Aingeru Zudaire: "Zaila izanen da, baina gomazko pilotak desagertzea lortu dezakegu"

Kalte ordaina emanen dio Espainiako Barne ministerioak Aingeru Zudaire atarrabiarrari, Espainiako Poliziak jaurtitako pilotakada batek begibakar utzi ostean. Ohikoa da Nafarroan manifestazioak eta protestak kargekin desegitea poliziak. Espainiako Poliziak eta Guardia Zibilak, gomazko balak erabiltzen ditu horretarako. Foruzaingoak, berriz, foam jaurtigailuak 2016tik. Ez da hori irtenbidea, ordea, Aingeru Zudaireren iritziz, horiek ere arriskutsuak direlako. Legean hutsune bat dagoela dio. 2012an kolpatu zuen Espainiako Poliziak atarrabiarra, greba orokor batean izandako mobilizazioetan, eta begi bakar utzi zuten. Hamar urte eman ditu erantzuleen bila, eta berriki Auzitegi Nazionalak 100.000 euroko kalte ordaina emateko agindu dio Espainiako barne ministerioari, egindako oinazeagatik.