات.. وبالتالى احتلال الصين لتايوان معناه استحواذها على 90% من تكنولوجيا صناعة أشباه الموصلات.. وقبلها روسيا استحوذت على نص إنتاج العالم من المواد اللازمه لتصنيعها.. يبقى أمريكا بكره تقعد على الرصيف تمد ايدها لروسيا والصين.. وطبعا مش أمريكا لوحدها اللى هتقعد على الرصيف.. كلنا هنقعد معاها على نفس الرصيف إلا إذا امتلكنا تكنولوجيا تصنيع احتياجاتنا..
طيب هنا سؤال مهم.. هل أمريكا هتسمح للصين تستحوذ على تكنولوجيا صناعة أشباه الموصلات الموجودة فى تايوان؟.. أقولك ان العقل والمنطق بيقولوا مستحيل.. لكن يحصل ايه لو الصين ركبت دماغاها واستغلت انشغال أمريكا بأوكرانيا.. ودخلت تايوان؟.. أقولك ده سؤال عظيم.. تعالا نجاوب..
اللى تابع من حضراتكم زيارة رئيسة مجلس النواب الأمريكى نانسي بيلوسي.. هيلاحظ ان الصين اللى كانت عماله تهدد قبل الزيارة.. معملتش حاجه لا خلال الزيارة ولا حتى بعد الزيارة.. حضرتك تقولى ازاى بس معملتش حاجه.. دى بدأت مناورات عسكرية وعماله تضرب فى ذخيرة حيه من ساعة ما نانسي بيلوسى مشيت من تايوان.. أقولك الله ينور عليك.. مقضياها مناورات بعد ما نانسي بيلوسي مشيت.. يعنى برده معملتش حاجه.. الصين لو كانت قادرة تعمل حاجه.. أو ناويه على حاجه.. كانت ضربت الطيارة نفسها.. لكن ده من رابع المستحيلات سيدى المواطن.. لأن أى خدش فى طيارة رئيسة مجلس النواب الأمريكي.. معناه ان الحرب قامت.. وهنا لازم تقف وتفكر..
الصين لو ناوية على الحرب.. كان زمانها حاربت فعلا.. ومعرضتش نفسها للإحراج اللى عايشه فيه دلوقتى بسبب تهديداتها اللى وقعت على الأرض.. أما المناورات فملهاش غير وصف واحد.. وهو ان الصين بتلوش.. زيارة نانسي بيلوسي لتايوان.. كانت عامله بالظبط زى اللى ضرب الصين على دماغها.. فكل اللى بتعمله انها بتلوش فى كل اللى حواليها.. لكن بدون تأثير واضح.. طيب هل التلويش اللى بتعمله ده خطير يعنى؟.. أقولك انها نفذت مناورات بالذخيرة الحية على سواحل تايوان.. ده غير ان صواريخ البحرية الصينية بدأت تقع فى المياه الاقتصادية الخاصة باليابان.. لدرجة ان اليابان اشتكت لمجلس الأمن.. لكن طبعا كل ده أى كلام.. ملوش معنى.. عامل بالظبط زى إيران لما أمريكا ضربت لها قاسم سليمانى.. عملت ايه ايران؟.. قعدت تهدد وتتوعد وهنعمل وهنسوي.. وفى الاخر راحت ضربت قاعدة عسكرية أمريكية فاضية فى العراق.. اللى هو أى حاجه تحفظ ماء الوجه..
طيب هنا برده سؤال مهم.. ليه الصين متدخلش تايوان حتى ولو هتحارب أمريكا؟.. هى الصين صغيرة ولا ضعيفه؟.. ده جيشها يسد عين الشمس.. أقولك طبعا انت صح.. لكن اللى هيرد عليك هنا خبراء عسكريين سألتهم وول ستريت جورنال نفس السؤال اللى حضرتك سألته دلوقتى.. قالو ايه بقى؟..
من المصادر
bit.ly/3oWqoN8
bit.ly/3BKQElf
bit.ly/3bwK0Vd
on.wsj.com/3BTyX2O
on.wsj.com/3Qtlbbz
on.wsj.com/3QpcZJb
on.wsj.com/3BMbroz
on.wsj.com/3QpcWNv
bit.ly/3Qf3FaO
bit.ly/3QtltiF
#المواطن_سعيد #حرب_تايوان

[@Ahmed_Said]

تفتكر الصين هتعمل حاجه ؟

[@zakaria_ahmed_116]

لي مزكرتش حلفاء الصين زي روسيا وكوريا الشمالية في حربها ضد امريكا 🤔🤔

[@ahmedabdulrahman8363]

ليه متكلمتش عن دور كوريا الشمالية وروسيا جنب الصين في الحرب دي ؟

[@dhafirdarragy1758]

التنبأ صعب

[@user-ct5cy2ck9c]

يا رب لا

[@MC9a7]

اتوقع والعلم عند الله انها بتغزو تايوان بالتدريج يعني بتصلح علاقاتها مع الدول المجاوره لها وتحيد خطرهم و تضيق عليها اقتصاديا وتسيطر على الممرات البحريه التجاريه بعدها بتاخذ الجزر التابعه لتايوان بعدها بتبدا الغزو الفعلي لتايوان وتحتلها

[@user-un1eb3gp8p]

ولله طريقتك في الكلام و شرح بتخلي المعلومة توصلك بكل الطرق حفظك الله و رعاك يا سيد سعيد واصل ابداعك اخوك الصغير من ⁦🇩🇿⁩ بتوفيق ⁦⁦🇪🇬

[@Ahmed_Said]

تسلم لذوقك وتقديرك ❤️

[@nhymylove7952]

شرح سلسل وهادئ وممتاز وبيفتح تفكيرنا علي اللي بيحصل حواليا

[@mohamedalaasar6392]

كمية معلومات كبيرة وجديدة .وتحليل منطقي وعقلاني.الف شكر لك

[@Ahmed_Said]

تشرفت بمتابعتك 🌷❤️

[@abodihzazi2431]

افضل شخص يبسط الوضع الحاصل بدون اي فلسفة شكرا

[@-alexandria3413]

سلاسة العرض مبهرة كأنها محاضرة من أستاذ عالمي *

[@General_mostafa]

وحشتنا يا استاذ احمد ياريت تنزل حلقات يومية ومتطولش علينا ..كل الحب والتقدير والاحترام ❤🇪🇬

[@EssamElmasry-oy1ti]

بصراحه مجهود كبير من حضرتك يأستاذ سعيد وشرح فى قمه السلاسه ياريت تكلمنا عن كنوز ليبيا وتحالفها مع مصر حاليآ

[@mamdouhabden6253]

رب الازمات هو رب الفرج ♥️

[@user-vu8ge6uk7s]

امريكا نجحت في دفع روسيا للحرب وبتحاول تدفع الصين للحرب دول اقوي قوتين عالميتين

[@nadirmohammed7922]

استاذ سعيد شكرا علي الحلقات الجميلة دي اوي كنت حابب انك تتكلم عن تاريخ السسودان ومصر لما كانو دوله واحده وشكرًا

[@aheadahmed4409]

اه والله وبالمرة تعرف الكل وأولهم حضرتك أن مصر والسودان سله غداء العالم قبل مانسمع عن أوكرانيا والصين

[@abomoaaz7245]

@@aheadahmed4409 مصر ليس لديها اراضي زراعيه قبل ما تقول اي كلام كل ما تمتلكه مصر عشره مليون فدان اوكرانيا لديها أكثر من خمسين مليون فدان يا ريت تعرف طبيعة بلدك ومش تردد كلام وخلاص دون علم

[@nadirmohammed7922]

مصر والسسسودان بلد وحده

[@tahermessaadi2873]

تحليل فوق الوصف ماشاء الله عليك ،،،👍👏🇩🇿

[@Adham_alkelane]

نحبكم 🇪🇬❤🇩🇿

[@NA-PROJECT]

انت انسان محترم جدا و بتابع فديوهاتك بقالي فتره و مدمن علي قناتك عرفت منها معلومات زياده و استفدت منها و شكرا جدا ليك علي اسلوبك الراقي

[@Badra111]

كلمنا ي استاذ احمد عن القروض الي بتطلبها مصر واثرها ع الاقتصاد و دواعيها لو سمحت

[@emanmohamed3224]

أسال أبوك يقول لك

[@eslamwel865]

صل على محمد ♥️ سبحان الله وبحمده سبحان الله العظيم ♥️

[@ll-kl4ck]

الحلقة مفروض نازله قبل ٥٠ دقيقة لكن هذا مايمنع اني احط لايك

[@Gggggggg-ux6dn]

صلو على النبي عليه الف صلاه وسلام

[@user-kq4yy3jn7j]

اسلوب رائع ومشوق شكرا للمجهود المبذول لايصال المعلومات انتظر حلقاتك بشوق وصبر شكرا جزيلا

[@dmx17dev62]

تحليلك للموضوعات رائع ومصادرك موثوق فيها

[@foxel-naggar443]

مبدع كالعادة ❤️

[@medo10m]

اللهم نجينا من الهلاك مع الظالمين واضربهم ببعض من غير ضراء مُضرة للمسلمين اللهم آمين اللهم آمين اللهم آمين

[@mohamedkhalifa8749]

التخطيط المناسب هو الحاسم في تقييم توقيت الحرب

[@ahmedayman5023]

شكراً علي المحتوي الرائع من اكتر الحجات الي بتبسطني اني اشوف فديو جديد 😍😍

[@samehana6]

اشكرك سعيد...رائع كالعادة 🌹

[@Ahmed-1989-p3u]

تحيا مصر 🇪🇬

[@abearcharaf3034]

استاذ سعيد شكرا على المعلومات القيمه والطرح الجميل لخبر قد نعلم متى تبداء الحرب لكن متى تنتهي لا احد يعلم

[@mansourkhaled3072]

شرح جيد تشكر على مجهوداتك

[@mohamedalsaeed7370]

انت احسن و اجمل حاجه حصلت في الميديا

[@emmaasmrworld]

ولادي ١٠ سنين واخدين معلوماتهم كلها من فيديوهاتك شكرا لمجهودك

[@abdelraoof-wd7ct]

ا. أحمد .. تحليل شامل رائع رائع رائع . موفق دائما وأبدا .

[@youssifyasser5264]

اعمل حلقه عن الاحداث الى بتحصل في فلسطين حاليا فى فلسطين يا محترم ... و موضوع ان مصر عاوزه تبيع ديونها الخارجيه .. خلينا في بلدنا الخربانه و فلسطين الى خزلناها بعد كده نشوف تايوان 🙁

[@Yassin_Market]

انسان مثقف ومحترم

[@naglaaahmed1839]

اسلوب شرحك مبسط و واحد وجميل الف شكر

[@soryaessam1657]

الحلقه ف منتهى الروعه ❤️❤️❤️

[@mohammedtarek7867]

فيديو ممتع ومعلومات جديدة مثل باقي فيديوهاتك السابقة 👍🏻

[@user-vl6uq1hi8o]

قل لا إله إلا الله محمد رسول الله صلى الله عليه وسلم

[@eslamzaki3762]

الف شكر ليك ايها المواطن السعيد أحمد سعيد بحس ببهجة لما بلاقيك منزل فيديو جديد 😍

[@alifouadom6166]

استاذ سعيد انت تحلياتك و كلامك فريد من نوعه و توقعاتك دائمه بتزبط

[@jooemad3204]

انسان محترم وجميل دايما بيفيد الناس المهتمة بدون اى مقابل

[@salahmohamed1490]

احمدسعيدإعلامى مفيش زيه مثقف ومتعلم ومميز لابعد الحدود

[@safymohsen2697]

شخص محترم جدا ومواضيعك كلها هادفه وتدعوا للثقافة وما يدعمها انك تترك مصادر لكل كلمه تقولها لك خالص الشكر والتقدير والاحترام

[@user-kr2et4sd3m]

اسأل الله عزوجل ان يجعل بأسهم بينهم وان ينحرهم آمين

[@Bero1982]

ياعم الله ينور عليك وعلي والديك انت واحد من الناس اللي بتنور طريقنا بصراحه ... افهمو يا مصريين مين المحترم اللي عايز الصالح العام ومين البهايم اللي عايزه تدخلنا في قصص لا تنتهي

[@user-zj2kp7jx4y]

حلقة جدا روعة شكرا لجهودك ...

[@user-ts5ky1nl2w]

تمام كده الله ينور عليك يا اخي الكريم وبارك الله فيك وجزاك الله خيرا حلقه جميلة جدا وممتعة جدا وعندك حق في كل كلمه قلتها حسبي الله ونعم الوكيل

[@Ebrahim.-_u]

,فعلا ....ربنا يسترها علينا

[@mohammedaiman8000]

والله عظمه بس عايزين حلقه عن اختفاء جيش صدام حسين الي موافق يجي جمبي

[@ahmednaser1702]

احبك ف الله .. واحب طريقتك الممتعة ف الاقاء

[@bobzidan7592]

ما شاء الله على معلوماتك

[@ahmedelsaidali8083]

ده افضل برنامج سياسي

[@samimansour9488]

أحسنت جزاك الله خيرا

[@numanbinfalah9913]

حلقاتك راااااائعة وانت اروووع تحياتي لك سيدي المواطن

[@user-zj2yx6mv1y]

الله ينور عليك تحليلك مقنع وممتع

[@user-sg7qk3sj3i]

روعه تسلم يامدير

[@tamersamir4594]

مبدع كالعادة 👍👍👍

[@user-dn7vz3in9h]

الوحيد إلي بستني فديوهاتو. شكرا المواطن سعيد ياريت تكمله قطز

[@abouelkhirmahrous5035]

أنت معلم وتحيا مصر واولدها الشجعان

[@hamdymohamed5875]

عظيم كالعادة ❤️

[@user-jy4fd1xj9z]

بجد انت عالمي وشرحك للوضع دا بسيط وسلس جدا وطريقتك حلوه والله وربنا يوفقك وبندعي بجد ان ربنا يحفظ العالم دا يارب ❤️❤️

[@osamaeid1946]

احسن واحد يقدم محتوه . وبشكل رائع على اليوتيوب الله ينور عليك 😊

[@ahmedsalama5796]

حلقه روووووعه... تسلم يا بروفيسير

[@user-uy7ms3cf7z]

تحليل عميق احسنت

[@user-uo1eu8lk5o]

من افضل اليوتيوبرز هنا يقدم محتويات تعلمك وتفيدك مش حجات تاني تضيع فيها وقتك ع الفاضي تحياتي سيادة المواطن سعيد 👍💯♥️

[@elsayedaly9576]

احسنت تحليل عميق جدا

[@ahmedghanem9576]

انا مستنى الحلقه دى من زمااااان 👌احلى لايك من قبل ما اشوف الفيديو 💙

[@moustafaramadan3346]

حفظك الله ورعاك اخى

[@user-lj8nv4nw9g]

انت رائع ومنظم ودقيق تحياتى اتابع

[@user-ix1oh8ox8f]

أنا عايز أفهم حاجة واحدة بس وأتمنى إن حضرتك تعمل عنها حلقة إيه هيه خطة مصر لتسديد الديون الديون إللى عمالة تزيد كل يوم والتانى؟

[@MohamedAhmed-ld7yi]

افضل تحليل سمعته شابوة ليك

[@raafatmohammed2092]

متألق ومبدع دائما استاذ احمد

[@samirmamdouhzaid9263]

معلومات جديده و تحليل منطقي وبنتظر فديوهات القناة

[@mohamedmahmoud7476]

بجد شكراً ليك انت انسان محترم الواحد بيستفيد منك كتير

[@aymanmansour3889]

تحليل عظمة كالعادة ❤

[@OMAR-bz2lg]

شكرن شكرن ياستاذ زدن بالمعلومات اكثر وكثر الله يوفقك ❤❤❤❤❤❤❤❤❤🧡💛💚❤❤❤

[@user-jy9sw6bd9j]

شغل عالي ومجهود محترم

[@TB023]

اسلوب رائع وكايزما .. ربنا يحفظك.

[@user-vt6th5iv2x]

اهم جمله لاتملك القدرة علي إنتاج احتياجاته

[@mostafaabomalek3297]

مبدع ❤️

[@7iim_3]

احنا كمسلمين لازم نكون محايدين في هذي المواضيع تحيا جميع الدول الإسلاميه اخوكم من تشاد 🇹🇩❤️

[@mahmoodabdallah8959]

موفق ف محتواك وكلامك عن فهم للوضع الحالي ع ارض الواقع مش زي ناس كتير كلامهم العكس صحيح بيكون عن طريق فهم الوضع الواقع ع الارض

[@emanmohammed2742]

انت رااااااائع بجد خالص تحياتي

[@turkytamim1651]

بجد محتوى هايل تحياتي 🌹

[@michaelsomuele7492]

بجد انت شخص ذكي ومثقف وينتظر حلقاتك

[@user-fd3ro3gy7l]

كمية طاقة سلبية بالمقطع لاتوصف اخونا المواطن طلع مشاكل الها اول ما الها اخر شكرا ماقصرت

[@mohamedelzoghbi_3298]

اظن ان موارد الصين كفيله انها تخلي اي دوله تحتجلها وبالتالي اي دوله هتفكر تعادي الصين هتتحرم من مواردها الي مغطيه العالم كله

[@fareidfareid6484]

شكرا

[@user-lj2kt6ix5h]

لن نخاف ونعلم علم اليقين أن الله سبحانه وتعالى رحيم بعباده المؤمنين ومقسم الأرزاق حتى لا سمح الله قامت حرب قال تعالى ( وعسى أن تكرهوا شيئآ وهو خير لكم) صدق الله العظيم

[@mostafaelgendy9221]

ربنا يسترها

[@osamaelalwany]

من فترة لفترة بتعمل حلقة محترمة فعلا ولكن أحيانا مبتتعبش على محتواك فبتنشر أي حاجة من الحلقات التحليلية المميزة هذه الحلقة كمل على كدا الله يبارك فيك

[@ihmaidhmaid5090]

ربنا يستر

[@rabieragab8198]

من فضلكم صلوا على الحبيب النبي سيدنا ونبينا وحبيبنا محمد صلى الله عليه وسلم اللهم ارحم موتانا و أشفى مرضانا

[@mo7amadmokhtar815]

لما بتمسك موضوع بتجيب أخره وبإنجاز كمان حقيقى مبدع

[@elleelkady1788]

تحليلك ممتاز

[@oldman8392]

كلامك صح بجد ويحترم ممتاز افضل تحليل ممكن تسمعة الآن ولكن يخوف جدا

[@talalmorad5672]

الله يقويك ويحفظك ويثبتك على الحق والصح تميزكم في تميزكــــــــــــــــــــــــمَ المحتوووى الاسلوب ابداع دقه روعــــــــــــــــــــــــــــــــــه استمــــــــــــ

[@elwa7sh681]

احسن محلل بجد ولا سمري ولا شريف ولا اي حد يا ريت حضرتك تبقي كل يوم فيديو بنستفيد من حضرتك 👍

[@abomoaaz7245]

سمري وشريف دول هجاصين

[@elwa7sh681]

@@abomoaaz7245 فعلا دي حقيقه

[@sherenatia2431]

اللهم على شأن مصر واحفظها وانصرها وأهلها وجيشها وسماءها وارضها وصل الله وسلم على سيدنا محمد وعلى آله وصحبه أجمعين

[@raza2603]

تحياتي لحضرتك يا محترم الله ينور عليك و بتوفيق أن شاء الله دايما ليك يا محترم و تحيا مصر ام الدنيا و يحيا جيش مصر العظيم و الشعب المصري العظيم 🌸💐💗🌹🇪🇬🇪🇬

[@user-ly2pw7ic4f]

ان من واحد يتابعك ممكن صير تنزل عن قصص من جاسوس نهر رين مثل هيك

[@buongiorno5607]

انا بحب فيديوهاتك جدا استمر ❤️❤️❤️

[@omarrabie1294]

عظيم👏