بخصوص العزل الارضي سوناتا 2020

العزل الارضي سوناتا 2020

[@user-ze8lu1mv8q]

ياخي بيض الله وجهك

[@alyamiV8]

عسى الله يوفقك ويسعدك

[@arshadf401]

قبل اسبوع بدلت الكفرات وصارت مشي السيارة ناعم وهاديء على العموم العمر الافتراضي للكفرات سنتين وأن زاد تتيبس وتصير مزعجة ومعرضة للتشقق بأي لحظة والاهم تاخذ كفرات مش مخزنة كثير وفي نوعيات مختلفة ونا ركبت صيني اسمه جونو واشوفه ممتاز

[@kingofwer7755]

فعلاا 👍🏻

[@x_hazem490]

بالنسبة لعزل الهواء اخوي فواز انا معي سوناتا 21 سمارت بلس ومقاس الجنط 17 وعرض الكفر 215 و ارتفاعه 55 و نوع الكفرات كومهو و ولد خالي معه سوناتا سمارت بلس 20 نفس موترك وكفراته نفس موترك وجنوطه والكفرات هانكوك نوعها ركبت معه وعزل موتره قاسي بشكل وكفراته لينه نفس الشي لكن فرق عن موتري من ناحيه القساوه 70% تقريبا مع العلم ان كفرات موتري جديده بحكم انه الموتر ماله الا ثلاث شهور معي و اتوقع الكفرات لها دور من ناحيه العزل والخشونه على قولتك اخوي فواز بحكم التخزين وسنة الصنع وكذا

[@azizstory6711]

فعلاً المشكلة بالكفر

[@user-iw8jt1js8n]

معي اوبتيما مارتحت لين ركبت صيني ولاكن قبل لاتاخذ صيني امسك الكفر وشوف قاسي ولا طري وهو بكياسه عند المحل اذا طري شيله وذا قاسي اسحب عليه ودور طري والجنط له دور في القساوه

[@s_rrk]

الله لايهينك اذا تنزل بالسناب يومياتك كذا عن السوناتا حط سنابك ومتى بتركب العازل عشان والله تنسيم الابواب جداً ازعجني ومدري وش الحل أتمنى تسوي التجربه ب اسرع وقت

[@fwaz511n]

والله يا سلمان ماني من محبين السناب اكون معك صربح لاكن كل التجارب راح تصير فالقناة بإذن الله، وماراح اتاخر .

[@s_rrk]

@@fwaz511n بالتوفيق ي الحبيب مابغينا نلقى واحد مهتم بالسوناتا 20 كلهم منشغلين بالمحرك بس

[@fwaz511n]

@@s_rrk وهذا هو السبب الرئيسي اللي سويت بسببه القناة ❤️

[@mans9270]

ضغط الكفرات له دور كبير اقل من 30 بشوي مناسب

[@fwaz511n]

اقل من 30 اقرب حفره يحبل

[@sami8979]

فعلا الصوت حتى انا واضح عندي ازعاج جدا فعلا اذا ماشغلت المسجل

[@MofagBinSalem]

مشكلة صوت الطقطقه في المكينة مع الدعس جاتك ولالا لان موتري 20 وفيه طقطقه مع الدعس

[@fwaz511n]

والله هذي المشكلة ما جتني لاكن راجع الوكاله دامك تحت الضمان، حتى لو ما سويت الصيانه عندهم، انا اتذكر رحت سالتهم عن صوت مزعج قبل فتره وطلع معي واحد من الفنيين وجربنا السيارة ولقى انها البطانه كانت مفكوكه بسبب مطب، فانصحك تراجع الوكاله وراح يفيدونك

[@s_rrk]

اي جتني ولقيت اكثر من شخص نفس المشكله مالها حل وديت السياره للوكاله قالو الصوت طبيعي ومافي شي وبعد واحد من خوياي نفس الصوت اذا دعست تسمع صوت طقطقه ووداها لهم فحصو السياره يقولون طبيعي

[@erenkruger9740]

انا غيرت بنزين 95 وخف

[@erenkruger9740]

يوم رجعت ل 91 رجع الصوت المشكلة انها تحسه في ضلوعك

[@fwaz511n]

باذن الله راح ابحث عن المشكله ذي واشوفها لاني توي ادري عنها .

[@bandersh832]

انا نفس المشكله موتري 2020 ماشي 25 الف فقط الكفر قاسي جدا و فيه صوت هل اذا غيرت الكفرات تزبط ؟ و ايش نوع الشركه المناسب ؟

[@fwaz511n]

ايه راح تزبط، اي كفر كويس بيمشي الحال عندك هانكوك و رودستون و يوكوهاما و نيكسون .

[@malk440]

عزل السوناتا سيء والكاميري اسواء و الياريس👍🏻' هل من الكفر ام حاجه ثانيه

[@fwaz511n]

لا تقريباً من الكفر اخ مالك 👍

[@Athman1]

مقطع عباره عن مدري مدري🙂

[@fwaz511n]

😂😂😂👌

[@quit914]

يا رجال, والله احسن من انه يفتي من راسه و ينكب العالم, في بعض الناس يقول لك معلومات غلط في غلط و ينكب العالم

[@faisala1865]

ياغالي اتوقع موضوعك تغير كفرات وبتنحل معك ان شاء الله الصوت الي قلت عنه فووفوووفوو هاذي اتوقع كفراتك مستهلكه لان قبل فتره ركبت مع واحد ماليبو 18 مشى 3 سنوات ولا غير كفرات يولد الصوت مزعج وعالي وغير كفراته الى برجيستون جديده وفرق فرق شاسع .. بس يقولون يوكهاما اريح بس هو يبي نفس كفرات الوكاله ..توقعاتي اذا كفراتك برجيستون غيرها الى كفرات جديده سواء برجيستون الجديداو يوكهاما وراح تلاحظ الفرق براحه والعزل ان شاء الله لان كل الكفرات تقريبا اعمارهن من 40-60 الف كيلو و3 سنوات هذا والله اعلم و ان شاء الله اني افدتك ولو بل قليل

[@fwaz511n]

شكراً وجزاك الله خير ، كفراتي برللي وعمرها سنتين هي مصنعه ٢٠١٩ وحنى ٢١ ف شكل هذي هي المشكله ، شكراً على الافاده ❤️