Amrut Ghayalલૂંટી ગયા ગુલાબી કટોરા સબર સુદ્ધાં, એવી સિફતથી મુજને પડી ના ખબર સુદ્ધાં.

#Amrut Ghayal #GAZAL #Ghazal #Mushaira #Lyrics #gujaratigazal #gujaratishayari#gujratisher #gujratiloveshayari
લૂંટી ગયા ગુલાબી કટોરા સબર સુદ્ધાં,
એવી સિફતથી મુજને પડી ના ખબર સુદ્ધાં.
દુનિયાની ખોદણીની તને વાત શું કરું!
ખોદી છે એણે જીવતાં દિલની કબર સુદ્ધાં.
કે' છે કે ગમનું ઝેર નથી ઝીરવ્યું જતું,
એ ઝેરની ય અમને થઈ ના અસર સુદ્ધાં.
ના કેમ ઑર રંગ હો મારા શરાબનો !
એમાં ભળી છે એની નશીલી નજર સુદ્ધાં.
બદલી ગયા જો જામ તો એમાં નવાઈ શી!
બહુધા ભૂલી જવાય છે મસ્તીમાં ઘર સુદ્ધાં.
હોતી નથી લગીર ઉપાધિ ફકીરને,
રાખે છે કોઈ એનાં કફનની ફિકર સુદ્ધાં.
એવાય રાહી હોય છે જે બિસ્તરા મહીં,
સામાન સાથ લે છે લપેટી સફર સુદ્ધાં.
લૂંટી ગયાનો ગમ નથી 'ઘાયલ'એ ખેદ છે,
સામેલ લૂંટવામાં હતા રાહબર સુદ્ધાં.
♪ Video Graphics Work : NILESH BHATT
© All Copyrights Reserved to Amrut Ghayal foundation
---------------------------------------------------------------------------------------------------------
ＬＩＫＥ || ＳＨＡＲＥ || ＣＯＭＭＥＮＴ || ＳＵＢＳＣＲＩＢＥ ---------------------------------------------------------------------------------------------------------

[@heenamehta8661]

🎉