Sevinc ÇILĞIN - Özüm üçün darıxıram... (sheir)

Sevinc ÇILĞIN “Özüm üçün darıxıram...” şeir
EYY...
Bir əlimdə həmişə bir parça yaylığım oldu
Adamların ən yaxşı bacardığı şeyin getmək olduğuna inandığım gündən bu yana
əli boş gəlib əli dolu yola saldıqlarım
ümiddən tutmuş sevinclərimə qədər nəyim vardısa
(kasıbın olanından) alıb apardılar
Payın artıq olsun dedilər...
Yerdə qalan bütün artıq-əksik nə vardısa
Basdım bağrıma
Gedənlərin ardından ən iyrənc xatirələr belə əziz olurmuş...
Baharda gəlib payızda gedənlər
Qışa tədarüksüz mənim kimi cırcıramalara
Nəğmə deyil ağı söylədər
Ovcundan öpdüklərimiz
Ovcumuzu yalamağı öyrədər bizə
Bir cüt əl - titrək
Qubarlı ürək
Yalançı təbəssümlərlə
Gülümsəməyi...
Ayrılıqların xıncım-xıncım elədiyi ürəyimdən
O xırçın qız keçir indi...
Gedənlərin ömründən bahar yeli kimi keçən o qız...
Özüm üçün darıxıram...
Eyyy...

[@nuxaysadiqov8793]

👏👏👏💞

[@aygunallahverdiyeva8808]

Seviiiiiiiiiiinc nə xoş Sizi yenidən görmək. Darıxmışdıq..

[@qaraqarayev6810]

Ozum ucun darixiram

[@vefasultan1539]

Darıxmışdım sizüyçün ay Bakılım..Feysbukda heey gözüm axdarırdı.....hörmətlə Vəfa Novruz😊😘

[@sevincchilginclgn5883]

Vefa Sultan 😊 necəsiz Vəfa xanım? bundan sonra darıxmazsız, buralardayam😉