Рет қаралды 12,895
«Көмір жоқ, бар болса да қымбат. Ал жылыжайға жылу тұрақты әрі біркелкі берілуі керек» дейді, Сарыағаш ауданы, Дербісек елді мекенінің диқандары. Өсімдіктердің солыңқы болып тұрғаны содан. Бұлай жалғаса берсе, жылыжай бизнесі әрі қарай жылжи алмайды, шаруалар істі тоқтатуға мәжбүр болады.
Екінші мәселе - алыпсатарлардың бағаны сындыруы. Жылыжай иелерінен 300-400 теңгеге алып кетіп, базарда 1000 теңгеге сатып тұр.
Қазақстанның өз қияры пісіп жатыр, бірақ, оны шетелге шығартпайды. Керісінше, елімізге көрші елдердің өнімі кіруде. Арзан бағамен келіп, халқымызға қымбатқа сатылып жатыр.
Соңғы уақытта бірталай жылыжайдың қаңырап бос тұрғанын көзіміз көріп жүр. Мемлекет бұл саланы қолдамаса, жағдай одан бетер ушығады. Қымбатшылықтың көкесі сонда болады.