Рет қаралды 85,772
Алматы облысының Кербұлақ ауданында мектеп директорлары сұмдық оқиғаның бетін ашты. Сөздерінше, олар аудандық білім бөлімі мен СЭС-тің ұсынысы бойынша портфолионың әрқайсысы 40-50 мың теңгеге сатып алуға мәжбүр болған. Ал ол жерде қарапайым мектепте сақталатын санитарлық талаптар ғана жазылған. Даудың ушыққаны сонша енді жиналған ақша мектеп директорларына қайта қайтарылып жатыр.
САМАЛ ҚАБЫШЕВА, тілші:
- Даудың басы дәл осы партфоледен басталған. Мектеп директорларының айтуынша, әрбір мектеп 40-50 мың теңгеден төлепті. Ал дәл осындай партфолио жасатуға Білім бөлімінің басшысы мен ауданның СЭС бастығының міндетін атқарушы азамат жеке кәсіпкерге дәл осылай жасатасыздар деп кеңес беріп, талап қойды деп отыр.
КҮНСҰЛУ МУЛЬТИБАЕВА, Малайсары орта мектебінің директоры:
- Әли деген жігітті бізге Нұрсұлтан зумға қосады ғой. Өйткені сіздер жасай алмайсыздар, сондықтан мен ақпараттық осы ИП мен жасайтын жігітті қосамын деді. Қосты да, ол кісі именно осы өндірістік бақылау бойынша сөйтсек мына бұйрықтарға ссылаться етіп, айтып отырады да 50-60 мың дейді. соынмен шуылдайды. Сонмен 40-50 түсіреді. Енді жасай алмайсыздар деп тұрғаннан кейін, директорлар бір ауыздан келіседі.
Осылайша 42 мектептің директоры 40-50 мың теңгеге осы жиынтықты сатып алуға амалсыздан келістік дейді. Ал тапсырыстары дайын болғанда төбемізден жай түскенмен бірдей болды дейді мектептің басшылары. Себебі, партфоле тек орыс тілінде жазылған, екіншіден ішінде тек мектепте сақталатын санитарлық талап жазылған. Оны бұйрық негізінде ашып айтса, өзіміз ақ жасайтын едік дейді.
КҮНСҰЛУ МУЛЬТИБАЕВА, Малайсары орта мектебінің директоры:
- Гүлжанат Базарбаеваның минусы сол болып тұр, ол білім бөлімінің басшысы ғой. Бізге СЭС ұйғарым бере алмайды, Ұйғарым беретін бізге білім бөлімінің басшысы. СЭС бізге команда бере алмайды ғой. 40-50 мың ол қай жерден шыққан дүние. Білім бөлімі таптыма, немесе Али бәріңіз бірікті ме, значить, барлығыңыз сыбайлас жемқорлықта болып тұрсыздар.
Мектеп директоры атын атаған Гүлжанат Базарбайқызы қазір Кербұлақ аудандық білім бөлімі басшысының міндетін атқарушы екен. Ол жеке кәсіпкерді СЭС -тің бастығының міндетін атқарып отырған адам зумға қосты. Мен ақша жинау жөнінде білмедім деп отыр.
ГҮЛЖАНАТ БАЗАРБАЙҚЫЗЫ, Кербұлақ аудандық білім бөлімі басшысының міндетін атқарушы:
- Үшінші адам қосылып кетіп, үшінші адам жүргізеді деген маған ескертілген жоқ.
Ал СЭС-тегі бастықтың міндетін атқарып отырған Нұрсұлтан Әмірбеков партфолені жасайтын адамды зумға қосқанын мойындады. Бар мақсатым маманнан бағдарламаны жасау жолын біліп, қаласа өздері тапсырыс беріп жасатсын дегенмін дейді. Себебі, өндірістік бақылау талаптарын Кербұлақтың мектептеріне 5 жылдан бері жасата алмай келеміз дейді.
НҰРСҰЛТАН ӘМІРБЕКОВ, Кербұлақ аудандық санитариялық-эпидемологиялық бақылау басқармасы басшысының міндетін атқарушы:
- Өздері келісіп, аламыз бүйтеміз, сүйтеміз деп алып, соңында аудандық білім бөлімін тықты. Одан кейін Сэс ті тықты. Арты осындай үлкен әңгімеге әкеп тұр.
Ал ең сорақысы бағасы 40-50 мың теңгеге бағалаған партфолені жасаған адам жеке кәсіпкер емес екен.
ӘЛИ, тапсырыс орындаушы:
- Менің авторлық құқығым жоқ қой дұрыс па, екінші нәрсе ИП болмағаннан кейін бүкіл барлығы қарсы болып жатқанан кейін, егер мен жасаған бағдарлама көңілдеріңізден шықпаса толықтай ақшаларыңызды қайтарамын деп басында айтқан болатынмын.
Осылайша мектеп директорларына ақшалары қайтарылатын болды.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#портфолио #дау #директорлар_шағымы