Рет қаралды 224,163
அஜித் சொன்ன வார்த்தை மாறிய வாழ்க்கை! John Kokken emotional interview | Vembuli | Sarpatta parambarai
#Sarpattaparambarai #Johnkokken #Vembuli #Poojaramachandran #Ajith #Actorajith #Boxing
திரையரங்குகளில் வெளியாகும் என மிகவும் எதிர்பார்க்கப்பட்ட பா.ரஞ்சித் இயக்கத்தில் உருவாகிய சார்பட்டா பரம்பரை திரைப்படம், ஓடிடியில் அமேசான் ப்ரைம் வீடியோவில் வெளியானது. இப்படத்தின் டிரெய்லர் வெளியானது முதலே, படத்தின் மீதான எதிர்பார்ப்பு அதிகமாக இருந்தது. இந்நிலையில், படம் வெளியான சில மணி நேரங்களிலேயே #SarpattaParambarai ஹேஷ்டேக் சமூக வலைதளங்களில் டிரெண்டானது.
இந்த படத்தில், வேம்புலி கதாப்பாத்திரத்தில் நடித்திருந்த ஜான் கொக்கன், ரியல் லைஃபில் பிரபல வி.ஜே பூஜாவை திருமணம் செய்து கொண்டவர். சிவா இயக்கத்தில் நடிகர் அஜித் நடித்த வீரம் திரைப்படம் மூலம் தமிழ் திரையுலகில் அறிமுகமான ஜான், நீண்ட இடைவெளிக்கு பிறகு இப்போது சார்பட்டா பரம்பரை திரைப்படத்தில் நடித்துள்ளார்.
இந்நிலையில், ஏபிபி நாடு தளத்திற்கு அவர் அளித்த பிரத்யேக போட்டியில், “வீரம் படத்தில் அஜித் சாருடன் நான் நடித்தபோது, ‘உனக்கான நேரம் வரும், அது வரைக்கும் வெயிட் பண்ணு’ என்று அஜித் சார் சொன்னார். இப்போது, சார்பட்டா பரம்பரை திரைப்படம் வெளியாகி அனைவரின் பாராட்டுக்களையும் பெற்று வரும் நிலையில், வேம்புலி கதாப்பாத்திரத்திற்கு வாழ்த்துகள் குவிந்து வருகின்றது. இந்நிலையில், படம் வெளியான அதே நாள் ஒரு போன் கால் வந்தது. ‘நல்லா பண்ணிருக்கீங்க, படம் நல்லாருக்கு. நான் சொன்ன மாதிரி உங்களுக்கான டைம் வந்திடுச்சு’ என அஜித் சார் போன் செய்து வாழ்த்துகள் தெரிவித்திருந்தார். உடனே என்னுடைய மனைவிக்கு போன் செய்து இந்த சந்தோஷமான நிகழ்வை பகிர்ந்து கொண்டேன். இந்த ஒரு தருணத்திற்காகவே 15 ஆண்டுகளாக நான் காத்திருந்தேன்” என தெரிவித்துள்ளார்.
முன்னதாக, வேம்புலி கதாப்பாத்திரத்தில் நடித்த ஜான் கொக்கன், நடிகர் அஜித் அவரது இன்ஸ்பிரேஷன் எனவும், இந்த கதாப்பாத்திரத்தை அஜித்திற்கு டெடிகேட் செய்வதாகவும் தனது இன்ஸ்டாகிராம் பக்கத்தில் பதிவிட்டிருந்தார்.
அதில், ”நன்றி அஜித் சார். எனக்கு எப்போதும் தன்னம்பிக்கையும், உத்வேகமும் அளிப்பது தல அஜித்தான். வீரம் படப்பிடிப்பின்போது உங்களுடன் பகிர்ந்து கொண்ட நேரம் எனக்கு வாழ்க்கை பாடமாகியது. கடினமாக உழைக்கவும், நல்ல மனிதாக உருவாகவும் எனக்கு எப்போது ஓர் இன்ஸ்பிரேஷனாக இருக்கின்றீர்கள் நீங்கள். இந்த வேம்புலி கதாப்பாத்திரத்தை உங்களுக்காக டெடிகேட் செய்கின்றேன் சார். ஐ லவ் யூ அஜித் சார்” என மிக உருக்கமாக பதிவிட்டுள்ளார். இந்த போஸ்ட் வைரலானது.
CREDITS:
Anchor: Sana
Camera: Bharathwaj & Venkatesh
Editing: Reegan JNR
வணக்கம் தமிழ்நாடு, நாங்கள் ABP நாடு
உங்கள் செய்திகள்... உங்கள் மொழியில்...
Hello Tamil Nadu, we are ABP Nadu
Our news in our language
ABP Nadu website: tamil.abplive....
Follow ABP Nadu on,
/ abpnadu
/ abpnadu
/ abpnadu