مفاجأة في أزمة الإيجار القديم .. وتامر أمين يدخل في مشادة مع الضيوف بسبب المالك والمستأجر

[@doaaahmed7696]

انا ايجار قديم زوت الايجار وهو ده الحل زياده الايجارات القديمه بسيطه حتي يسود العدل

[@samiamorshedy5262]

والله حرام الإيجار القديم يعنى إحنا كنا بندفع للغاز من سته إلى ثمانى جنيهات وكذلك المياة والكهرباء دلوقتى لا تقل فاتورة الكهرباء والمياه والغاز عن ال ماءة جنية المفروض الدولة تضع قانون يتماشى مع زيادة فواتير الكهرباء والمياه والغاز وتزيد على سنوات بنسب معقولة تعوض الفرق الشاسع بين الإيجار والفواتير

[@XABCYOUSAFABCX]

سواءال هومين إلى أخد الخلو

[@sa3atsa3at78]

التوريث اللى اعرفه فى الإسلام الملك فقط لكن الايجار ليس توريث دى بلطجه وعلى حسها المستأجرين بيسرقوا الملاك حسبنى الله ونعم الوكيل فيهم

[@sarahisham1545]

حضرتك نبي

[@sa3atsa3at78]

@@sarahisham1545 لا يافندم بس حضرتك لوعرفتى دينك وسمعت العلماء كنتى وفرتى على نفسك التهكم او السخريه

[@سومازوماعامر]

انا معاك ولكن للأسف مفيش مالك سكن مستأجر بايحار فقط ولكن بياخد مبلغ كبير خلو رجل ومبلغ كبير تاني من الإيجار ويدفع نص الإيجار والنص الآخر يخصم من المقدم

[@sa3atsa3at78]

@@سومازوماعامر ممكن زى ما بتقول موضوع الخلو لكن ايضا فى ناس لم يدفعوا خلو وسكنوا والشقه على المفتاح دول اللى بقصدهم لكن اللى دفع خلوا ولم يأخذه من العدل ياخذ حقه

[@mohamedmoh5464]

حضرتك انا عندي بيت ورث من والدي وفيه سكان كل شقه ب عشرين جنيه وفي نفس الوقت انا مستأجر شقة منطقة اخري قريبه من بيت ورث والدي وبدفع ايجار كبير اعمل ايه ؟؟!

[@KhalidElsayed-h1r]

الحد الادنى للاجور 6000الحد الادنى للايجار الثلث فتره انتقاليه 3سنوات زياده سنويه20% تسليم فورى للمغلق

[@ghazi5776]

المحامي مزعج لا يترك الاخر في قول وجهة نظرة

[@احمدالسواحلي-س3ط]

تحية الاستاز تامر امين على شجاعتة على مناقشة هذا الموضوع بعد ان تخلى عن مناقشتة كثير من الصحفيين

[@WafaaElassar-g2l]

لصحه العقد اجرة معلومة لمدة محددة ...

[@halasamir602]

بجد الاستاذ وليد ده محترم وبيتكلم بشكل مقنع التاني ده تحسه جايه يعقدها وبعدين فعلا في ناس قافله الشقق عشان بتدفع 10 جنيه وطظ في المالك بجد ده حرام

[@IbrahimIbrahim-ny7oh]

بارك الله فيك يا دكتور وليد

[@misho_agha3592]

القانون اللي بيتناقش بيتكلم فقط عن الشقق.اين المحلات يااستاذ تامراللي ايجارها الشهري الان ١٢ جنيه في الشهر بقالهم ١٠٠ سنه في المحل ومش عايزين يطلعوا منه وبيورثوه جيل بعد جيل .دي مهزله والله.حقنا ومش عارفين ناخده ومش عارفين نرفع الايجار

[@amanydaghash5242]

استاذ امين ادونا حقنا في الإيجار مش عايزيين نطلع السكان عايزين حقوقنا وبس

[@manalmahfouz1420]

انا معاشي 5000ج ادفعه كله ايجار هاتبقي حاجه مستحيله...اعمل ايه

[@amalfared7281]

لازم الدولة الاول تحد من ارتفاع الايجار الجديد الهستيري الذي يهدد استقرار الأسرة وتدمير امان الأسرة وبالتالي المجتمع

[@سمسمه-غ1ل7ذ]

موضوع التوريث العقد شريعه المتعاقدين خلصت

[@doaaahmed7696]

الشقق الايجار القديم المقفوله تتفتح للملاك

[@WafaaElassar-g2l]

حسبنا الله ونعم الوكيل

[@amanydaghash5242]

اللي انت بتقوله يا استاذ امين ان الغلط في منظومه القضاء والتشريع

[@شريفحامد-م7س]

حسبى الله ونعم الوكيل في كل من يدافع عن الظلم لأن الإيجارات القديمة حرام شرعا ولماذا المالك يدعم المستأجر اين الحق والعدل

[@slahlotfi]

حرام على المستأجر و حلال على المالك لما كان مستفيد منها و دلوقتي عرف إنها حرام و الدولة ماشية في قانون حرام

[@nahidyoussef1771]

حسبي الله ونعم الوكيل في كل ظالم

[@amerasaid7352]

هم عايزين الناس كلها فى الشارع

[@manalramadan547]

وليد بيه تابع السماسرة واجنة خارجية عوزه مصر كلها فى الشارع

[@rashahelal4678]

المفروض المشكلة أكثر من نصفها يتحل لو أخذت الشقق المغلقة والاعتبارى

[@yehiakishk2508]

طيب انا عندي ساكن سائب الشقه بتاعته وعنده سكن في التجمع الخامس وفي مدينتي وفي الشيخ زايد وقاعد دلوقتي في بيت حماته في دوران شبرا ومابيدفعش ايجار بقاله ٨سنوات وعندي شقه تانيه سايبها المستأجر وقعد في بيت حماته وتوفي وهو الوريث لمراته واشتري بيت اخر في نفس المنطقه وفيه ٣شقق فاضيه مساحة الشقه ١٣٠م وبنته يتساومنا علي ٥٠ الف ج شقه مساحتها ٥٥م فهل هذا عدل رغم أنهم تاركين الشقه خرابه ولم يقوموا حتي بتجديد النقاشه فيها من اكتر من اربعين سنه وابشقه أما جسنا نفير المواسير بتاع السباكه والمياه وكان ابوهم سائب الشقه بتاعته بقاله حوالى ٨ سنوات قال اعملوا لي طبه و صلوا المياه والمجاري لباقي الشقق وبعدها مات ومراته ماتت قبله بعشر سنين

[@شريفعبدالعزيز-خ2ق]

يسقط قانون الايجار الجديد وجشع الملاك

[@rashadmashal5579]

إنت بتحب السحت والحرام والبلطجة، ، بكره انشاء الله هتقعد في الشارع، ،كفاية عايشين ببلاش بقالكم ٦٠ سنة

[@sam.6555]

قانون الايجار القديم قانون ظالم جدا للمالك. اولا ايجارات مهزلة وثانيا كيف يتوارث الابناء الايجار الهزيل من اباءهم. يعني وكانهم استملكوا الشقة والمالك يطلع من المولد بلا حمص. الدولة هي المسوؤلة عن توفير سكن للمواطنين وليس اصحاب الاملاك

[@nadiaadel66]

طيب فى 80 و90 ولحد دلوقتى فى ناس دفعت فى محلات وشقق مبالغ كبيرة جدا فى تنازل وخلو وتوضيب مكان وايجار وخدمات وتراخيص وعمال وضرائب ممكن توصل لملاين ايه مصيرهم اتنصب عليهم يعنى

[@mrmohamedanees8528]

انت لوبتتكلم عن الايجار ات من سنه 60 فان الملاك اخدوا تمن العقار غدة مرات ويريد زىادة الايجار اما لو كان في التسعينات فيكفيكم الخلو والقيمه الايجاريه المرتفعه عن سعر السوق

[@nadiaadel66]

@@mrmohamedanees8528 احسب بقى60 الف الخلو و500 ايجار سنه 83 والتشطيب ونشاط ورخصه تجارى للمكان واسم تجارى كمان بسعر السوق الحالى هو ده العدل

[@sam.6555]

@@nadiaadel66 لازم يكون في حال عادل. لايوجد قانون في العالم بيورث الاجار للابناء والاحفاد. واعطيك مثال مامعنى ان مصطفى فهمي المليونير مثلا يسكن في شقة اجار قديم ورث اجارها عن ابوه وابوه عن جده. اين العدل مهو عنده اربع فيلل وغيره ملايين عندهم املاك وفلوس ويسكنوا ايجار قديم او يتركوها مغلقة. صاحب الملك هو اخر من يستفيد من ملكه. هو مش فاتح جمعية خيرية

[@باباسينولولى]

تتتنخح

[@taghreedabosaif696]

بارك الله فيك يا دكتور وليد ٠٠كلام مظبوط بالنسبه للشقق المغلقه ترجع لأصحابها ٠٠

[@omsayed2090]

حضرتك. صح. يادكتور. وليد. بارك. الله. فيك. المفرود. الشقه. لم. تتورس. ويدفع. الاجره. بمعدل. التضخم. الحلي. احنا. عندنا. وريس. اجوز.. في. الشقه.. بعد. ماالمستاجر. مااغلق. الشق. ثلاثه. سنوات. والمساجر. ولده. حصل. علي. شقه. من. الاسكان... بعدها. زوج. ابنه. فيها. بنفس. الاجره. وهب. خمس. واربعين. جنيها. ملحوظه. اغلق. الشقه. ثلاثه. سنوات

[@HodaMahrws]

عندى ساكن قففل الشقه ٢٠سنه وهوه فى سكن تاني الرجاء لافاده

[@edabel1675]

يا أستاذ أنا أقدم لك التحيه لأنك راجل محترم وعقلانى وكلامك موضوعى لا يختلف عليه أحد وما دفعنى لكتابة تعليقى لك أنك طرف محايد برئ من أى غرض أو هوى لذلك أردت أن أبرز لسيادتكم نقطه هامه تجاهل ذكرها الجميع وحتى من طرفى العلاقه ومن الحكم المحايد بينهم عسى الله ان يجد ضميرك لها بعض الحق فى ألأنصاف وقد يجعل الله لك كطرف نظيف ومحايد صوت يرتفع بالحق فى أبراز نقطه هامه يجد المشرع للكثيرين من أمثالها نوع من التعويض فى أى صياغه للقانون الجديد ..... أنا مستأجر أسمى محمد المتولى عبد الحميد عمرى 77 سنه على المعاش أسكن فى شقه بالعماره 8 شارع قنال السويس حى محب بالمحله الكبرى منذ عام 1969 برغم أنى مستأجرولكن قلبى وضميرى يميل لصالح الملاك أصحاب العقارات بمن فيهم صاحب العقار الذى أسكن فيه العماره التى أسكن فيها 4 أدوار على شقتين الدور ألأرضى على شقتين يقيم به المالك خمسة مستأجرين يسكنون العماره قبلى كل ساكن فى شقه وأنا آخر السكان الذى أستأجر شقه فى العقار من المالك لأحل محل ساكن قبلى فى توقيت جميع ملاك العقارات كان كل منهم أدرك أنه لن يستطيع زيادة ألأجره وأن الساكن القديم سوف يقيم فى الشقه ولن يتركها ألا بالموت وقد يرثها زوجته وأولاده لذلك كان كل الملاك يقفل الشقه حتى يجوز فيها أبنه مستقبلا وأحتكمت أزمة السكن فى ذلك الوقت ولم يكن أى مالك فى هذا الوقت يقبل أن يؤجر لساكن جديد محل ساكن قديم ألا لو تقاضى على ألأقل ما يعادل ثمن هذه الشقه لأنه شبه بيفقدها للأبد بلا مقابل ولم يكن معى مبالغ تكفى الخلو فأضررت لبيع قطعة أرض كنت أشتريتها فى نفس المنطقه لأبنى عليها منزل أعيش فيه أنا وزوجتى وأولادى ولكنى لم يكن معى أى مبالغ للبناء لأنى موظف والمرتبات أيامها كما تعلم فأضررت لبيع قطعة ألأرض التى تبعد عن الشقه مسكنى 3 دقائق مشى على قدمى وكانت ألأرض مساحتها صغيره 120 متر أمام مدرسة مصطفى كامل ألأعداديه بالمحله بعتها ب3 جنيه المتر أستكملت على ثمنها 15 جنيه من المرحوم والدى وأعطيت المالك 375 جنيه قبل أن ينقل لى عقد ألأيجار بأسمى قبل تسليمى الشقه وبعلم كل أسرته وألأبن ألأكبر للمرحوم المالك ألذى هو من جيلى أصبح هو المالك الحالى وهو يعلم كل هذه التفاصيل ومازال مقيم معى بنفس العقار وعلى قيد الحياه ولا يكتم الشهاده وكنت الساكن الوحيد بالعماره الذى دفع خلو لأن السكان قبلوا كانو سكان من أيام ما كانت اليافطات معلقه على الشقق للأيجار ..وضمرى يقول أن المالك تعرض لظلم أنه أجر الشقه بالتراضى بسعرأيجارها العادل فى حينه ولكنه لم يتمكن من رفع سعرها ليجارى الوقت والأسعار بدون رضاه …. ولكنى تعرضت لظلم أفدح منه بأن أدفع مبلغ أعلى كثيرا من ثمن شقه أستأجرها ولا أملكها برغم أنى بعت فيها ثمن أرضية بيت على بعد خطوات منها ثمنها الحالى 3 مليون جنيه وألآن المالك يقول لى خد الخلو الذى دفعته 375 جنيه وأنقل فى شقه ثانيه هل لدى سيادتكم حل عادل متوازن لهذه المشكله التى ظلم فيها بعض المستأجرين أيضا

[@rawiaali630]

الدوله تتخلص من مسؤلياتها في تسكين الناس و ترميها على الملاك

[@nadiaadel66]

طيب فى 80 و90 ولحد دلوقتى فى ناس دفعت فى محلات وشقق مبالغ كبيرة جدا فى تنازل وخلو وتوضيب مكان وايجار وخدمات وتراخيص وعمال وضرائب ممكن توصل لملاين ايه مصيرهم اتنصب عليهم يعنى

[@احمد-ف7ظ4ص]

@@nadiaadel66 انته كان معاك مليون غى ٨٠ 😊😊

[@midomido-un8pm]

حسبي الله ونعم الوكيل في كل الطامعين في الفلوس ومش مهم الناس تترمي في الشارع ويبقا كلابها علي ديابها

[@الحمدلله-و2ي2ظ]

@@nadiaadel66 دول قله

[@fozeldeeb1637]

خلوا المالك يدينا نصف القيمة اللى هايبيعا بيها واحنا نديهاله

[@amlaly2934]

حق الملاك السعر الحالي

[@محمودحسين-ج5ق3ي]

اناساكن بالايجار وعندي ٣شقق ملك ساكن فيهم ناس بايجار قديم وكل ماتقدم لسكن تابع للإسكان يرفضوا الطلب لان عندي أملاك هل ده يرضي ربنااناعندي الحل ممكن كل صاحب شقة ماجرها إيجار قديم ياخذ ألمستاجر ويقدم اعلي شقه في الإسكان باسم المستأجر ويدفعلوا مقدم الحجز والساكن يفضل في الشقه لحد ما يستلم شقه الاسكان

[@nhnp2828]

معالي الوزير عندي اقتراح يخص حل قانون الايحار القديم في اسرع وقت و حقناً للدماء و اي مشاكل ممكن تترتب علي ذلك. الحكومه تشتري كل البيوت الايجار القديم و يتم تقييم قيمة الارض و المباني بسعر اليوم و اعطائهم وحدات بنفس القيمه في المناطق الجديده و الاقرب لسكنه الفعلي قدر الإمكان. بعدها الحكومه تقدر تحل المشكله علي رواق مع السكان و تحدد الحكومه الفتره الزمنيه المناسبه براحتهم بدون ضغط من الملاك. و هي الحكومه تستفاد من الاراضي ده بعد الهدم في توسيع الطرق كمان و نبقي ضربنا كذا عصفور بحجر واحد و حلينا حتي للمستقبل. اولا قطع اي خلاف ما لي القانون الجديد ممكن ان ينشأ بين المالك و المستأجر و تحقيق السلم المجتمعي. حيازه الدوله لأراضي كثيره في مناطق حيويه تقدر منها تشتغل على لي البنيه التحتيه براحتها في المستقبل. ملئ المدن الجديده بالهجره اليها من الملاك

[@ياربستركورضاك-ث5ل]

للأسف موضوع قانون الإيجار القديم عيناقش فيه مجلس الشعب له ١٥سنة ولم يصدراي قرار وما زال النقاش مستمر حتي ٢٠٣٠ انا عندي مستأجر شقة سنة ٩٥ وله ٢٠ سنه ساكن بالقاهرة ٣ مرات رفع دعاوى اثناء الإعلان يتصلوا بيه يحضر أمام المحضر ومعه شهودبانه مقيم ترفض الدعوي وللاسف جميع المتحدثين القانونين يتكلمواظلم بان المالك أخذا خلو المالك لم يأخذ خلووانما أخذا مقدم إيجار يخصم جزءشهري وبعدالانتهاء يسدد الإيجار كامل كلمةخلو لتضليل العدالة حسبي الله ونعم الوكيل

[@MohamedAhmed-fj8yw]

توره على الحكومه مض حاسين با الشعب وغلاء الأسعار والعيشة الزفت دى

[@nahidyoussef1771]

هو الحل أن الدولة تعمل تعداد علي السكان وتأخذ أسمائهم ويتم تسليمنا شقة وتأخذ منا مثل ما أخذت من العشوائيات وتسيب الشقق للمالك

[@عليالجبالي-ز4ش]

لابد من العداله في هذاالموضوع لان يوجددبعض الملاك قداشتروبعض العقارت بثمن بخس بمناءعلي ملكية الايجار االقديم فاين العداله فلابدمن العداله في التوازن بين المالك والمستاجر الحكومه كانت بتدعم الماك القديم بالحديدوالاسمنت في البناء ولذلك الحكومه كانت تقوم بعمل تخفيض الايجار وقامت الحكومه بالزياده بشراءح من سنه ١996 رجاءالنظربعين الاعتبار بان هذا قنبله الوحدات المغلفه تردبايجبار التسليم الي المالك

[@lokaloka4682]

ازاي انا سكنه ايجار قديم الشقه ٣٠ متر بمنافعها وبدفع ٣٠ جنيه كدا يزود عليه ياناس حرام علبكم ف ناس غلابه كتير

[@kadryhashish7211]

الدكتور وليد اراءه كلها سابقه مجلس النواب ومع ذلك المحامي بيحاول يقلل من اراء د. وليد والمذيع يضغط من اجل استخراج من د.وليد ان يتماشى مع اراءه

[@elhadidielhadidi6807]

يا ريت الدولة تحل مشكلة الأوقاف وتدي الناس حقهم في وقف مورثهم زي الدولة ما بتدور على حقوق الملاك وعايزين ترجعلهم الشقق اللي السكان جددوا وصرفوا عليها وكان زمانهم إتملكوها بالفلوس اللي صرفته عليها

[@HassanAli-tw8ou]

دكتور وليد ده راجل محترم وفاهم

[@shawkymorsy6822]

الحكومات السابقه هي السبب في هذه المشكله لذا يجب الحل بحكمه دون الاضرار باي من الطرفين لان بعض الموءجرين توفو واسرهم مازالو يقيمون في نفس السكن وظروفهم لا تسمح بدفع قيمه الايجار الجديد

[@tahrermartyrsexcellent535]

الدكتور وليد جاد الله ردوده قويه ومركزه وذكيه وواثقه باحتراف وفى جانب الحق والمحامى وائل نجم للأسف يحاول المراوغه فى ردود هزيله والمذيع يتدخل بصوره جيده لإيقاف مراوغاته الطفوليه العبثيه

[@waelidriswaelidris7539]

الكارثة في ثقافة عند المستأجرين انهم اصحاب مكان والحكومة هي السبب عشرات السنين من التجاهل للمشكلة حتى وصل الامر الى ان اصبح المستأجر يظن نفسه شريك وبيقول بكل بجاحة انا دفعت تمنها على اساس انه كان بيدفع اقساط تمليك واصحاب المصالح منعوا تصحيح الوضع سبعين سنة ، على رجال الدين والقانون والاعلام تصحيح الاوضاع والمفاهيم وفكرة ان الأرامل والمطلقات والمعاشات اكيد موجودة ولكن نادرة بالنسبة للعدد الاجمالي ، عشان الموضوع زاد عن حده والمدافع عن الباطل صدق نفسه وسيعلم الذين ظلموا اي منقلب ينقلبون

[@دكتورمحمدسعيد-س3ل]

معقول من حكم الدستورية العليا في التسعينات حتى الان لم يمت عندك مستاجر بدون اولاد واخذت شقته ومعقول حتى الان لم تبيع البيت بالمستاجرين ثم ابوك اخذ ثمن البيت خلوات ومقدامات ايجار البيت الي بناه بملاليم ايام الحديد والاسمنت المدعم والارض المتر بجنية اديني عقلك

[@soheirazmy3234]

انا اجرت من السبعينات..ولسه عايشه و2 مستاجرين ماتوا والورثه قفلوا الشقق وسكنوا فى فلل

[@rashahelal4678]

لماذا لا يقوم البنك بشراء الشقق من المالك ويقسط للمستاجر مثل مبادرة تمويل البنك لشراء شقق بفائدة 3%

[@hodaramadan6441]

انا اللى أحدد عايز أعمل إيه فى ملكى،يا أخى انا مش عايز أبيع

[@lovemot76]

انا كمان مع حضرتك فى هذا القرار ياريت ونقسم ثمن شقتنا

[@LostDream2000]

متبيعيش وانا مستأجر ومعايا عقد والعقد شريعة المتعاقدين

[@sarahisham1545]

المستأجرين اصحاب حقوق وليسو لصوص... تم توقيع عقود بالتراضي وفقا لصحيح القانون

[@midomido-un8pm]

يسلم فمك فيه عقد وليس المستاجر اغتصبها من المالك العقد شريعه المتعاقدين

[@amrsalama2566]

ماتسمع الحوار بيقول لك الحكومة الاشتراكية أجبرت المالك ان مدة العقد تكون أبدية وحددوا الاجرة ووقفوها من ستين سنة بدون تغيير. ده يرضي ربنا ؟

[@gennnech]

اي كلام و لو كنتي شوفتي الحلقة فعلا مش هتقولي كده.

[@shamseldinmohamedmorsi6406]

ماشاء الله ربنا يباركلك يادكتور وليد لا زم حضرتك تكون مع الاجتماعات عشان كلامك بالقانون ممتاز ربنا يوفقك

[@sheryinmekawy8580]

بالنسبةللحد الادنى للاجور طيب اللى ماعندوش اجور سيادتك وعايش بالعافية وواخد سكن على اجرة معينة اناذنبى ايه

[@الاحمدالاحمد-ذ9خ]

نرجو يااستاذ تامر لا تشرد الساكن فى ظل هذا الغلاء

[@MH-pt7lm]

عندنا الايجار ٥ جنيه و عشرين قرش و فى واحدة وارثة محل ايجار من جوزها بتدفع ٧٠ جنيه و بتأجر المحل كل سنة لواحد غريب و تقول انه مشاركها بالبضاعه و بتقبض منهم ٤٠٠٠ جنيه الشهر

[@Ibbae]

ارفع قضيه ولازم تثبت انه مشاركها وان في شركه جديده علي الاقل علشان الضرائب

[@الحمدلله-ي6و4ي]

نفس المشكلة بالظبط عندنا .. حسبنا الله ونعم الوكيل .

[@الحمدلله-ي6و4ي]

@@Ibbae مفيش الكلام ده .. عندنا ٣ محلات في شارع تجاري عمومي .. وواحد من المستأجرين وقف نشاطه واجر المحل من الباطن لشخص غريب وقال انه شريكه وبياخد منه ٤٠٠٠ جنيه شهريا . وباقي المستأجرين قلدوه واجروا من الباطن ب ٤٠٠٠ جنيه.. مع العلم ايجار المحل ٥٠ جنيه فقط . تعبنا مع المحاميين .. وقالوا ان مفيش اي وسيلة اننا نثبت انها مش شراكة وانها سكن من الباطن . تخيل ان المستأجر نايم في بيته مرتاح وبياخد كل شهر ٤٠٠٠ جنيه .. واخويا مؤهل عالي شغال طول اليوم وطافح الدم ومرتبه ٤٠٠٠ جنيه . مين اولى بالايجار ابن صاحب البيت اللي تعب وشقي واتغرب سنين وحرم نفسه واولاده ولا ابن المستأجر اللي بيأجر المحل من الباطن ؟

[@Ibbae]

@@الحمدلله-ي6و4ي كلامك صح لاننا للأسف عندنا قانون ولكن لا يطبق او قانون معوّق متعرفش تطبقه وليس رادع لكل من تسوّل له نفسه مخالفه القوانين. احنا لا نحترم القانون لأننا ايضاً مش عارفين نطبقه مفيش ايه الزام في مصر لمراعاة او الخوف من القانون من قبّل السكان

[@engyali6908]

@@الحمدلله-ي6و4ي ،،

[@emadouf7705]

المفروض يكون فيه زياده في الإيجار وليس خروج السكن وطبعا دي عقارات قديمه يعني تبقي نصف إيجار الموجود حاليا في الجديد

[@Ħøš-f7v]

الاختلاف على القيمة الايجارية فقط وليس طرد المستأجر من مسكنة قانون المحكمة الدستورية العليا جعلت عقد الايجار يمتد حتى الجيل الاول الذى ارتضاة الطرفين ممكن رفع قيمة الايجار وليس طرد المستأجر حسبنا الله ونعم الوكيل

[@الشاعرطهمصطفي]

لابد من تحرير العلاقة كفايه لحد كده ايجار قديم

[@عبدالله-ث3ح7ل]

لازم العقود يكون محدده المده والايجار عندى المستأجر الاصلى مات من زمان هو وزوجته واللى قاعد بالشقه مش عارف هل هما اولاد المستأجر الاصلى ام اولاده والموضوع لازم له قضيه ومحامي لاثبات حقي حاجه مقرفه

[@monamasrya7667]

الكلام في هزا الموضوع خط احمر ومرفوض وكفاية زل ومهانة للطبقة المطحونة من الشعب

[@wowowwowow2675]

المستاجر والماللك هم واحد فى الكيان لان المالك كان شراء المالك كان نفسه القيمه اللى اشتراه المستاجر منذ زمان القيمه مقربه ولذالك خط احمر على قانون الايجار القديم لا مساس له

[@tarekyassin8899]

إخواني مأجرين ب1000 جنيه في الشهر وعندنا عمارة ورث من الوالد الشقة فيها مستأجرة ب5 جنيه هذا يرضي مين؟؟؟

[@ahmedabdalkarym9018]

حررررررررررررررررام

[@amlrizk4269]

لا مش حرام لان ده القانون القديم وهو اخد حقها وزياده بالخمسه جنيه هو بناها بكام 🤔🤔🤔🤔

[@Ibbae]

@@amlrizk4269 مفهوم خاطئ للملكيه. والمالك يعيش ازاي بالخمسه جنيه دي وازاي يصون او يقوم باصلاحات في البيت اذا كان يوميه الحرفي النهارده 200 جنيه. وهل يقدر يبع البيت؟

[@الحمدلله-ي6و4ي]

@@amlrizk4269 وابو المستأجر متشطرش ليه وبنى لولاده بيت يتلموا فيه ؟؟ هو العقد كان اتفاق بين المالك والمستأجر ان المالك يشقى ويتعب و يوصل الليل بالنهار ويحرم نفسه وعياله من كل حاجة علشان يبني بيت بطفح الدم .. وبعدين يؤجره لشخص يدفع له ملاليم ؟ العقد مكانش بينص على ان المستأجر يسدد جزء من ثمن الشقة بالتقسيط المريح وبعدها تؤول الملكية للمستأجر واولاده واولاد اولاده . العقد كان حق انتفاع مش حق ملكية . ربنا يخرب بيت اي حد يستحل حق الناس وتعبها وشقاها ويحرم الناس من حقها . الله المنتقم .

[@amlrizk4269]

@@الحمدلله-ي6و4ي وقتها مكنش ملاليم 🤔🤔🤔😂🤣

[@aboseef8132]

الاستاذ المحامي بيجادل من اجل الجدال ومش بيحل المشكله لكن الدكتور وليد كلامه متزن وبيخلق حلول

[@lovemot76]

بدل ما نقاط فى شقق جديده نقسط ثمن شقتنا وتتحول لتمليك ولا نريد ترك شققنا

[@slahlotfi]

دفعنا تمنها بالفعل خلال سنوات الاستئجار على مدار مثلا ٤٠ أو ٥٠ سنة

[@slahlotfi]

لو ممكن ندفع نصف ثمنها السوقي الحالي يبقى حل وسط مقابل تملكها و تملك نسبة من الأرض و ما يترتب على ذلك من حق تأجيرها فيما بعد و الانتفاع منها

[@bosysayed8733]

فين العدل حسبنا الله ونعم الوكيل ربنا ينتقم من كل ظالم أنا بدفع 185مره وحدا يزيد 1000 ربنا يرحمنا

[@ahmedsayed2376]

عاوزين تحلوا العلاقة بين الملاك والمستاجرين ارفعوا الموضوع الى الأمم المتحدة أو الاتحاد الافريقي وشوفوا حيقولو ايه وعرفوهم أن المستاجرين بقالهم 70سنه في الشقق بدون. ذياده سنويه أو مده لترك الشقق السكنية قانون مين اللي أفتي في ملك ليس له

[@faheemanis4971]

التخلف الثقافى والفكري يجعل المواطن الجاهل ينجب ١٢ ولد وبنت ويحملهم للدوله ونواصى الشوارع والسكن الحكومى وبطاقة التموين وشوال دقيق للعيش ٢٠ رغيف بجنيه واحد المهم ان تكون العزوه كبيره ومش مهم مستقبل الدوله ولا الشعب والملاحظ ان تمن علبة السجاير حسب ما اسمع حوالى ٤٠ جنيه او اكثر وقد تبلغ بعض الانواع ٦٠ او ٧٠ جنيه انا لا اعرف لأنى لا اشرب سجاير المهم ان علبة السجاير أم ٥٠ جنيه تعمل ١٠٠٠ الف رغيف على الدوله يعنى حضرة الجاهل عليه يشرب علبة سجاير كل يوم والدوله تأكل اولاده ولا ننسى ان هذه الزياده الكبيره فى السكان تحتاج زياده فى عدد المواصلات الحكوميه وانشاء عدد كبير فى الشقق والاحياء والشوارع وعدد الاطنان من الاكل وزياده فى عدد المستشفيات الحكومية وزياده فى عدد المدارس والجامعات علما بأن هؤلاء الجهله لا يذهبون الى الجامعات بل يتزوجون صغار بعد العشرين بسنوات بسيطه لسرعة الانجاب وكثرة العيله وزيادة العزوه على حساب بطاقة التموين والضمان الاجتماعى والحياه المجانيه على حساب الدوله والكلام فى هذا وتقنين زيادة الدوله وتنظيم الزياده السكانيه يحتاج تعميم الدراسه فيه تبدا من الصف الاول الاعدادى حتى يدرسها المواطن منذ الصغر لتكون ثقافه علميه مقنعه بالنسبه للمواطن وحتى لا نحتاج للدول الاخرى ونتقى شر الازمات والحروب التى تنشأ بين الدول فى العالم واخيرا نطلب من الله ان يحمى مصر وشعبها الأبى العظيم تحياتى للقارئ

[@اشرفعبدون-س5ف]

الحل ان الإيجارات اللى ثمنها مش متناسب مع الغلاء الموجود اللى متجبش ايجارها كيلو خضار دى تنظر لها ويزيد بقدر معقول والوحدات المقفوله ممكن التفاوض حواليهامع المالك ولايترك الايجار بيد المالك أنه يخرج المستأجر والا كل الملاك حيتجبروا ويستسهلوا خروج الساكن وده حرام الناس تعمل ايه وهى الدوله حاقدر تسكن الناس دى كلها انتم بتحلوا المشكله ولا بتعقدوها وهو الحل إرضاء المالك بس ورمى الناس فى الشارع

[@aidaatwa8505]

الدوله بتوفر مساكن بنسبة٣٪ لمدة ٣٠سنه لكن بشروط غير متوفره في من يسكن إيجار قديم مطلوب يكون موظف ودخله الشهري عالي جدا الي آخر الشروط إنما ابنه مطلقه تأخذ معاش والدها لايتعدي ٢٠٠٠ج ومتحمله مصاريف طفلين تعمل ايه؟؟ في حالات كتير لاتستطيع تأخذ مساكن تبع الدوله

[@اشرفعبدون-س5ف]

@@aidaatwa8505 الله يعينك ويعيننا على اللى بنشوفه

[@ashrafelsirafy2567]

لابد من تحرر العلاقه الايجاريه للتجارى و الادارى فورا وإعطاء مهله عام للسكنى لتوفيق أوضاعه وإذ لم يحدث ينهى العقد فورا

[@fifimohamed863]

اول قانون المفروض يري النور ان العقد لا يورث

[@elsayedhossney7766]

اقولك انا الحل العادل ان القيمه الايجاريه تزيد على الساكن بمعدل زياده الكهرباء والمياه من تاريخ تحرير العقد حتى تاريخ التشريع بالذياده ...

[@selim1949]

وبموافقة المالك .. أما إذا رفض فيخرج المستأجر وترجع للمالك شقته.

[@rashahelal4678]

المستأجر شرب المالك حاجة عشان يكتب العقد ما هو عارف وهو بيكتب العقد انه هيمتد وأن أولاده مش هيسكنوا فيه وهوبيكتب العقد كان عارف أنه هيخلف المفروض ماكنش يأجر ويسيب الشقق لأولاده ولاهو لعب عيال يكتب العقد ودلوقتى عايز يرجع فى كلامه

[@ebtiabbady5964]

الدنيا أيامها كانت المعيشة رخيصة علي الكل دلوقت كل حاجة غالية المفروض تكون علي الكل ..كان كيلو اللحمة بكم ودلوقت بكم؟ ..جرام الدهب كان بكم ودلوقت بكم؟

[@fatentourky4639]

فيه ناس حاسبة نفسها انها كده ضمن المواطنين اللي فعلا شايفه مستقبل مصر صح... تعديل القوانين البائده اللي مر عليها ازمان وازمان.. وكلها لا تصلح لهذا الزمان مجلس الشعب مفروض انه موجود لتعديل هذه القوانين وليس لعمل حوار مجتمعي كله ناس مش عايزه مصلحة مصر عايزه مصلحتها بس عايزه أصوات دايرتها ومصلحة حسابها ومش مهم ان القانون بيؤثر بالسلب على مسيرة. اقتصاد وطن وبيعرقل مسيرتنا هنفضل في الفساد غرقانيين والفساد زيه زي الإرهاب... يا مجلس الشعب انت من أجل مصلحة مصر مش من أجل مصلحة. اعضائك فقط كفاية دفس رأسنا في جيوبنا فقط وتاركين قوانين معطلة مسيرة وطن.... بدل الحوار المجتمعي كنتم بحثتم حل لأرقام الشقق المغلقه من عشرات العشرات من السنين ومشوهه شوارع مصر لمجرد انها إيجار قديم ب خمسه جنيه ثمن كيس عيش... و عمارات وسط البلد اللي كانت مأوى للإرهاب ايام مؤامرة اهل الشر في يناير.. رجعوا تراث مصر واصل مراحل تاريخيها للنور وتبقى شكل حضاري بدل ماهي شكل مقابر كلها عنكبوت ده حتى المقابر بنروح ننظفها ونروي زرعها

[@مىسليم-س3ن]

يسقط قانون الإيجار القديم المخالف للشرع والدستور

[@fatenlabeb7690]

مينفعش انك ترحل الناس من مكانهم وطبعا هترميهم فى المدن الجديدة البعيدة اللى بتصبح تعجيز للناس

[@sheryinmekawy8580]

العقد شريعة المتعاقدين المالك كان شارى بكام هو كمان وايضا القانون الجديد فيه طمع واستغلال وتشريد لاى حد بياجرالمالك بيتحكم فى المدة علشان كل سنة يذود الاجرة ومش مهم الناس تتشرد من سكن لاخر انا مع الزيادة العادلة حسب المكان والحالة الناس مش ناقصة هو فيه ايه هو كله ضرب ضرب مافيش شتيمه

[@سمسمه-غ1ل7ذ]

مش حنخرج من بيوتنا حنزود الايجار قدر الاستطاعه

[@WafaaElassar-g2l]

لو كنتم عملتم كدة محدش كان اتكلم

[@Ibbae]

الدكتور وليد بيعرض فكر متطور واحنا مش متعودين عليه. ربنا يبارك فيك ويحفظك

[@MagdyAhmed-d3l]

يسقط قانون الايجار القديم

[@ezzatbadran8186]

وما هو الحل بالنسبة للصيدليات اللتى يحكمها قانون خاص وهو المسافة بين الصيدليات لاتقل عن 100متر و كذلك تتعامل مع سلعه مسعره تسعيرا جبريا

[@kamalmokhtar999]

فليتركوا الامر لتراضى المالك والمستأجر فى تقاسم قيمه الارض او المبنى

[@نادرسويلمنادرسويلم]

استاذ تامر انا مستأجر وكلامك صح لا يخرج المستأجر ببلاش

[@samyabdelfatah5218]

الساكن ليدفع خمسة جنية فى شقة خمس حجرات وحمامين وصالة وعندة عربية بنص مليون جنية والشغالة اللى بتيجى تنضف الشقة ساكنة فى اوضة وصالة فى منطقة عشوائية ويندفع ٦٥٠ جنية فى الشهر كدا الدعم بيروح لساحتية مش مستحقية

[@omaymazewail2612]

والله شقه ٢٠٠ م. ب٤.٥ جنيه وعندهم سكن تانى وبيكتبها باسم مراته تهربًا والعماره كلها بتحصل منها ١٠٠ جنيه

[@nahidyoussef1771]

حضرتك الحكومة تتحمل اية ولا اية

[@Ibbae]

المشكله ليس تخفيض الايجار من ستين او تسعين سنه كلها كانت قرارت سياسيه والناس كانت عايشه وكله تمام ولكن المشكله هو استمرار الايجار القديم وعدم تعديله لزياده الاسعار او معدلات التضخم هو ده الوضع الغير انساني. ثم جاء قانون التوريث او التمديد لسنه 1977 وهنا بدأت الكارثه

[@سمسمه-غ1ل7ذ]

الشقق المغلقه تسترد وحيتعرف من الاستهلاك

[@نادرسويلمنادرسويلم]

لا لتعديل قانون الإجار القديم ٢٠٠ مليار جنية عوايد بعد التعديل المالك والمستاجرين بينهم القضاء فقط

[@mamanona2837]

انا مع الحل اللي بيقول اللي عندة بديل يسلم شقتة واللي قافل شقتة يرجعها وزيادة الإيجار خمس أضعاف كلام معقول لكن طردة من مكانة والدولة تتكفل بية لا ثقة في ذلك حيعطوله شقة بمليون جنية من الحكومة وممكن امكنياتة المدية لا تسمح

[@magymoon3714]

خمسة أضعاف يعنى المستأجر اللى عندى بدل ما يدينى 3جنيه هههههه هيدينى 15......والتانى بدل ال5جنيه يدينى 25؟؟؟؟؟؟؟؟؟؟المفروض افرح وانبسط مش كده؟؟؟؟؟؟ يالا خير وربنا يستر علينا جميعاً يارب......دول بيجيبو وجبه كنتاكى باكتر من كده بكتير وولادهم بمدارس خاصه وبرضه.... الله المستعان

[@rozalinroz6462]

الست ليه تقعد فى الشارع وفى دولة انا لست مسؤولة عن مواطن لان انا ظروفى اكتر م المستأجر المشكلة فى التوريث اكتر من المشكلة فى المستأجر الاصلى ياريت يكون فى فترة انتقالية للتوريث وفترة انتقالية للمستاجر الاصلى لما المستأجر اذا كان هو او الممدود له الشقة هو استمتع بالشقة اكتر من الملاك المستأجر استغل الشقة اكتر من عمرى انا واللى واخد عمارة باسم حماته أو حماه أو ابو او امه او احد من أقاربه كيف تثبت عندهم ولكن بأسماء أحد أقاربهم ويتم عمل توكيل لصاحب العقار المشتراه

[@nadiaadel66]

طيب فى 80 و90 ولحد دلوقتى فى ناس دفعت فى محلات وشقق مبالغ كبيرة جدا فى تنازل وخلو وتوضيب مكان وايجار وخدمات وتراخيص وعمال وضرائب ممكن توصل لملاين ايه مصيرهم اتنصب عليهم يعنى

[@adelarfen7579]

ياناس دفعت أكثر من اللازم والنهارده بالمعاش يعني مفيش فلوس اصلا اقدر أدفعها وللحق لا تنسوا أن مكاسب المالك على مدار العمر لا حدود لها ولا تنسوا أن العمارة ارضها فى زيادة فى حال سقوط المبنى يااستاذ كفاية ذل للمستأجر زلزال ٩٢ معظم السكان تركوا السكن معظم العمارات أصحابها من المستفيدين بايجار مؤقت غالى وسط شقق ايجارها لازال غالى فى ظل الغلاء وقصة تعويم الجنيه أصبح مرتبات المعاش تحت مستوى الفقر والدولة ترمى حق صاحب المنزل على السكان وغير العوايد يعني اصلا مهما كان الساكن هو من يضرب بالنار وعاوزين تلغوا العقد شريعة المتعاقدين لعن الله قوم ضاع الحق بينهم اقسم بالله مفيش مصدر غير المعاش كفاية ضرب فى الداخل لأنها تسبب ثورة جياع بلاش كلام فارغ

[@gentelroshdeyroshdey1242]

من الغباء أن تناقشوا هزا الموضوع لان أغلبية الناس معاشات اين يذهب بمعاشة بدفعة ايجار شقة وياكل زلط انامع الزيادة فى الايجار وليس الطرد

[@محبةالرحمن-ط1ج]

دكتور وليد حضرتك مثال للحق لا يوجد منه إلا القليل ربنا يكرمك ويوفقك ويجعله في ميزان حسناتك إلى الأمام يانصير الحق وياريت تتواجد مع المسؤلين وتعبر عن رأيك إللى هو رأى اللملاك

[@omsayed2090]

ارحمونا. من‘القانون الظالم. ده. اصحاب. المللك.. بقو. ا. شحاتين. اتقو. الله... في.. اصحاب. الملك

[@aml6748]

حضرتك نسيت أن المالك في الستينات كان بياخذ خلو وكان الخلو يجيب شقه وكمان ممكن بيت في منطقه شعبيه غير الاجار سعتها كان غالي وهو استفاد من الخلو والايجار في ذلك الوقت ازي نرمي اسره أو بنت جالسه في شقه والدها و ملهاش غير المكان ده

[@mahmudmahmud1331]

دكتور وليد راجل امين وناصف للحق اكتر من اي حد قاعد وبيتكلم صح المالك مالك والمستأجر مستأجر

[@misho_agha3592]

يااستاذ تامر هو في وضع يد لأملاك خاصه!!!!!!ايه الكلام الغريب دي .وضع اليد نتكلم عنه في اراضي الدوله .مش الأملاك اللي ليهاناس وعندهم ملكيه ليها .هو احنا مش في دوله ليها دستور وبتحترم الملكيه الخاصه ولا انت عايزها أبيه بالظبط

[@maziz9050]

منتهى الظلم ان قانون وضع فى الستينات مازال يطبق دون تعديل

[@nahidyoussef1771]

طيب قبل ما تتسارع

[@fatenfahmy1762]

هو القانون ده قرءان ما لو غلط وظالم يتغير

[@victormikhail1226]

حضراتكم نسيتم ان المالك في السبعينات اخد خلو رجل يساوي نصف تمن الوحدة تقريبا في هذا الوقت والنص الاخر حصلة من الإيجار في عشر سنوات تقريبا ، والان اين حق الساكن بعد دفع ثمن الوحدة بالكامل، ارجو الا تهمل هذه الحالات التي حدثت في ١٠٠ في ال ١٠٠ منذ ذلك الوقت

[@الحمدلله-و2ي2ظ]

ذلك الوقت . كان فيه اللحمه بخمسه مليم

[@soheirazmy3234]

الخلو كان ممنوع وحصلت فيه مهازل ..وكان محافظ القاهره سعد زايد قال اللى يلاقى شقه فاضيه يدخلها ويبلغ الشرطه حتجبر المالك على كتابه العقد له ..ممكن تتاكد من الانترنت على البلاوى اللى حصلت ايامها ولما قلنا ده مخالف للقانون قال انا اديت القانون اجازه ..

[@soheirazmy3234]

لما اجرت سنه 74..الحكومه قدرت الايجار ب 40 جنيه الحجره ب 8 جنيه..وكان فى مظاهرات فى الشارع لان اللحمه بقت بجنيه ..يعنى الايجار يجيب 40 كيلو لحمه ...الان مش بتجيب تمن كيلو لحمه بيجيب يدوب تجيب قطعه لحمه للورثه كلهم بما فيهم اليتامى .. كل واحد ياخد 2 سم لحمه و3 سم شوربه وحسبى الله ونعم الوكيل ..@@الحمدلله-و2ي2ظ

[@bibimama6312]

العقد شريعة المتعاقدين

[@شروقحسن-ظ8غ]

#يسقط_قانون_الايجار_القديم #الإيجارات_القديمة_ظلم #إلغو_قانون_الإيجارات_القديمة #المستأجر_مش_وريث #فين_حقي_في_ملكي #رئاسة_مجلس_الوزراء صوتك مسموع

[@nahidyoussef1771]

وبعدين متخافوش المالك رافع الايجار والي كانت ب ه جنيهات أصبحت ب ٥٠ جنية

[@nahedmahmoud5790]

واذا كنت باعمل فى دولة اخرى وأعود إلى الشقة وليس عندى غيرها

[@dawdkarsdawd5846]

لا لتشريد الشعب المصري

[@سمسمه-غ1ل7ذ]

من النهايه العقد شريعه المتعاقدين بس خلاص

[@SanaaAhmed-f2g]

حق السكن تكفلة الدولة مش من جيوب الملاك عدد فقراء الإيجار القديم الفعلين قليل جدا لا يضلع الدولة

[@abeermohamed822]

حسبنا الله ونعم الوكيل قانون ظالم المستأجر فى ظل الغلاء الفاحش الذى نعىش فىه

[@محمدمحمد-خ9ي1و]

طيب انا ماجر سنه 93ودفعت 60في المئه من ثمن العقار وكان الايجار القديم بقاله 40 سنه كان كل واحد عارف بيعمل ايه

[@egffijnvchuigfjiohg2822]

اولا الدوله حتستفيد طبعا لا انا بدفع العوايد شهر فى السنه الايجارات لما تزيد العوايد تزيد الدوله حتستفيد تانيا انا والدى لما بيبني عماره كانت الدوله بتعطي له حديد واسمنت وطوب باسعار مدعمه علشان كده كانت الدولة بتفرض عليه ان ياخد ايجار معين

[@هانىالمصرى-ش9ن]

والهى الدوله لو زعلانه قوى على الملاك تعامل صحاب الايجار القديم نفس معاملت الاخلاء للمشاريع القوميه وتعوض الناس الى بتخليهم فى مناطق كتير بمبالغ يقدر يدفعها حتى كمقدم فى مكان كويس مش اى مكان والسلام عشان يعيش فيه عاوز مواصلات قد تمن الشقه

[@ibrahassan8656]

عندنا في اسماعيليه المحل مساحته ٤٥ متر ايجاره ٩٠ جنيه مع العلم انه في نفس الشارع محل نفس المساحه ايجاره قانون جديد ٨ الاف جنيه و صاحب المحل اتوفي و ابنه قاعد حاليا و عاوز ٦٠٠ الف علشان يسيب المحل طب ده حلال بالله عليكم