Bilbao eta itxuginek 💧

Irla izatera pasatu den arren, oraindik hel gaitezke bizikletarekin Zorrotzaurreko puntararte. Ez galdu bidegorriaren seinalea!
Cordeleria y fabrica de jarcias del Astillero Real de Zorroza deitzen zen hasieran aipatzen dugun erret eraikin garrantzitsua eta haren zati bat oraindik, zutik dirau Grandes Molinos Vascosen eraikinaren aldamenean. 2020. urtetik Monumentu kalifikazioa dauka baina guztiz utzita dago udaletxe eta diputapenarengaitik. Gaur eguneko eraikina XVIII. mendekoa da. Sirgak egiteko eraikinak 400 metro luze zituen txirikordak egiteko. Zutik mantentzen den eraikin zatiak 70 metro luze ditu.
Zaha Hadid askotan aipatzen dute baina badugu ibai bazterrean aurkitutako etxe kurioso horreikin erlazionaturiko tabasko pixkot. Txalet itxurako etxea Errekaurre izenez agertzen zaigu 90. hamarkadako Fincas Deustoren tasazio batean eta behin Manhattan berriaren plana aurkeztu zenean bai hau eta baita Cromoduro enpresaren zati zen guardetxea, babes bereziko bi eraikin konsideratu zituen proiektuak berak. Ba Cromoduroko guardetxea 2019 bota zuten behera, ohikoa denez, eurak euren mesedetan jartzen diztuzten legeak, komeni zaienean saieztuz. Zaharrak berri hontan ere.
Gaur gaurkoz, Zorrotzaurre Nerbioi ibar eskubira lotzen dituzten bi zubiak alde batetik Fank Gehry da bat eta bestea iruditakoa, San Inazio zubia (izen bereko auzoari lotzen bait zaio). Polemika, honetan, ibar ezkerrari lotuko zaizkion zubi edo zubiak dira, honek Bilbo betirako bere itsas historiatik bananduko bait luke, bertatik ezingo liratekeelako itsasontzirik gehiago pasa. Honek 700 urteetako historiari amaiera emango lioke eta Bilboren desnaturalizazioaren kulminazioa suposatuko luke.
Beste aipu txiki bat. Zorrotzaurre izena berez puntaren puntari bakarrik lekioke deitzea, beste guztia Deustuko lurren parte zelarik, elizatearen erribera bait zen. Deustuako Erribera.