Рет қаралды 11
بعد صوته ما اتنبح ( ٥ )
بعد صوته ما اتنبح
بقى وحش و شبح
بس مش مرعب و لا مخيف
و لا متعب و لا عنيف
بعد صوته ما اتنبح
صوت الحكمة هو اللى جمح
الحكمة مليانة خير كتير
و بتهون أصعب المشاوير
الحكمة هامة
و خاصة بعد الطامة
بعد الاستهلاك و الغيبوبة
و الاستنزاف و النفس المغلوبة
الحكمة بقت بشدة مطلوبة
لا بد من الحلم
و بلاش طيش
عشان النفس
تعرف تعيش
تعرف تعيش بسلام
و فى سلام
و ترمى السلام
و تعالج الألام
لا بد من العلم
و بلاش جهل
عشان الشئ الصعب
يصبح سهل
لا بد من الأناة و التأنى
و ضبط النفس و التروى
قالوها زمان
فى الأمثال و الأوزان
فى التأنى السلامة
و فى العجلة الندامة
الحكمة بقت مطلوبة بشدة
بعد الأعاصير و الدوامة
اللى من سنين ياما
اللى موتت الابتسامة
و ضيعت الوسامة
و راحت السلامة
و جت الندامة
الحكمة لازم تقلع الكمامة
اللى كاتمه أنفاسها
و موتت إحساسها
الحكمة محتاجة
تخرج من عنق الزجاجة
عشان العصبى المتنرفز
يبقى بارد زى التلاجة
و يعرف يروح
القصير و سفاجا
و يركب بروتون ساجا أو واجا
الحكمة فى جلب السعادة
أسرع من الموتوسيكل و الدراجة
بس الموضوع محتاج جهاد عنيف
مجبر أخوك لا بطل أصله متكتف تكتيف
القلب من الهم اتسطل بعد الجو ما بقى مخيف
و الدمع من العين ياما هطل بعد القسوة و التعنيف
الحكمة سيدة القرار عشان الجو يبقى ظريف
و لطيف و دمه خفيف و مألوف و أليف
و عجبى
زغلول البطوطى
قول لاللى باعوا
شاكرين مهللين
غدركم و ظلمكم
طلع مننا خير دفين
كان عليه غشاوة
و مش ظاهر
و بعد القساوة
بقى خير باهر
ياللى بعتونا
انتو خلتونا
طيبين بزيادة
بعد قهوتكم المعتادة
اللى من غير سكر و سادة
و من غير حبهان كمان
بعد ما بعتوا الحنان
و وريتونا الهوان و التوهان
إنسانيتنا زادت كمان و كمان
فبنشكركم من قلوبنا
لأنكم كفارة لذنوبنا
و يمكن بظلمكم
تتستر عيوبنا
وده غايتنا و مطلوبنا
أى نعم غدركم
خلانا دوبنا
و زود كروبنا
بس فى نفس الوقت
نور طرقنا و دروبنا
و قوى ضعفنا الزايد
فغدركم بالخير عايد
و خلى استغناءنا سايد
و اتكتب الشعر و القصايد
غدركم مليان فوايد و عوايد
مش عارف اشكركم ازاى
و اعزمكم على قهوة و لا شاى
ولا اعزف لكم أغنية على الناى
ختاما أحب أقول لكم goodbye
زغلول البطوطى