Andaina "Coñece Trasalba" 2024

O 5 de outubro tivo lugar a andaina "Coñece Trasalba" organizada pola Asociación de Veciños de Cima de Vila e a Fundación Otero Pedrayo e pensamos que foi todo un éxito 🥰🥳
Un pouquiño máis tarde das 9h da mañá comezamos o roteiro pola parroquia, despois dun almorzo con galletas e madalenas de O Goloso, froita e café de Cafés Candelas ☕
A pesar da choiva, puidemos desfrutar do precioso percorrido sen problema. Pensamos que as fotos falan por si mesmas.
Despois do paseíño de 10Km, tivemos un xantar popular con tortilla, empanada e moito fiambre de Car-Lac e Discarpa que estaba delicioso 😋
Tamén tivemos sorteos de diferentes produtos: de Cafés Candelas, da Fundación Otero Pedrayo, de Terras Mancas e de produtos cedidos por Benito, a quen mandamos un grande abrazo e agradecemento 😊
Pechamos o día coa visita á casa museo Otero Pedrayo, como non podía ser doutro xeito 🏡
Grazas, unha vez máis, a todos os participantes que vos unistes a nós neste día. Agardamos volvervos ver por Trasalba! 😉
Grazas tamén aos nosos estupendos colaboradores: Gadisa, Cafés Candelas, Terras Mancas, O Goloso, Panadería Xuliñas, Discarpa, Car-Lac, Concello de Amoeiro, Eva, Ernesto, Fran, Benito e Emilio. Todos eles puxeron o seu gran de area para que puidésemos gozar dun bo xantar e desfrutar de sorteos de produtos. Foi un auténtico pracer contar con eles para un evento tan especial para nós 🥰
E, por último pero non menos importante, aos nosos compañeiros de aventuras, aos membros da Asociación de Veciños do Pazo de Cima de Vila. Estas actividades non serían posibles sen eles 😊
Vémonos na seguinte! 😋