Рет қаралды 2,344
Şeir: Ayaz Hidayətoğlu
Səs: Anar Atakişi
Dünya qədər
Bizə qalmayacaq bir dünya üçün,
Günahlar yığmışıq, düz dünya qədər.
Yaradan bəlkə də əhv edər səni!
Yanağa göz yaşı düz, dünya qədər.
Bu dünya əzəldən sındırıb bizi.
Var ilə, pul ilə qandırıb bizi,
Ah-nalə o qədər yandırıb bizi,
Yığılıb manqalda, köz dünya qədər...
Kainat bəşərin əlindən bezir!
Yalana-dolana nə qədər dözür?!
Dünyanın özündə günah nə gəzir!
İnsanda günah var, yüz dünya qədər.
Mən şöhrət gəzmirəm, məqam seçmirəm,
Mən yalan əkmirəm, yalan biçmirəm,
Mən günah yemirəm, günah içmirəm,
Boş yerə badəmə süz, dünya qədər.
Götürməz bu dünya nə işvə, nə naz!
Əməlim yaşımla gəlməz ki, taraz
Ahlarla, vahlarla ey yazıq Ayaz!
Dik dayan, səbr elə, döz dünya qədər!