Рет қаралды 51
Педагогикалық шеберлік орталығы мен EdCrunch Academy мәскеулік IT сарапшылары әзірлеген «Заманауи мектепті басқару» компьютерлік симуляторын⠀қатысушылар кәсіби менеджерлік дағдыларды арттырудағы педагогикалық жаңалық деп бағалады. ⠀
⠀
Бұл күні симулятор мүмкіндігін саралап көруге Бәйтерек ауданынан келген отыз білім менеджері командалық жұмысты жандандыруда нақты қадамдарды өздеріне анықтағанын жеткізді. ⠀
⠀
- Мектеп басшылары түрлі теориялық курстардан өткенімен шешім қабылдауда белгілі бір қиындықтарға кезігіп жатады. Бүгін симулятор арқылы мәселеге жан-жақты назар аудару, тиімді әдістерді саралау бойынша жақсы тәжірибе жинақтады деп есептеймін, - Орал қаласы білім беру бөлімінің басшысы Ақжарқын Темірханова.⠀⠀
⠀
Тренинг барысында виртуалды мектепті басқаруына алған командалар мүдделі тараптардың сұранысын зерделеп, стратегиялық шешімдер қабылдады. Бұл оларға кәсіби және басқарушылық құзыреттіліктерін арттыруға мүмкіндік берді. ⠀
⠀
Үш күн ішінде әр топ виртуалды мектебінің жылдық жұмысын аяқтайды және сәтті мектеп үлгілерін анықтайды.