Рет қаралды 63
Тоғыз ай, он күн көтеріп, бір қолымен бесігін, екінші қолымен әлемді тербеткен әзиз анадан асыл адам бар ма екен, бұл жалғанда?! Ел демографиясына үлесін қосып жүрген аналардың еңбегі зор. Олар қашан да құрметке де лайық. Өңірімізде халықтың табиғи өсімі де жыл санап жақсарып келеді. Бүгінгі шара соның дәлелі. Шаһарымыздың 155 жылдығына орай, биыл алғаш рет өткізіліп отырған 12 мамыр «Аналар күні» мерекесіне және 15 мамыр халықаралық отбасы мерекесіне орай көп балалы аналар алтын мен күмістен алқа тақты. Алтын құрсақты аналардың бірі Әйгерім Қуатова. Жасы 35 те болса да өмірге 7 перзент әкелген әзиз ана. 4 қыз, 3 ұл тәрбиелеп отыр. Арманы-балаларының білімді, қоғамға пайдалы азамат болуын көру. Әр баланың несібесі бар,-деген оймен 100 пайыз келісетін кейіпкеріміз осы балаларының арқасында баспаналы болған. Салтанатты жиында 21 ана қошеметке ие болды. Бесеуі алтын, 16 ана күмістен алқа тақты. Көпбалалы аналардың құрметіне жергілікті өнер ұжымдары концерт қойды. Әлемнің жарығын сыйлаған аналарға деген құрмет әрқашанда жоғары. Тек балаларының алдында ғана емес, мемлекет алдында да үлкен еңбек сіңіріп, ел алдында абыройларын асырған алтын құрсақты аналар бар жақсыға лайық.
Сайт телеканала www.rikatv.kz/
Twitter / rika_kz
Вконтакте rikatv