التليفون ده غير نظرتي للاندرويد | جوجل بيكسل 7 برو

#pixel7pro #android #ai
اي حد بيجي يعمل مراجعة لأي ايفون او ايباد - وانا منهم - بيبقي مركز اوي علي نقطة واحدة رئيسية وهي تناغم السوفت وير مع الهارد وير،
ولأن ابل هي اللي بتصنع الأيفون كجهاز، وكمان هي اللي عاملة السوفت وير اللي محطوط عليه، فهي حاطة السوفت الوير اللي متفصل علي الجهاز ده،
وكانت علي طول مشكلة التليفونات الاندرويد - علي سبيل المثل تليفونات سامسونج - انها مش طالعة من مكان واحد، يعني الهارد وير من حتة والبروسيسور من حتة والسوفت وير من حتة تانية.
لكن النهاردة هتكلم عن تليفون حل المشكلة ديه في سوق الاندرويد وهو تليفون الـ Pixel 7 Pro لأنه تليفون متصنع من نفس الشركة اللي عاملة البروسيسور واللي عاملة السوفت وير وهي جوجل.. فمفروض بقي يكون التليفون ده ملهوش حجة.
وخصوصاً انه فيه كل المميزات اللي تخليك تقول علي التليفون ده انه تليفون Flagship.
فهو فيه كاميرات فعلاً من احلي الكاميرات اللي موجودة في موبايل دلوقتي،
وسوفت وير سلس ورائع جداً
وبطارية بتقعد معاك اليوم كله مرتاح
وشاشة بدقة الوان رائعة جداً،
وكل ده وارخص بحوالي 200 او 300 دولار من باقي الـ Flagships.
وفعلاً انا ممسكتش في ايدي تليفون “اذكي” من التليفون ده لغاية دلوقتي.
فهل فعلاً التليفون ده عملي ويستحق انك تشتريه؟ ولا كل الامكانيات اللي بنتكلم عليها ديه علي الورق بس!
انا في الفيديو ده هبهرك بشوية امكانيات في التليفون ده بعد كده هنتكلم مع بعض كده بالعقل ونشوف ايه من الإمكانيات ديه مناسب ليك وايه هتكون بتدفع فيه فلوس عالفاضي، فيالا بينا.
اتفرج علي اشمل مقارنة بين تليفون الـ iPhone 14 Pro Max و Samsung S23 Ultra من القائمة ديه: • ايفون ولا سامسونج؟
Join this channel to support me:
/ @bishoygerges
اقسام الفيديو:
---
المقدمة (00:00)
(02:00) الشكل الخارحي
(03:14) الشاشة
(04:17) البصمة
(05:06) السماعات
(06:29) السوفت وير
(21:01) البطارية
(23:45) الأداء
(24:46) الكاميرا
(29:08) رأيي الشخصي

[@yousefkatoola6808]

انا عايش في نيوزلندا واخذت جهاز بيكسل ٨ برو فعلا جهاز روعه افضل جهاز AI وفعلا جهاز يجنن ويسهلك استعمالك اليومي وانا بعت ايفون ١٥ برو ماكس واخذت كوكل وفعلا مرتاح مع جهاز

[@loser-hd7qs]

بجد أقسم بالله اسلوبك الجميل ف الكلام وشرحك اامد ده بيخلونى احس ان لسه فى مصريين متميزيين جدا ف مجالهم عن أى حد ف الوطن العربى♥️♥️

[@BishoyGerges]

حبيبي 🤍🤍

[@amrabdelhady679]

اسلوبك حلو اوي في الشرح والتبسيط اول مره اشوف فيديو ليك بس استمتعت شابو 👏❤️

[@mohamedposat]

اسلوب حضرتك هادي ومنظم ومحتوي بجد محترم انا حتابع حضرتك ديما استمر بالتوفيق ان شاء الله ❤️❤️

[@BishoyGerges]

حبيبي.. اشكرك جدا 🤍🤍

[@poetofnight]

اول مرة اشوفك عاليوتيوب بس اتفرجت الفيديو بالكامل واشتركت بالقناة لانك رائع واسلوبك مميز

[@BishoyGerges]

حبيبي.. مبسوط ان الفيديو عجبك

[@ashrafmohamed2281]

بالتوفيق والنجاح ياحبي

[@mohamed.nagib.84]

شرحك و تحليلك ممتاز جدا . استمر 👏👏👏

[@BishoyGerges]

حبيبي 🤍

[@abderrezakzehdi4604]

اسلوبك في الشرح جميل نتمنالك التوفيق إن شاء الله متابع من الجزائر

[@BishoyGerges]

اشكرك جدا.. يشرفني متابعتك

[@-ahmedsaad5736]

فعلا شرح جميل

[@Mohanad_Aldukhi]

مراجعة جميلة جداً تفاصيل حلوة ينقصها فقط الحديث عن الكاميرا الأمامية وجودتها .

[@BishoyGerges]

اشكرك جدا.. انا فعلا متكلمتش عن الكاميرا الاماميه اوي بس لأني كنت حابب اركز علي نقطة السوفت وير اكتر لانها هي المميزة في التليفون ده

[@SHERAZ_SY]

شرحك جميل ومفصل واتمنى الفيديوهات الجاي تكون 60fps

[@theone-mo9xr]

مكنتش اتوقع اني هقعد اتفرج علي فيديو نصف ساعة مراجعة تليفون بس بجد اسلوبك في عرض المعلومات شدني جدا بالرغم من اني مش هشتريه اصلا

[@BishoyGerges]

اشكرك جدا 🤍

[@A..S..10]

⚠️⚠️الفيديو في منتهي الروعه والجمال والقوه في الشرح والكلام الدقيق الواضح..شكرا لحضرتك على هذا المجهود الكبير المهندس المحترم الأكثر من رائع بيشوي💕💕...جوجل بكسل الامريكي القيم المحترم الدرجه الاولى الممتازه الرائعه..👍💪

[@BishoyGerges]

اشكرك جدا لتعليقك 🤍

[@h.s850]

المراجعة ممتازة لانها مو بس سرد ارقام وامشي 👍🏻👍🏻👍🏻❤️❤️❤️

[@BishoyGerges]

اشكرك جدا 🤍

[@mohamedaboo2227]

مشاء الله عليك بالتوفيق يارب

[@BishoyGerges]

حبيبي 🤍

[@user-pr9rb6ry5f]

ممكن راي حضرتك في ريلمي جي تي نيو 5

[@Hatem_Ali]

عاش يابيشوي 👏

[@BishoyGerges]

حبيبي 🤍

[@abokhalid212]

أصدق مراجع للهواتف 👍

[@BishoyGerges]

حبيبي 🤍

[@osamh4917]

افضل تلفونات البكسل اداء تصوير و قدره و ذكا و الله اعلى و اعلم

[@user-dy7fv3ls7o]

خاااارق 🔥

[@BishoyGerges]

التليفون ولا الفيديو؟ 😄

[@kamilsaid333]

انا مش مصدق كمية الجمال اللي في السوفت وير ده.. حاجة رائعة جداً بس للاسف فعلاً اغلبها مش بتشتغل في الوطن العربي

[@BishoyGerges]

للاسف ايوة

[@mrz8429]

تستحق الاشتراك صديقي

[@shehab_vfx]

طيب لو حبت قطعة تبريد للجهاز وانا برضو هيظل وحش؟

[@fawziyerrou9837]

غريبة الشخص دا لسة ما وضل ل 100 الف شخص يستاهل المليون ❤

[@BishoyGerges]

صدقني الكلام المحترم ده هو اللي مشجعي اكمل رقم الارقام المحبطة اللي موجودة 😍

[@fawziyerrou9837]

@@BishoyGerges تأكد ان كلامي ليس مجاملة و اتمنى منك الاستمرار ♥️👑

[@Mohamed_Abdelrazek]

عالمى جدااا

[@BishoyGerges]

حبيبي 🤍

[@abdoghanem1933]

انهو الافضل Google pixel 7 or iPhone 12 pro ?

[@AH-dCh-v]

❤❤

[@AH-dCh-v]

❤

[@khudairalshehiarts]

انا كنت معجب فيه ولكن دامك تقول لايوجد فيه تصوير احترافي او برو ماينفع تلقائي زي الآيفون

[@youssefosama3467]

نتمنى تعمل مراجعة للابتوب سيرفر جو 2 و 4 و 5

[@BishoyGerges]

انا عملت لسرفيس برو 8 و 9 بس اجهزة الجو مظنش انها عليها طلب كبير علشان كده مركزتش معاها

[@mohamedaboo2227]

اي ياريت مقارنة تلاتية بين بيكسل وايفون وسامسونج اس 23 الترا

[@BishoyGerges]

حاضر، هشوف فيه اقبال عليها ولا ايه الدنيا 🤍

[@anweralkhalifa8115]

شاهدت 5G على شاشة Pixel 7 Pro، كيف جعلت 5G يعمل في مصر ولا يعمل عندي في الكويت ؟

[@Cheb_wael]

بالنسبة لمشكلة الصوت.. ومشكلة انك تتكلم مع حد ومش سامعك مليح هذا المشكل عندك فقط.. أنا عندي نفس الجهاج ومافيش اي مشكلة صوت

[@SamahBajari]

لو سمحت ياابني انا موبايلي اختفى صوت الرنين وصوت الاشعارات مع انه الصوت مرفوع للاخير وليس الصوت مكتوم ممكن اعرف الحل😢

[@notalex6884]

هل تأيد اخذ جوجل بيكسل 7 او سامسونج s23+ مع العلم اني بالوطن العربي

[@BishoyGerges]

بصراحة هتستفاد من الـ S23+ اكتر

[@MohammedGho]

google pixel 6a or Vivo v27 5g is better????

[@BishoyGerges]

To be honest, I didn't try vivo phones

[@N.Looping]

اكثر شي عجبني في المراجعة انك بشوش والابتسامة ما فارقت وجهك، غير هذا التلفون ما عجبني وراح اجدد على سامسونغ لاني احتاج ال Dex و secure folder غير هذا ممكن يناسب ناس كثيرة ♥️.

[@BishoyGerges]

اشكرك جدا.. الفيديو اللي جاي هيكون موبايل مش سامسونج لكن فيه secure folder وحاجة شبه dex فخليك متابع 😉

[@N.Looping]

@@BishoyGerges نتشرف سيد جرجس

[@NoName-lc7bu]

له صيانه وقطع غيار في مصر

[@mahidinemahi767]

نصيحة منك أخي عندي pixel 7 pro وحاب نغيره او أحتفظ به رأيك من فضلك

[@BishoyGerges]

ليه حابب تغيره؟

[@mahidinemahi767]

حاب s22 Ultra ولا نخلي pixel لي معايا رأيك من فضلك أخي عزيز

[@BishoyGerges]

لو هتغير يبقي هات S23Ultra مش S22Ultra لكن انا رأيي لو مرتاح في البيكسل يبقي استني شوية عالتغيير

[@mahidinemahi767]

بارك الله فيك أخي و اتمنى لك كل التوفيق 🤲

[@BishoyGerges]

اشكرك جدا

[@Abu-Saham]

تلفون اذا جربته تكره التلفونات له طعم خاص 🎉

[@bennabil2320]

Pixel 7 ولا iPhone 11 على المدى الطويل

[@BishoyGerges]

iPhone 11 بقاله حوالي ٤ سنين دلوقتي فأكيد ال Pixel 7 هيكون افضل

[@salimmessaoudbouguern7002]

S21 ultra vs pixel 7 pro

[@AS.AliSalim]

انا معايا التليفون دا و فعلا عندي مشكله الصوت زي ما قولت و المايك بردو .. بس معرفش اذا كان هاردوير او سوفت وير او دا من جوجل نفسها والله ما عارف

[@marwanbouhanda9232]

100% recommended pixel 8 pro better proccesseur ....lot of things + it will be supported by update android and security untile 2030 so you will be comfortable with thisphone from bugs or anything like that and sorry for talking english I'm too lazy to go clavier arabe

[@marwanbouhanda9232]

@@Alkeil هو شوف راح يضل معك ساعة و عشرين دقيقة هي هاي ةلنقطة الوحيييدة فيه يلي موبعاجبتني فيه هوفيتلفونات بشحن سريع كثيير بس أنا جاي انصحك بجهاز يلي فيه كل اشي وراح يدرم معاك 7 سنين بدون ما يعلگ أبد مو زي الشاومي و الريلمي.. يلي بس ينقطع عنها التحديثات تصير هواتف لا معنى لها يعني تصير بطيئة وفيها گليتشات.. بس هاض بيكسل 8 برو فيه اذكى سوفتوير في العالم يعني ابحث وشوف الميزات الخطيرة فيه لأنو مو بس يلي شفتو بالبيكسل 7 موجود بال 8 لا في ميزات اكثر فيه ولو انت بدك ضحي بكل هاي المميزات وعاجبك لابد الفاست شارج يكرن موجود اكو ريلمي جيتي 5 بروفيه مواصفات خيالية وبروسيسور سنابدراجون 8 جين 3 افضل بروسيسور في العالم حاليا و 144 هرتز.... بس كون على يقين من هون لثلاث سنين لقدام ماراح تشوف نفس الاداء يلي كان فيه قبل لأنو اكيد الشركة جايبة لك هارد وير من جهة و بروسيسور من جهة و سوفتويرمن جهة اكيد ماراح تاخذ افضل سلاسة و لو أنو فيه مواصفات عالية المهم أنت لا تتسرع وابحث منييح فهاي الامور وتوكل على الله

[@user-ef4vr6oq2s]

مثطع طويل نصف ساعه على تلفون

[@user-yj6lp3zt9t]

يعطيك مليون عافيه مراجعه ممتازه. والهاتف ممتاز من واقع تجربة بكسل 1xl ثم بكسل 2xl ثم بكسل 3 الهواتف سلسه وممتازه من ناحية الكاميرا والواجه الخفيفه والتحديثات اول بأول ولاكن لايوجدضمان اووكيل اوقطع غيار انا عن نفسي شاشتين جوجل بكسل 2xl انكسرت ماحصلت شاشه ثم بكسل 3 البطاريه وخسرت الجوال قطع غيار غير متوفر نصيحه ابحث عن الجوال الموجود وكيل في بلدك لان اسعار الجوالات نار

[@BishoyGerges]

اتفق معاك جدا جدا.. وده اللي حاولت اوضحه في الفيديو ان المشكلة ان جوجل مش مركزة مع خدمة العملاء في الوطن العربي

[@loser-hd7qs]

ياريت مقارنه مه ال 14

[@BishoyGerges]

تمام

[@salahadly7468]

انا محتاج اميل حضرتك فيس اي نوع مايكروسوفت يشغل ببجي

[@BishoyGerges]

Twitter: @MrBishoyGerges والايميل هتلاقيه موجود في ال about

[@salahadly7468]

@@BishoyGerges اي النوع الكويس في مايكروسوفت للببحي

[@BishoyGerges]

بلاش مايكروسوفت في الألعاب

[@user-id9ir4hj4i]

أنا عندي هذا الجهاز بس مشكلته لما اتصل ع اشخاص أنا اسمعهم بس الشخص الآخر يرجع الصوت عنده ضعيف مرة ولايسمعني أنا عانيت من هذه المشكله صراحة

[@BishoyGerges]

يعني المشكلة ديه مش عندي انا بس 🤔

[@user-id9ir4hj4i]

@@BishoyGerges لا sorry انااقصد أي شخص يتصل علي انااسمعه وهو مايسمعني بس لوانا اتصلت عليه الصوت تمام يسمعني واسمعه مش عارف لو هذه المشكله أنت برظه بتعاني منها ياريت ترد علي وجزاكم الله خير وهل سيتم إصلاح هذا الخلل تحياتي لك ياغالي🥰

[@BishoyGerges]

فهمت قصدك.. لأ انا في الحالتين الطرف التاني مش بيسمعني كويس.. لاحظت كمان ان الموضوع مربوط بالشبكة فإن شاء الله يتصلح بتحديث

[@maboelmagd8859]

انا كنت ناوي اشتريه بس احترت فعلا انا محتاج تليفون ميزانيه مفتوحة بطارية واداء مش مهم كاميرا ومش ايفون ولا سامسونج اكيد واحترت جدا

[@BishoyGerges]

طيب امال ايه أولوياتك؟

[@maboelmagd8859]

@@BishoyGerges البطارية والاداء

[@othman_i7o]

‏‪13:51‬‏

[@Alshaeer_Hashem]

انته حطمت التلفون يااسطئ

[@abdulwahabaliabda3911]

هل يوجد هاتف بيكسل بتردد 144 للشاشة

[@BishoyGerges]

حالياً لأ

[@walidhamri598]

لكن رأيت في المراجعات أن البطارية غير كافية

[@baladiraq2017g]

الجهاز عندي البطارية قويه جدا

[@uae-1552]

الموترلا افضل

[@ramadansayed4357]

انا اشتريت بيكسل 6 برو لان نفس مميزات والكاميرا بس في شوي تغيرات😊

[@BishoyGerges]

ده حقيقي 👍🏻

[@ramadansayed4357]

@@BishoyGerges اخي الكريم بس سؤال هل معالجات غوغل افضل من باقي معالجات اندرويد بسبب توافقها مع سوفتوير والهاردوير لانها شركة نظام اندرويد وبنفس الوقت انتجت معالج يتوافق مع النظام

[@ramadansayed4357]

@@BishoyGerges وسؤال الثاني عدد من تقنيين قالو ان منصة antutu وباقي منصات الاختبار كاذبة وانها مجرد ارقام او استغفال الناس لترغيبهم بتجديد هواتفهم ما رأيك انت اتمنى الرد؟

[@EAlmar]

مشكلته الوحيده 5g مش شغال فيه !

[@BishoyGerges]

انت تعرف ان ديه من الحاجات الغريبة عند جوجل لان الإصدارات مش واحدة في كل الدول في الحتة ديه.. يعني فيه دول بينزل فيها 5G

[@salehal-zadjali1576]

هل يستحق الشراء ؟؟؟

[@BishoyGerges]

ماهو اجابة السؤال ده هي الهدف من الفيديو ياصديقي 😉

[@mohamedbakkali4024]

المع لج google 👈الصنع Samsung

[@BishoyGerges]

ليه بتقول كده؟

[@user-oq3oe8jx6g]

معايا البيكسل ٧

[@BishoyGerges]

طب ايه رأيك فيه؟

[@user-oq3oe8jx6g]

@@BishoyGerges اللي هيتعود علي إمكانيات تصويره مش هيعرف يغيره بسهولة

[@BishoyGerges]

عامل ايه في المكالمات؟ هل عندك مشكلة الصوت الواطي ديه؟

[@user-oq3oe8jx6g]

@@BishoyGerges لا . الصوت كويس والشبكة كويسة والواي فاي ممتاز . كعيوب هو مفيش فيه عيوب غير سرعة الشحن تقريبا وكمميزات. إمكانيات التصوير والتعديل . علي فكرة أنا مهتم جدا بالمراجعات وشايف أن .بيكسل 7 . وون بلس . وفيفو x90 .افضل سعر مقابل قيمة السنة دي

[@BishoyGerges]

كويس انه شغال معاك حلو.. استمتع بجهازك 😍

[@tmauza1208]

ايفون مجمعه تاخذ الشاشات من سامسونج

[@BishoyGerges]

ده حقيقي بس مش في كل الاجهزة

[@mohamedmahdi2233]

انا جبت التلفون من حوالي 6 شهر التلفون حلو جدا من افضل الهواتف الي استخدامتها فعلا الصوت فعلا مش احسن حاجه في تليفونات احسن بكتير في الصوت التلفون لو انتي بتلعب جيم كتير جدا ده مش مناسب للجيمر خالص هو ممكن في حدود نص ساعه جيم او ساعه مش اكتر لان لو اكتر استنزاف البطاريه اكتر والتلفون بيسخن بطريقه وحشه جدا جدا التلفون احسن وجهه مستخدم فعلا حاجه ساده زي القهوه الساده مش عليها اي حاجه التلفون ذكي جدا في شويه حاجات التلفون بيوفرها باستخدام الذكاء الاصطناعي الكاميرا الأفضل في العالم من وجهه نظري التلفون حلو بس مش التلفون المتكامل للاسف التلفون وقع مني من كام يوم والشاشه اتكسرت من الجنب لسه شغاله ليا كام يوم بفكر اشتري تليفون جديد ومش عارف اشتري ايه لاني فعلا عايز تليفون يقدم نفس تجربه النظام والكاميرات

[@BishoyGerges]

تعليق رائع وشامل.. اشكرك عليه.. وزعلت علي انه وقع منك.. ربنا يعوضك

[@mohamedmahdi2233]

حبيبي تسلم انتا شخص محترم جدا سوال لو عايز اجيب تلفون ترشح ايه بظبط وهل لو فكرت اجيب تليفون نسخه صينيه هل فيه مشاكل

[@user-bs2wq7cl9g]

يصير اسئل حضرتك هو زين هذا الجهاز اذا اشتري بس اصور واشاهد برامج ماحب الالعاب بس احب التصفح على النت واريد جهاز حلو بي كامره زينه

[@mohamedmahdi2233]

@@user-bs2wq7cl9g اكيد طبعا أي حاجه بس مش الألعاب والكاميرا الأفضل في 2023

[@_WaleedOmran1980]

حاليا تقريبا الاندرويد يتساوه مع ios ان لم يكن هنا مميزات افضل في الاندرويد والاهم الحرية بالاستخدام

[@BishoyGerges]

معاك حق.. انا عملت فيديو كامل بتكلم فيه عن الفروقات بين النظامين kzbin.info/www/bejne/pZaqhmqfnpeBZpo

[@bahveenbahveen-wv2kq]

السلام عليكم ياأخي العزيز بكسل ٧ برو في مشكلة لازم يشوفوا لها حل وهي لمااحد يتصل عليك الصوت يصير ضعيف عند الشخص المتصل عليك لذالك لايسمعك ويردد إيش تقول والمشكلة هذي أنا عرفتها أي شخص لمايتصل عليك الشبكة ع طول تشبك معاه لذالك يضعف الصوت عند الشخص المتصل وتحياتي لك ياغالي ياغالي

[@BishoyGerges]

اشكرك لتعليقك.. انا فعلا بعاني من المشكلة ديه وعلي امل انها تتصلح بتحديث سوفت وير

[@bahveenbahveen-wv2kq]

@@BishoyGerges اشكرك ياغالي ع ردك تحياتي لك ياغالي 💚🌷

[@user-fh2eq6jy2u]

هونر مجيك ٥برو افضل من كمراته

[@BishoyGerges]

انا عندي مشكلة مع هونر واوبو وشاومي بصراحة.. مش بثق في اجهزتهم

[@osamaelbaz370]

عندي ملحوظتين وهما بعيدين تماما عن مراجعتك وشرحك لاني قولتلك رأيي فيهم من زمان... الملاحظة الاولي متخليش مده الفيديو تطول اكتر من ربع ساعه بالكتير لانها مش في صالحك تاني حاجه ودي مهمه جدا جدا لازم في المقدمة وفي منتصف ونهايه كل فيديو تعمل حاجتين في المقدمة والمنتصف تدعو المشاهد وتفكره ب الاشتراك في القناة واللايك والشير Call to action وفي نهاية كل فيديو تخلي في قفله للفيديو ودي تعمل فيها حاجتين توجه فيها الشكر للمتابع اللي استمر لنهايه الفيديو و تلفت نظره بكتابه رأيه في المنتج نفسه او ف مراجعتك بشكل عام من حيث الاسلوب ومقترحاته ليك كمشاهد ودي نقطه بتعملها.. ❤️❤️❤️

[@BishoyGerges]

حبيبي يا اسامة.. انا بستني تعليقاتك.. في موضوع مدة الفيديو انا اتفق معاك.. انا كان ممكن اقسم الفيديو ده علي جزئين وده زي ما بتقول كان هيفيد القناة اكتر بس محبتش اعمل كده لأني حبيت ان اللي مهتم بالبيكسل فعلاً يكون عنده فيديو واحد شامل بدل ما يقعد يدور علي فين الجزء التاني، بس واضح ان النقطة ديه مش صح أوي والدليل ان الثلاث اجزاء بتوع مقارنة الايفون مع السامسونج كانت فعالة اكتر. عامة انا بجرب اكتر من تكنيك ولسة بتعلًم وبشوف انه المناسب لكل حالة. تاني حاجة في موضوع الـ Call to action فانا هحاول اوازن في اني اطلب بطريقة معقولة لأني بخاف اني اتحول للقنوات النص كم اللي بتقعد تصدع الناس كل شوية بالاشتراك واللايك والكلام ده لأني شخصياً لما بتفرج علي قناة كده بتقفل من صاحبها وبالنسبة لقفلة الفيديو فواضح انك بتتابع الفيديوهات لغاية الاخر علشان تعرف اني بعمل كده وديه حاجة انا بشكرك جداً عليها. شكراً ليك ياريس 🤍🤍🤍🤍

[@osamaelbaz370]

@@BishoyGerges طول مده الفيديو مش مناسب لان في ناس كتير ممكن تمل وفي ناس بتستخدم داتا الموبايل مش واي فاي ولما يكون في جزء تاني بيعمل تشويق.. اما بالنسبه ل Call to action دي مهمه جدا جدا جدا ليك زيك زي اي حد عنده اونلاين ستور لازم يعمل Call to action وبيبقي فيها احصائيات عن المبيعات والفرق بين حجم المبيعات في ظل وجود او عدم وجود Calk to action وبتكون دايما في فرق ملحوظ في نسبه المبيعات بناء ع استخدام ال Calk to action وانت كصانع محتوي الموضوع ده مهم جدا بالنسبالك لانك هتلاقي مثلا نسبه ملحوظه مشاهدات بدون اشتراك في القناه تاني حاجه انت بتفكر المشاهد وبتدعوه انه يعمل اكشن سواء اشتراك او لايك او تعليق او شير ودي حاجه لازم تعملها والفكره انك هتخليها مرتين مره في البدايه ومره في نص الفيديو عشان تفكره ودي مش غلط منك بالعكس انا عن نفسي احيانا كتير بكسل اعمل لايك لحد فلما بيقول او بيلفت نظري كتابع بروح اعمل لايك للفيديو وانت اسلوبك هااادي جدا ومتميز يعني مش هتكون مزعج زي باقي الناس بالعكس تماما طلتك مع نبره صوتك الهاديه هتخلي الموضوع مقبول جدا جدا ومش ملحوظ فالنقطه متقلقش منها ومش زي مانت معتقد لكنها هتفيد القناه والمحتوى جدا وهتوسع انتشار ووصول المحتوي لعدد اكبر... اما اخر حاجه انا طبعا كل فيديوهاتك بشوفها للاخر الا الفيديو العاق بتاع تابلت نوكيا مقدرتش اكمله 🤣🤣

[@eisa1029]

نص ساعة تتكلم عن البيكسل… بصراحه وايد والشخص بيمل

[@BishoyGerges]

معاك حق بس التليفون رائع وكنت عايز اتكلم عن كل الامكانيات بتاعته علشان يكون فيديو مفيد للي عايز يشتري

[@eisa1029]

@@BishoyGerges بالتوفيق يا اخوي واتمنالك الافضل يارب

[@ragdansy1926]

مستخدم بيكسل 6 من شهرين بالنسبة للهاتف مستوى الصوت توازن فيك تحل هل المشكلة من الاعدادات اكتب بالبحث تعديل صوت بيطلع صوت احادي فعلها واضبط المؤشر ورح تشوف مستوى صوت عالي جداً أما الميكرفون واضح جداً مافي اي مشكلة

[@BishoyGerges]

اشكرك جدا للمشاركة 🤍

[@ragdansy1926]

انا بشكرك بصراحة ولااروع مراجعه ممتازة جداً❤❤

[@user-bs2wq7cl9g]

هو جهاز حلو انو تستخدمه بنيه لو موزين اريد اجرب جهاز جديد بس اريده مثل السامسونج يعني اقل شي تحديث ٤ سنين وبالكيبورد بي مكان للنسخ لان احتاج انسخ كلام كثير

[@AH-dCh-v]

❤

[@AH-dCh-v]

❤

[@AH-dCh-v]

❤

[@AH-dCh-v]

❤