BAP - Anna - 12.08.2023 Kunstrasen Bonn

Anna
Du bess janz für mich do,
Su wie en Mamm für der Panz,
Wenn de Löwin sinn darfs,
Dann jisste dich janz.
Du bess neujierig, selvssüchtig
Wie e’ klei Kind,
Jääje ’äm Lot sing Frau möhts du
E’ Salzbergwerk sinn.
Anna, Anna, drieh dich nit öm,
Anna, Anna, drieh dich nit öm.
Mohndaachs besste ’ne Friedhoff,
Dienstaachs besste ’ne Puff,
Mettwochs dräumste dich fruh,
Donnersdaachs stirvste em Suff,
Friedaachs isste kei Fleisch,
Sabbat ärbeitste nie,
Do sparste Power für sonndaachs,
Annamarie.
Anna, Anna, drieh dich nit öm,
Anna, Anna, drieh dich nit öm.
Oh, du Annachronismus,
Bess en komische Frau,
Dingen Januskopp stink mer
Un dat weißte jenau.
Du wills Priesterin, Hex sinn,
Torero un Stier,
Nur wenn de jar ni’ mieh durchblecks,
Frööchste och ens noh mir.
Anna, Anna, drieh dich nit öm,
Anna, Anna, drieh dich nit öm.
Ich hann de Naas voll vun dir
Un dinger Schizophrenie,
Däm ewije Hin un Her-Hickhack,
Ich pack et nit mieh.
Vun dinge Austausch-Jeseechter
Ess nur eins nit zovill,
Wenn’t sinn muss, määßte su wigger,
Doch dann loss mich uss ‘äm Spill.
[Du häss mich jründlich bedeent
Met dinger Schizophrenie,
Däm ewije Hin un Her-Hickhack,
Ich pack et ni’ mieh.
Vun dinge Austausch-Jeseechter
Hässte zo vill,
Du määß mich bestuss,
Anna, hühr op met däm Spill!]
Anna, Anna, drieh dich nit öm,
Anna, Anna -