Рет қаралды 629
സാമൂഹിക പ്രവർത്തക ഡോ. എം. എസ്. സുനിൽ ഭവനരഹിതരായി സുരക്ഷിതമല്ലാത്ത കുടിലുകളിൽ കഴിയുന്ന നിരാലംബർക്ക് പണിത് നൽകുന്ന 315 -മത്തെ സ്നേഹഭവനം പട്ടാഴി തെക്കേതേരി സൂര്യ ഭവനത്തിൽ സുധാരാജനും കുടുംബത്തിനുമായി ക്രിസ്റ്റീന സ്റ്റീവ് ദമ്പതികളുടെ സഹായത്താൽ നിർമ്മിച്ചു നൽകി . വീടിന്റെ താക്കോൽദാനവും ഉദ്ഘാടനവും ഗതാഗത വകുപ്പ് മന്ത്രി ഗണേഷ് കുമാർ നിർവഹിച്ചു. 10 വർഷങ്ങളായി സ്വന്തമായി വീട് വയ്ക്കുവാൻ നിവർത്തിയില്ലാതെ മൺകട്ട് കൊണ്ട് കെട്ടിയ ചോർന്നൊലിക്കുന്ന ഒറ്റ മുറി കുടിലിൽ ആയിരുന്നു സുധയും കൂലി വേലക്കാരനായ ഭർത്താവു രാജനും രണ്ടു കുട്ടികളും താമസിച്ചിരുന്നത് . പത്താം ക്ലാസ് വിദ്യാർത്ഥിനിയായ മകളുടെയും അഞ്ചാം ക്ലാസ് വിദ്യാർത്ഥിയായ മകന്റെയും പഠനച്ചെലവുകളും നിത്യ ചെലവുകളുമായി ബുദ്ധിമുട്ടിയിരുന്ന കുടുംബം സ്വന്തമായി ഒരു ഭവനം നിർമ്മിക്കുവാൻ കഴിയാതെ പ്രയാസപ്പെടുകയും, ഇവരുടെ അവസ്ഥ നേരിൽകണ്ട് മനസ്സിലാക്കിയ ടീച്ചർ ഇവർക്കായി രണ്ട് മുറികളും അടുക്കളയും ഹാളും ശുചിമുറിയും സിറ്റൗട്ടും അടങ്ങിയ രണ്ടുനില വീട് നിർമ്മിച്ചു നൽകുകയായിരുന്നു. ചടങ്ങിൽ വാർഡ് മെമ്പർ ജയിന് ജോയ് .,പ്രോജക്ട് കോഡിനേറ്റർ കെ .പി. ജയലാൽ., മഞ്ജു റഹീം., വിഷ്ണു ദാസ് എന്നിവർ പ്രസംഗിച്ചു.