Рет қаралды 26,953
Бүгін Ақтөбе облысындағы Шалқар айналым депосының жұмысшылары да бас көтерді. Жұмыстарында «қысқарту болады» дегенді естінген 100-ге жуық теміржолшы наразылыққа шықты. Сөздерінше қысқарту басталса, азаматтардың тең жартысы жеп отырған нандарынан айырылады. «Бәріміз біріміз үшін» деген ұжым, компания кеңсесінен бастап Шалқар ауданы әкіміне дейін барды. Алайда жиналғандардың уәжін Шалқарда ешкім тыңдай қоймады.
Теміржолшы:
- Ембі өзінің локоматив бригадасының санын азайтпау үшін осы плечоны өзінің депосына алып бергісі келіп отыр. Егер де алып берген жағдайда Шалқардың айналым депосы бригадасының елу бес пайызын қысқартуға тура келіп тұр.
Теміржолшылардың сөзінше, егер қысқарту басталса Шалқардағы Депо Ембі депосының қарамағына өтетін көрінеді. Бұл жағдайда Шалқардағы жұмысшылардың елу пайызы жұмыстарынан айырылады. Солай болатынын да күні кеше ғана басшылық ескертіп кетті дейді жиналғандар. Шалқар депосында қазір 300-ге жуық адам бар екен. Оның 128-і машинист, ал қалғаны көмекшілері мен кеңсе қызметкерлері. Алайда теміржолшылардың Ақтөбедегі басшылары қысқарту болмайды деп отыр.
АЙБЕК ТАЛАСОВ, ҚТЖ «Жүк тасымалы» АҚ Ақтөбе облысы бойынша бөлімі директорының орынбасары:
- Өзімде жаңа көріп отырмын. Соц сеттен. Анықтаймыз. Ертең сөйлесу жұмыстарын жүргіземіз. Но бірақ қысқарту болады деген әңгіме жоқ.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар