Рет қаралды 4
ಕೊನೆಯ ಪ್ರೇಮದ ಪತ್ರ ನಿನಗೆ ನನ್ನಯ ಸಾವು
ಎನುವ ಭಾವದಿ ನಾನು ಇರುವೆ ಗೊತ್ತೆ
ನಿನಗೆ ನನ್ನಯ ಒಲವು ಕಾಣದಿದ್ದರೆ ಆಗ
ಜನುಮಕಾಲವು ಶೂನ್ಯ ಧೀರತಮ್ಮ
@ಡಾ ಸುರೇಶ ನೆಗಳಗುಳಿ
ಮುಕ್ತಕ - ಭಾವ ಸ್ಪಂದ
ಅರಿತುನಡೆ ಪರರನಡೆಯಲಿ ನಿನ್ನ ಪಾತ್ರವನು
ಇರ ಬಹುದು ಆಗ ಸರಿಯಾದ ರೀತಿಯಲಿ
ಮೆರೆಯಬಹುದಾಗ ಬಳಿ ಇರಿಸುತ್ತ ಘನತೆಯನು
ಸರಿಯಾತ್ಮ ಗೌರವದಿ ಧೀರತಮ್ಮ
@ಡಾ ಸುರೇಶ ನೆಗಳಗುಳಿ
ಅನಿವಾರ್ಯವಾಗಿಹುದು ಈಗ ಪ್ಲಾಸ್ಟಿಕ್ ಬಳಕೆ
ತನುವ ಕೊರೆಯುವ ರೋಗ ಅರ್ಬುದಕೆ ದಾರಿ
ಮನಮಾಡಿ ದೂರವಿಡಿ ಊಟ ಪಾನಕ ಸಹಿತ
ಘನಮಾರಿಯನು ತಡೆಯೆ ಧೀರತಮ್ಮ
@ಡಾ ಸುರೇಶ ನೆಗಳಗುಳಿ
ಮುಕ್ತಕ- ಪ್ಲಾಸ್ಟಿಕ್ ಬಳಕೆ
ಉಸಿರಡಗಿ ಹೋದಾಗ ಸಹಜವಾಗಿಹ ಸಾವು
ಅಸಹಜ ಸಾವಾಗುವುದು ಧರ್ಮ ತೊರೆದಾಗ
ಹಸಿರು ತರುವಿನ ಎಲೆಯು ಒಣಗಿ ಬಸವಳಿವಂತೆ
ಹುಸಿಮನದಲಿದ್ದವಗೆ ಧೀರತಮ್ಮ
@ಡಾ ಸುರೇಶ ನೆಗಳಗುಳಿ
ಮುಕ್ತಕ - ಜೀವಂತ ಸಾವು