بنت المنهال - فاركونة الحان بنت المنهال (حصرياً)2021

فاركوني الماردت فركاهم
لاني ميت لاخذوني وياهم
تغيرت ذيج المحنه
وبعد ميرجعون اهلنه
العاشو وياي بوفه شينساهم
___________________
جنه من نكعد سوه شمحلاتنه
والله يامحلى الحجي وضحكاتنه
ياوسافه الموت طش كعداتنه
الجانو بوسط الكلب
هسه نامو عالترب
الموت اخذهم مني وين الكاهم
___________________
الموت فاركنه واخذ وين الحنين
بلحضة راحت عشرة ايام وسنين
والمفارك حكه من ايضل حزين
يبقى للهم والعذاب
الدافن احبابه بتراب
ينجرح كلما سمع طرواهم
__________________
يبقى للهم والحزن والذكريات
والي يفكد غالي منه اعتبره مات
بغير لمة احبابنه شنهي الحياة
بلايه شوف عيونهم
شنهي يسوه بدونهم
العمر مايسوه وعلي بلياهم
_________________
شنهي كعدتنه بعد من دونهم
واحنه ندري بالتراب عيونهم
ريت هسه نعرف كون اشلونهم
شلونهم بالمكبره
وبيهم شسوه الثره
راحو وعايش بقى ذكراهم
_______________
قصيده مشتركه
كلمات..
الشاعر حيدر الحلفي
الشاعره نورس الحلفي
الحان بنت المنهال
______________