BAP - Du kanns zaubre - 12.08.2023 Kunstrasen Bonn

Du kanns zaubre
E’ wieß Blatt Papier, ’ne Bleisteff,
Jedanke bei dir, setz ich
Ahm Finster un hühr, wat sich
Affspillt vüür der Düür, bess ich
Affrötsch enn die Zick, enn der et dich für mich nit joov,
Un mir mieh Lääve vüürm Daach X op eimohl vüürkütt wie en Stroof.
Du kanns zaubre wie ding Mamm, die Kaate läät,
Irjendsujet muss et sinn.
Jede andre hätt jesaat: „Et ess zo spät,
Dä Typ ess fäädisch, nä, dä Typ,
Dä krisste wirklich ni’ mieh hin!“
Mem Rögge zur Wand, spaßend,
Un jede Naach voll wohr ich,
Mieh bessje Verstand hassend,
Total vun der Roll wohr ich.
’T Schlemmste wohr, als mir, wie du mich endlich rejistriert,
Entsetzlich klar wood, dat et jetz oder nie met uns zwei passiert.
Mensch, wohr ich nervös, als ich
Dir alles jesaat, hektisch -
Un trotzdäm erlös, weil du mich
Nit treck ussjelaach un dich
Für mich intressiert häss, für all dä Stuss, dä uss mir kohm,
Für all dä Laber, dä ich jebraat hann, weil die Chance zo plötzlich kohm.
Du kanns zaubre wie ding Mamm, die Kaate läät,
Irjendsujet muss et sinn.
Jede andre hätt jesaat: „Et ess zo spät,
Dä Typ ess fäädisch, nä, dä Typ,
Dä krisste wirklich ni’ mieh hin!“
E’ wieß Blatt Papier, ’ne Bleisteff,
Jedanke bei dir, setz ich
Ahm Finster un hühr enn mich,
Kreech kaum jet notiert, weil ich
Immer noch nit raffe, dat mir uns tatsächlich hann,
Un mir deshalv halt wiesmaache, dat du wirklich zaubre kanns.

[@tresbienjustice6369]

Wunderbar y Fantastiche

[@petermakini6214]

Wunderbar - nach wie vor 😊

[@frieda0074]

Schön ❤

[@frieda0074]

Nächstes Jahr Konzert ☺️

[@gordonwoods9327]

*PromoSM* 🤗